دوشنبه , ژانویه 24 2022
azfa

داود عبدی: آتابای آذر آیی‌لا بیرگه‌ خوش گۆنلر موشتولوقچوسو

گادتب:  بو گۆن سینمالار پرده‌لرینی بزه‌ییب بۆتون توپلومون آلقیشینی قازانیب، دوستون اۆزون گۆلدوروب، دۆشمانی آغلار قویان آتابای فیلمی دییل، میللتیمیزن کیملیگین سئون اینسانا آرخا دورماغی‌نین گؤسترگه‌سیدیر.

آتابای فیلمی‌نین آذربایجان‌دا خوش قارشیلانماسی‌لا بیرگه چوخلو قلم‌داش‌لار فرقلی تحلیل‌لر یازیب یایدیلار،

بیر سیرالارینین دۆشوندویونه گؤره؛ بو مؤحتشم قارشی‌لانما تۆرک دیللی فیلم‌لرین بوشلوغو و آز اولدوغوندان آسیلی‌دیر،

 اونلار فارس دیللی علیحضرت‌لریندن بیزلره لۆطف ائدیب داها آرتیق اؤز دیلیمیزده اولان فیلم‌لره مجوزلرین وئریلمه‌سینه یالواریرلار،

بیر سیرالاری فیلم‌ین تانینمیش اویونچولاری و آدلیم قوروجو کادریندان سؤز آچاراق بو قارشی‌لانمانی هادی حجازی‌فر، جوادعزتی، نیکی کریمی و… کیمی آدلارا باغلاییرلار،

 آنجاق آتابای‌ین اکرانینین خوش قارشیلانماسی‌نین باشلانغیجی، فیلمین سینمالارین گۆموش پرده‌لردینی بزه‌مه‌دن اؤنجه وورولموشدو.

 هادی حجازی‌فر بلکه او گۆن [ آتابای‌ین تانیتیم پروقرامیندا ] او لومپن خبرنگارین سورغولارینی جاوابلاماسایدی دا هئچ نه اولمازدی، نهایتی باشقا تۆرک مسلک‌داشلاری کیمی، سوسقونلوغونو توجیح ائدیب اۆستوندن کئچه بیلردی، آنجاق او گۆن او حدسیزین آغزی‌نین پایینی وئرمکله آتابای‌ین یاییملاندیغی گۆنلر سئیرچی‌ باخیمیندان سیخینتی چکمه‌یه‌جه‌یینه ایمضا آتدی.

او گۆن حجازی‌فر آتا چؤره‌یی‌‌ایله آنا سۆتونون حاققینی یئرینه یئتیریب خالقینی سئودیردی، خالقی دا بوگۆن ایسه آتابای فیلمینی خوش قارشیلاماقلا، یوردوموزون دوستلاری‌لا دۆشمانلارینا نئچه اؤنملی ساو وئردیلر؛

بیرینجیسی؛ بیزیم باشی اوجا میللتیمیز، اؤز بالالاریمیزین آرخاسینی هئچ زامان بوش قویمازلار.

ایکینجیسی؛ تۆرک‌لر کۆلتورلری‌ایله، آنا دیل‌لرینی سئومکله بیرگه، یاشادیقلاری بو تورپاقلاردا کیم‌له ساواش حالیندا اولدوقلارینی اونوتمایاراق، ایلنجه، تفریح و…  حالیندا اولدوقلاری آن‌لاردا دا بیر گؤزلری میللی چیخارلاریندادیر.

اۆچونجوسو: بو فیلمین یاییملانماسینی صبیرسیزجه‌سینه گؤزله‌مکلری‌نین ان اؤنملی نه‌دنی ایسه؛ او گۆن حجازی‌فر تک او خبرنگارا جواب وئردی، آنجاق او خبرنگار تمثیل ائدن چیرکین دۆشونجه‌لرله، فاشیست‌سل باخیشلارین جوابینی اؤز آنا دیل‌لری هابئله یۆکسک اویغارلیق‌لارینا اولان سایغی‌لارینی گؤسترمکله، فاشیستین آغزی‌نین پایینی وئرمک‌ایدی.

و سونونجوسو؛ بو فیلمین زنگان، همدان، قزوین و…  کیمی شهرلرده یۆکسک ایستکله قارشی‌لانماسی، فاشیستین اۆره‌یینه سانجیلان بیر اوخویدو، ایللر بویو او بؤلگه‌لری فارسلاشدیرماغا و تۆرکجه‌نی محو ائتمه‌گه یاتیردیقلاری یاتیریملارین بیر آن‌دا بادا گئتدییینی گؤرمک،

 بیزلره قازانج‌لارلا دولو اولان سون بیر ایلین اولای‌لارینا باغلادیقجا یازیقلارا نه آغیر، آجی‌ ضربه‌لرین دیدییینی بیلمک اولور.

قاراباغ‌ین اؤزگۆرلویوایله آنا وطن‌ قوجاغینا قاییتماسی‌نین آجیسی

تۆرک‌ دۆنیاسی بیرلشمه‌یه دوغرو آددیم آتما، آغریسی

تۆرک شوراسی‌نین قورولوش پروسه‌سی‌نین بۆتونلشمه، یاراسی

و اونلارا ان چوخ درده سالان اولای؛ بو اؤلکه‌ده یاشایان تۆرکلرین آذر آییندا یئنی‌دن کیملیک‌لرینه یییه‌ دورماقلاری‌نین آجیسی.

بو پازلی بیرلشدیردیگیمده تکجه گؤزون آیدین وطن دئییب، یوردوموزون‌ داها دا خوش گۆنلر دادماسینی آرزی ائدیرم.

دوباره امتحان کنید

توقیف یک کشتی حامل «مواد اولیه منفجره» رژیم ایران توسط نیروی دریایی آمریکا

گادتب: به گزارش مرکز خبر گادتب، امروز یکشنبه ۳بهمن ماه ۱۴۰۰، نیروی دریایی آمریکا اعلام …

ابراهیم ساوالان: علی ایمانی قراملکی نین اوچ گوزل اوشاق ناغیلی

گادتب: علی ایمانی قراملکی، اؤنجه‌لر «قاری‌ننه و قوشلار» و «جوتچو و حُقّه‌باز» آدلی ایکی اوشاق …