ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، نویابرین ۱۷-ده آوسترالییا ناتو پارلامئنتئر توپلانتیسینا قاتیلماق اوچون گلن ناتو پارلامئنت آسامبئلیاسی تورک نماینده هئیتینین باشقانی تورکیه‌نین کئچمیش خاریجی ایشلئر ناظری حؤرمتلی مؤولود چاووش اوغلو، تورکیه موخالیفتی نماینده‌لرین‌دن سایین فایق اؤزتورکون ایشتیراکی، تورکیه‌نین آوسترالییاداکی بؤیوک ائلچیسی سایین اوفوک گئزئر و باش کونسولو سایین علی سئویمین تشکیلات‌چی‌لیغی ایله توپلانتی کئچیریلدی.
بو توپلانتییا آوسترالییا آذربایجان آسو‌سیاسییاسیینین پرئزیدئنتی میکائیل بی اویتا و کومیته عضولری دؤکتور مهدی رسولی و ائلوین اویتا، همچئنین گونئی آذربایجان دئموکراتیک تورک بیرلیگینین اینسان و قادین حاقلاری دئپارتمئنتین صدری سارا خانیم آزرسون دا رسماً دعوت ائدیلمیش‌دیلر. توپلانتی‌دا میکائیل اویتا ایلک اولاراق مؤولود چاووش اوغلونو سلاملاییب، خاریجی ایشلر ناظری اولان دؤنم‌ده ایشغال آلتین‌دا اولان قاراباغ تورپاقلاری اوغرون‌دا آذربایجانین حاقلی موباریزه‌سین‌ده وئردیگی بؤیوک دسته‌یه گؤره اونا میننتدارلیغینی بیلدیردی. او بیلدیردی کی، سایین مؤولود چاووش اوغلونون هم آروپا شوراسین‌دا، هم ده خاریج‌ده کئچیریلن بوتون رسمی توپلانتیلاردا آذربایجانا اولان دسته یینی و حاق سسیمیزی دونیایا یئتیرمک‌ده ائتدیگی یاردیملاری ۵۵ میلیونلوق آذربایجان خالقی هئچ زامان اونوتمایاجاق.
میکائیل اویتا همچینین قئید ائتدی کی، تورکیه و تورک دؤولتلری ایران آدلانان اؤلکه‌ده ۴۰ میلیون گونئی آزربایجانلینی یاددان چیخارمامالی‌دیر. گونئی آذربایجانین ۴۰ میلیون تورک میلئتینین کولتورونو، میللی وارلیقلارینی حمایه ائتمه‌لی و بو قهر‌مان خالقی دونیا میقیاسین‌دا تانیتمالیییق. اقتصادی و حربی جهت‌دن توران بیرلیگی فورمالاش‌دیرا بیلدگیمیز حال‌دا دونیادا گئدن ائنئرژی سیاستی فونون‌دا چوخلاری بیزیمله حسابلاشمالی اولاجاق.
سایین مؤولود چاووش اوغلو دا بو فیکیرلره شریک اولدوغونو بیلدیرره‌رک، بو یولدا فعال سیاسی ایشلرین آپاریلدیغینی بیان ائتدی. او همچینین، گونئی آذربایجانا، اساساً ده تبریزه گئتمه یی پلانلاشدیرغینی و گونئی آذربایجانین میللی تاکیمی تیرختور کومان‌داسی ایله یاخین‌دان تانیش اولماق آرزوسونو دیله گتیردی.
https://www.youtube.com/shorts/JsWhviCRX88
