ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقه‌لر دئپارتامئنتینین صدری سایین میکائیل بی اویتا ایران ایسلام اینقیلابی کئشیک‌چیلری کورپوسونون (سپاه) تئررور تشکیلاتی کیمی تانینماسی باره‌ده آوسترالییانین خاریجی ایشلر ناظری پئننی وونگا مکتوبلا مراجعت ائدیب.
مکتوبو تقدیم ائدیریک:
حؤرمت‌لی سئناتور وونگ،
ایران ایسلام اینقیلابی کئشیک‌چیلری کورپوسونون (تئررور تشکیلاتی کیمی تانینماسی ایله باغلی تعجیلی مسئله نی دقتینیزه چات‌دیرماق اوچون یازیرام.
آوسترالییا آذربایجان‌لیلاری آسوسیاسییاسی سپاهین حرکتلرین‌دن، خصوصاً اونون هم ایران داخیلین‌ده، هم ده بئین الخالق سوییه‌ده تئررور آکتلارین‌دا ایشتیراکین‌دان درین ناراحات‌دیر. کئچه‌ن هفته سونو ایسرائیل دؤولتینه میثلی گؤرونمه میش ضربه‌دن سونرا ۱۳ آپرئل‌ده ایسرائیله سون بیرباشا هوجومو دا داخیل اولماقلا، سپاهنین زوراکی‌لیق و ثابت‌لیگی پوزان حرکتلر تؤرتمه‌سینین اوزون تاریخی وار.
ایران آذربایجان خالقینین ایستکلرینه ضد اولاراق تجاووزو گوجله‌ن‌دیرمک‌ده داوام ائدیر.
ایران‌دا موهوم ائتنیک آزلیق اولان آذربایجان-تورک خالقی سپاهین حرکتلرین‌دن خصوصیله تاثیرلنیب. تخمیناً ۴۰ میلیونا قدر اهالی‌سی اولان اونلار، ایران سرحدلرین‌دن کنارا تئرروریزمین ایخراجی دا داخیل اولماقلا، رئژیمین ظلم تاکتیکاسین‌دان چوخ اذیت چک‌دیلر. ایران‌داکی دیگر ائتنیک قروپلارلا یاناشی، آذربایجان خالقی دا رئژیمین اؤز سرحدلری داخیلین‌ده ائتنیک موختلیف‌لیگی بوغماغا یؤنلمیش زوراکی رئپرئس‌سییالارینا و ایرق‌چی ایدئولوگییالارینا دؤزور.
اونو دا قئید ائدیریک کی، کانادا بو یاخینلاردا سپاهی تئررورچولار سیاهی‌سینا علاوه ائد‌رک قتعیتلی آددیم آتدی. بو، سپاهین یاراتدیغی تهلوکه ایله باغلی قلوبال کونسئنسوسا و اونون فعالیتینه قارشی چیخماق اوچون دئموکراتیک دؤولتلر آراسین‌دا کووردیناسییالی سعی لره تعجیلی احتیاج اولدوغونو وورغولاییر.
بونا گؤره ده بیز دیگر دئموکراتیک دؤولتلرله بیرلیک‌ده آوسترالییانی سپاهی رسمی اولاراق تئررور تشکیلاتی کیمی تانیماغا چاغیریریق. بو تعیینات تکجه قلوبال بیرلیگیمیزین تهلوکه‌سیزلیگی اوچون دئییل، هم ده سپاهین حرکتلرین‌دن تأثیرلنه‌ن بوتون اینسانلارین حقوق و آزادلیقلارینین قورونماسی اوچون موهوم اهمیت کسب ائدیر.
بو مسئله‌یه گؤستردیینیز دقته گؤره تشکور ائدیریک و بیز سیزین سرعت‌لی و قتیعتلی آددیمینیزی گؤزله ییریک.
حؤرمتله،
میکائیل اویتا
آوسترالییا آذربایجان‌لیلاری آسوسیاسییاسینین (آاا) پرئزیدئنتی
