Etirazlarla bağlı Ərdəbildə daha bir neçə fəal yaxalandı

GADTB-nin Mətbuat Mərkəzinə daxil olan məlumata görə, Güney Azərbaycanın Ərdəbil şəhərində son həftələr keçirilən etirazlarla bağlı yaxalanan bir sıra fəalların, o cümlədən Halə Ərşadi, İbrahim Pakdel, Rza Qurbani, Babək Həmrəng, Əmir Qazizadə və Səccad Məcidinin həbs edildiyi məlum olub.

Azərbaycanlı fəalların yaxalanmasından bir müddət keçməsinə baxmayaraq, hələ də onların vəziyyəti barədə məlumat verilmir.

Fəalların rejimin Ərdəbildəki zindanının hərbi bölməsində həbsdə saxlandığı bildirilir. Halbuki, əsgərləri cəzalandırmaq üçün həmin bölmədə saxlayırlar.

Qeyd edək ki, irqçi fars rejim son günlər etirazlarla əlaqədar çox sayda azərbaycanlı fəalı yaxalayıb. Lakin rejim interneti kəsdiyi üçün onların çoxu haqqında məlumat əldə etmək mümkün olmur.