ادتاج اتحادیه دمکراتیک ترک آذربایجان جنوبی
گادتب: بیر سیرا «ادبیات، اینجه صنعت، فرهنگ و هنر» خادیمی۱۴۰۳ جو ایلی “اورمو ایلی” اعلان ائدیبلر.
یاییلان چاغیریشین متنی آشاغیداکی کیمیدیر:
«۱۴۰۳ جو ایلی “اورمو ایلی” اعلان ائدیریک
آتا بابالاریمیزی، بیزی و اوشقلاریمیزی قوینوندا بسله ین اومای آنامیز سومئرلردن، بیزه پای قالان و آذربایجان آدلانان بو مقدس وطن، عصیرلر بویو یاخجی، یامان گونلرده تاریخین آلنینا شرف و حریتله یازدیرمیشدیر.
بو شانلی یوردون کؤکسونده اوباسینی قوران تورک خالقی، عصیرلر بویو کولتور و مدنیتینه دایاناراق اورمودا یاشامیشدیر . تورکون دیریلیش و بوی آتدیغی مقدس اورمو توپراغی هر زامان آذربایجانین چیرپینان اوریی و کولتور اوجاغی اولموشدور.
(عینی زاماندا جانی، قانی و اولادی بهاسینا ساووندوغو بو توپراقلاری دوستدان، قوناقدان، و اونا پناه گتیرن سورگون ائدیلن و اؤز اولکه سیندن قاچاق دوشن، سیغینماجی انسانلاردان اسیر گه مه دن، یوردوندا اونلارا سیغیناجاق وئرن چؤره یین، سویون اونلارلا پایلاشان، بو توپراقلاردا یاشایان تورک خالقی اولموشدور)
بوگون خالقیمیز هر زاماندان داها چوخ تورک اولدوغونا، آنا دیلینه، و کولتورونه ماراق گؤسترمه سی تورک دوشمنی اولان خاریجی گوجلری راحاتسیزائدمیشدیر. او اوزدن آذربایجانین کولتور و مدنیت اوجاغی اولان اورمو تورک دیاریندا قوناق سئورلیگی بعضی قوناناقلارین یانلیش دوشونجه لرینه سبب اولوبدور .
بو اوزدن بوتون تورک خالقینی اورمو محوریتینده بیرلیک قورماغا چاغیریریق، بیز ادبیات، اینجه صنعت، فرهنگ و هنر توپلومو اولاراق 1403-جو ایلی ” اورمو ایلی” اعلان ائدریک.
اوموروق بو ایلده آچیق گؤز، صاف اورک، تمیز فیکیرلر بوتون شخصی مسائلدن اوزاق الیمیزدن گلنی اوز صنعت میزله اورمو اوچون بیرلیک یولوندا اورتایا قویاق .
اورمو ایلی قوتلو اولسون.»
