یکشنبه , جولای 14 2024
azfa
تازه ها

سایین سارا خانیم آذرسونون ایرانین آذربایجانلی فعاللاری عدالت‌سیز و قاپالی محاکیمه ائتمه‌سی ایله باغلی آوسترالییا رسمیلرینه مراجعتینه جواب گلیب-شکیل

گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) اینسان و قادین حقوقلاری دئپارتامئنتینین صدری سایین سارا خانیم آذرسونون ایرانین آذربایجانلی فعاللاری عدالت‌سیز و قاپالی محاکیمه ائتمه‌سی باره‌ده آوسترالییا خاریجی ایشلر ناظرلیگی و سایر اورقانلارینا عنوانلادیغی مراجعته جواب گلیب.

سایین سارا خانیمین مراجعتینه آوسترالییا خاریجی ایشلر اوزره کؤلگه کؤمکچی ناظری، تاسمانییا اوزره لیبئرال سئناتور کلایر چاندلئر جواب گؤندریب. جواب مکتوبون‌دا یازیلیب:

عزیز سارا،

منه ائمایلینیزدا بو واجیب مسئله نی قالدیردیغینیز اوچون تشکور ائدیر‌م.

ایران‌دا بیر چوخ ائتنیک و مد‌نی آزلیقلارین وضعیتی ایله باغلی چوخ ناراحاتام. کئچه‌ن ایل صدرلیگینی ائتدییم ایران‌دا زوراکیلیغین اینسان حقوقلارینا تأثیرلری ایله باغلی سئنات آراشدیرماسین‌دا، بیر چوخ قروپلاردان ایسلام رئسپوبلیکاسی رئژیمی طرفین‌دن خصوصیله قادینلار و قیزلارا قارشی تطبیق ائدیله‌ن زوراکی‌لیقلا باغلی ثبوتلار دینله دیک.

بو ثبوتلار وایران اسلام رئژیمینین اوزون مدت عرضین‌ده‌کی دهشتلی داورانیشی نتیجه‌سین‌ده، کومیته‌میز آوسترالییا حکومتی طرفین‌دن رئژیمین مسئولیته جلب اولونماسی و اینسان حقوقلارینین مدافعه‌سی اوچون ۱۲ توصیه تقدیم ائتدی. تأسف کی، حکومت بو توصیه‌لرین یالنیز کیچیک بیر حیسه‌سینی قبول ائتدی. لاکین، حکومتین داها گوجلو تدبیرلر گؤرمه‌سی اوچون گوجلو شکیل‌ده تبلیغ ائتمه‌یه داوام ائتمیشم و بونو ائتمه‌یه داوام ائد‌ه جه‌یه‌م.

ائ-پوچتانیز اوچون بیر داها تشکور ائدیر‌م.

حؤرمتله،

سئناتور کلایر چاندلر

خاریجی ایشلر اوزره کؤلگه کؤمکچی ناظری

تاسمانییا اوزره لیبئرال سئناتور

دوباره امتحان کنید

دکتر توحید ملکزاده: آذِربایجان در قرون اولیه اسلام

 گادتب: آذربایجان در اوایل قرن هفتم میلادی از سه طرف تحت فشار سیاسی دول بزرگ …

آمریکا شرکت «حکیمان شرق» را به دلیل دست‌داشتن در برنامه جنگ‌افزارهای شیمیایی حکومت ایران تحریم کرد

وزارت امور خارجه آمریکا روز جمعه شرکت تحقیقاتی حکیمان شرق را به دلیل دست‌داشتن در …