ادتاج اتحادیه دمکراتیک ترک آذربایجان جنوبی
گادتب-نين مطبوعات مرکزينه داخيل اولان معلوماتا گؤره، گادتب بين الخالق علاقه لر دئپارتامئنتينين صدري و آوستراليا آذربايجان آسوساسياسينين پرئزيدئنتي سايين ميکائيل اويتا آوستراليانين باش ناظيري جناب سکوتت مورريسونا مراجيعت ائده‌رک تورکيه‌نين آنتي تررور عملياتينين حاقلی اولماسي باره‌ده معلومات وئرميشدير. سايين اويتانین مکتوبونو عکس ائتديريريک:
آوسترالييا آذربايجان آسوساسياسينين پرئزيدئنتي ميکائيل اويتا آوستراليانين باش ناظيري جناب سکوتت مورريسونا موراجيعت ائده‌رک، قارداش اؤلکه تورکيه‌نين سورييانين شيماليندا باشلاتديغي “باريش پيناري” حربي عملياتلاري باره‌سينده ايجماعنين مؤوقع يني ايفاده ائتميشدير. جناب اويتا، حربي عملياتلارين تورکيه‌نين ميللي تهلوکه‌سيزليگيني تأمين ائده‌رک، ائولريندن قاچقين دوشن اهالينين گئرييه قايتاريلماسينا نايل اولماق هدفي داشيديغيني، آوستراليا حؤکومتي و فئدئرال پارلامئنتيني تورکيه‌يه دستک اولماغا دعوت ائتميشدير.
مکتوبون ايکينجي حيصه سينده موناقيشه‌نين تاريخينه دقت چکيله‌رک آوستراليا و بيرلشميش ميلتلر تشکيلاتينين (بمت) 2004-جو ايلده پ ک ک-ني رسمي شکيلده تئررور قروپلاشماسي اولاراق تانيماسي خاطيرلاديلميشدير. سوريادا آياقلانان ايشيد تئررور قروپلاشماسينين ظولموندن قاچان 5 ميليوندان چوخ قاچقينين 4 ميليوندان چوخ حيصه نين تورکيه‌ني تهلوکه‌سيز سيغيناجاق اولاراق گؤرمه‌سي و قارداش اؤلکه‌نين اؤز داخيلي رئسورسلارينين ايستيفاده ائده‌رک همين قاچقينلارا دستک اولماسي بير داها وورغونلانميشدير.
جناب اويتا سون اولاراق “باريش پيناري” عملياتلارينين بين الخالق آرئنادا، خوصوصيله مئديا قوروملارينين کورد اهاليه قارشي آپاريلماسي جهدي کيمي تقديم ائديلمه‌سينين بيرمعنالي شکيلده قصدن ائديلديگيني وورغولاييب. موراجيعتين سونوندا حربي عملياتلارين ان قيسا زاماندا باشا چاتاراق، قاچقين دوشن اهالينين اولکي شرایطينه قايتاريلماسي و رئگيوندا صلحون، امين آمانليغين برپا اولونماسي اوچون آوستراليا حؤکومتينين تورکيه‌يه دستک اولماسينين واجيبليگي قئيد ائديلميشدير.
