ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی میکائیل بی اویتا و گونئی آذربایجان دئموکراتیک تورک بیرلیگینین (گادتب) قادین و اینسان حاقلاری دئپارتامئنتینین صدری سارا خانیم آذرسون آوسترالییادا تورکیه سیفیرلیگینین تشکیل ائتدیگی تورکیه جمهوریتینین ۱۰۰ ایللیگی مراسیمینه دعوت ائدیلیب و همین تدبیره قاتیلیبلار.
اؤنجه‌دن تورکیه سفیرینه تورکیه جمهوریتینین ۱۰۰ ایللیگی موناسیبتیله تبریک مکتوبو عنوانلایان سایین میکائیل بی اویتا، گول چلنگی ایله تدبیره قاتیلمیش‌دیر.
تدبیر اوکتیابرین ۲۷-ده تورکیه‌نین آوسترالییاداکی سفیری حؤرمت‌لی جناب اوفوک گزر و دؤکتور شبنم فریور گزرین تشکیلات‌چی‌لیغی ایله کئچیریلیب.
تورکییه جمهوریتینین ۱۰۰ ایللیگی موناسیبتی ایله کئچیریلن تدبیره همچینین یئنی گونئی اوئلس (NSW) ایالتینین مولتیکولتورال ناظیرلیگینین تمثیل‌چی‌سی و چوخ سای‌دا قوناقلار ایشتیراک ائتمیشدیلئر.
