ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقه‌لر دئپارتامئنتینین صدری سایین میکاییل بی اویتا حماسین ایسرائیله هجومو و دینج ساکینلره قارشی تؤرتدیگی وحشی‌لیکلرله باغلی ایسرائیلین آوسترالییاداکی سفیرینه مکتوبلا مراجعت ائد‌رک، ایسرائیله همرأیلیگینی بیلدیریب.
سایین میکاییل بیین مکتوبونون بیر حیسه‌سین‌ده یازیلیب: «حؤرمت‌لی سفیر مائیمون، آوسترالییا آذربایجان‌لیلاری آسوسیاسییاسی آدین‌دان بو چتین دؤورلرده ایسرائیل دؤولتی ایله سارسیلماز همرأیلیگیمیزی بیلدیرمک اوچون یازیریق. سون واختلار اؤلکه‌نیزه قارشی آمان‌سیز و اساس‌سیز هجوم‌دان درین ناراحاتلیق و کدر حیسی کئچیریریک، نتیجه‌ده یاشاییش منطقه‌لرینه آردیجیل راکئت ضربه‌لری ائندیریلیب، گوناه‌سیز دینج ساکینلره زیان وورولوب، گیروو گؤتورولوب. بیزیم شهرلریمیز و اراضیلریمیز تئررورو یایماق ایسته‌یه‌نلر طرفین‌دن قورخاقجاسینا بومباردمانلارا، راکئت هوجوملارینا و مینا پارتلاییشلارینا معروض قالدیق‌دا، بیز ده بئله چتین‌لیکلره تاب گتیردیگیمیز اوچون بو جور تئررور آکتلارینین بیر خالقا وئره بیله جگی آغری و قورخونو آنلاییریق. اون ایل‌لیکلر بویو ائرمنی تئرروریزمین‌دن اذیت چکه‌ن آذربایجان وحشی زوراکی‌لیق آکتلارینین سارسیدیجی نتیجه‌لرینه یاخشی بلددیر. ایرانین دستکله دیگی حماس تئررورچولارینا قارشی مباریزه‌نیزده ایسرائیلین یانینداییق. قطعیتله اینانیریق کی، هر بیر خالق اؤز اراضی بوتؤولویونو تأمین ائتمک، وطنداشلارینین تهلوکه سیزلیگینی و ریفاه ینی مدافعه ائتمک حقوقونا مالیک‌دیر. ایسرائیلین اؤز خالقینی قوروماق‌دا قطعیت‌لی اولماسی تکجه تقدیره لاییق دئییل، هم ده هر بیر سووئرئن خالقین اساس وظیفه‌سی‌دیر. بو چتین آنلاردا بیلین کی، سیز تک دئییلسینیز. کدرینیزه شریکیک، هر زامان اولدوغو کیمی، سیزین طرفینیزده ییک. آوسترالییا آذربایجان‌لیلاری آسوسیاسییاسی اؤلکه‌نیزین صلحه و تهلوکسیزلیگینه بو جدی تهلوکه ایله اوزلشدیگینیز زامان ایسرائیله دسته ییمیزی و همرأیلیگیمیزی تکلیف ائتمک‌ده دونیا ایجتیماعیتینه قوشولور…
میکائیل اویتا
درین رغبت و سارسیلماز دستکله، آوسترالییا آذربایجان‌لیلار آسوسیاسییاسینین پرئزیدئنتی»
سایین میکاییل بیین مکتوبونون تام متنینی اینگیلیسجه تقدیم ائدیریک:
