پنج‌شنبه , آوریل 15 2021
azfa

آوسترالیا-آذربایجان آسوساسیاسی و گادتب سیدنئیده خوجا‌لی سویقیریمی ایله باغلی تدبیر کئچیردی-ویدئو

گادتب-نین مطبوعات مرکزینه داخیل اولان معلوماتا گؤره، بو گون آوسترالیانین سیدنئی شهرینده خوجا‌لی سویقیریمینین 29-جو ایلدؤنومو ایله باغلی تدبیر کئچیریلدی.

تدبیر آوسترالیا-آذربایجان آسوساسیاسی و گونئی آذربایجان دئموکراتیک تورک بیرلیگی‌نین (گادتب) تشبّوثو ایله کئچیریلیب.

آوسترالیا-آذربایجان آسوساسیاسینین پرئزیدئنتی و گادتب بئین الخالق علاقه‌لر دئپارتامئنتی‌نین صدری سایین میکاییل اویتا و گادتب قادین مسئله‌لری و اینسان حاقلاری دئپارتامئنتی‌نین صدری سایین سارا آزرسونون تشبّوثو ایله کئچیریلن تدبیرده چوخ سایدا دؤولت خادیمی، دیپلوماتیک نماینده‌لیکلر و ضیا‌لیلار ایشتیراک ائدیب.

سیدنئی شهرینده کئچیریلن خوجا‌لی سویقیریمینین 29-جو ایلدؤنومو مراسیمینه او جمله‌دن تورکیه‌نین باش کونسولو سایین علی سئویم، یئنی جنوبی اوئلز ایالتی‌نین میللت وکیل‌لری سایین لیندا خانیم وولتس و سایین پاول لینچ، چین ایجماسی مرکزی‌نین یئنی جنوبی اوئلز ایالتی‌نین پرئزیدئنتی ائمی اونگ،  سیدنئی اونیوئرسیتئتین‌دن پروفسور دؤکتور  شمس الدین، تورک مئدیاسینین باشقانی سایین صولحان، یئنی جنوبی اوئلز تورک کونسئیی‌نین باشقانی سایین دورسون جاندمیر، تورک دایانیشما مرکزین پرئزیدئنتی سایین بشیر کاراسو، سیدنئیده پاکیستان درنه یی‌نین باشقانی و سایر قوناقلار ایشتیراک ائتمیشلر.

تدبیرده قوناقلار، او جمله‌دن گادتب قادین مسئله‌لری و اینسان حاقلاری دئپارتامئنتی‌نین صدری سایین سارا آزرسون چیخیش ائتمیش‌دیر.

تدبیردن ویدئو و شکیل‌لری تقدیم ائدیریک:

دوباره امتحان کنید

بلینکن: غنی‌سازی ۶۰ درصدی جدی بودن ایران در مذاکرات را زیر سوال می‌برد

گادتب: به گزارش مرکز خبر گادتب، آنتونی بلینکن، وزیر امور خارجه آمریکا چهارشنبه ۲۵ فروردین …

دکتر توحید ملک زاده: کشف کورقانهای ترکان باستان در اورمیه

گادتب: تمدن عظیم کورقان که در مناطق ترک نشین از حداقل پنج شش هزار سال …