ايران آدلانان يئرده رفراندوم اويونو باره‌ده گونئي آذربايجان ايستيقلالچي تشکيلاتلار بيرليگينين بيلديريشي

ايران ايشغالچي رئژيمي ايچدن چوروموش و اونون کؤچوشو اوچون گئري ساييم باشلانميشدير. چؤکوشده اولان رئژيمين الي قانلي باشچيلاري خالقلارين اينتيقاميندان ياخا قورتارماق مقصديله سون نفسلرينده يالانچي رفراندوم شعارلاري ايله ميللتلرين راديکاللاشماسيني انگلله‌مک، موجاديله‌نين ايستيقامتيني دگيشمک، ايجتيماعي رأيي مشغول ائتمک، زامان قازانماق و بئله‌ليکله، حاکيميته داوام ائتديرمک نيیَتينده‌ديرلر.
طبيعي اولاراق ايران مرکزلي پارتييا و قوروملاردان عيبارت موخاليفت ده ايرانين داغيلماسيني انگلله‌مک آماجي ايله رئژيمله عئيني ايستقامتده رفراندوما چاغيريش ائده‌رک، بير طرفدن فارس اولمايان ميللتلرين داواسيني اؤرت باسدير ائديب، باشقا يانادان اؤزلريني دئموکراتيک گؤستره‌رک، لئگيتيمليک قازانماغا چاليشيرلار. بونونلا ياناشي بعضي ساده اينسانلار دا روحانينين اورتايا آتديغي بو اويونا ايناناراق، سانکي گئرچکدن ده رفراندوم کئچيريله‌جک دئيه رئژيمين قوردوغو اويونا آلت اولوب، دوزاغا دوشموشلر.
شوبهه‌سيز کي، بو بربزکلي و گؤزل گؤرونن شعارلارا اؤنم وئرمه‌ين گونئي آذربايجان تورکو ايستيقلال داواسيندا قرارليدير. گونئي آذربايجان تورکو ايران ايشغالچي رئژيميني قوروماق آماجي ايله اورتايا آتيلميش يالانچي رفراندوم شعارينا آلدانمادان اؤز قورتولوش ساواشينا داوام ائديب، ايران ايشغاليني دفع ائده‌رک، چاغداش گونئي آذربايجان جمهوريتيني کسينليکله قوراجاقدير.
گونئي آذربايجان ايستيقلالچي تشکيلاتلار بيرليگي بيلديرير کي، تکجه گونئي آذربايجانين ايستيقلالي اوچون رفراندوم کئچيريلرسه بللي شرطلرله قبول اولونا بيلر. ايران ايشغالچي رئژيمينين قوندارما رفراندومو دئييل، بلکه بيرلشميش ميلتلر طرفينده تام دئموکراتيک اورتامدا 6 آي آزاد تبليغات سونوجو، گونئي آذربايجان تورکو ايستيقلال رفراندومونا گئديب ايستيقلاليني اعلان ائدر.
ردَ اولسون ايران ايشغالچي رئژيمي
وار اولسون موستقيل گونئي آذربايجان
گونئي آذربايجان ايستيقلالچي تشکيلاتلار بيرليگي