ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقه‌لر دئپارتامئنتینین صدری سایین میکائیل بی اویتانین ۱۱ اوکتیابردا آوسترالییالی دئپوتاتلارین ائرمنیلرین قاراباغدان کؤنوللو شکیل‌ده گئتمه‌لری فاکتینی تحریف ائتمه‌لرینه دایر یازدیغی مکتوبا جاواب گلیب.
آوسترالییانین یئنی گونئی اوئلز (NSW) ایالتی پارلامئنتین‌ده قانونوئریجی‌لیک شوراسینین مهم میللت وکیللرین‌دن اولان خانیم سوزان کارتئر سایین میکاییل بیین مکتوبونا جاواب اولاراق یازیب:
«آوسترالییا آذربایجان آسوسیاسییاسی پرئزیدئنتی، حؤرمت‌لی جناب اویتا!
منه یازماغا واخت آییردیغینیز اوچون سیزه تشکور ائتمک ایسته ییرم. کیم اولماسین‌دان و هارادان اولماسین‌دان آسیلی اولمایاراق، باشقالارینین عذابلارینی اونوتماماغیمیز و یا گؤرمه مزلیک‌دن گلمه مه ییمیز چوخ واجیب‌دیر.
قانونوئریجی‌لیک شوراسی پالاتاسین‌دا دا دئدیگیم کیمی، موناقیشه مورکب مسئله‌دیر و من مباحثه نین دوزگون و یا یانلیش طرفلری ایله باغلی هئچ بیر ادعا ایره لی سورمورهم. بونونلا بئله، بیلیرم کی، سیز قاچقینلارین، موناقیشه زوناسین‌دا ساخلانیلان مولکی شخصلرین عذابین‌دان و بونونلا باغلی رئگیون‌داکی هومانیتار بحران‌دان ایکراه حیسی ایله منیم یانیمداسینیز. من بو عذابی بیرینجی الدهن گؤرموشه‌م و NSW قانونوئریجی‌لیک شوراسینین عضوو کیمی بونا دقت چکمک عهده لیگیم وار.
من سیزین بو موناقیشه‌نین صلح یولو ایله حلی، رئگیون‌دا بوتون اینسانلارین حقوقلارینی و ریفاهینی تامین ائتمک ایستیینیزله اورک‌دن راضییام. من همیشه گؤروشوب وضعیتی موذاکیره ائتمک‌دن ممنونام.
حؤرمتله
سوزان کارتئر»
قئید ائدک کی، سایین میکاییل بی اویتا یازدیغی مکتوب‌دا بعضی دئپوتاتلارین ادعالاری ایله آذربایجان حقیقتلرینین تحریف ائدیلدیگینی و ائرمنیلرین کؤنوللو شکیل‌ده آذربایجانین قاراباغ بؤلگه‌سینی ترک ائتدیگی و هئچ بیر تضییقین اولمادیغینی یازمیش‌دی. سایین اویتا همچینین ائرمنیلرین ایشغال‌چی‌لیق سیاستی نتیجه‌سین‌ده بیر میلیون‌دان آرتیق آزربایجانلینین اؤز یورد-یوواسین‌دا دیدرگین دوشدویو و آذربایجان‌لیلارا قارشی سویقیریم و ائتنیک تمیزله‌مه باش وئردیگینی بیلدیرمیش‌دی.
مکتوبون اینگیلیسجه متنی:
