دوشنبه , ژانویه 24 2022
azfa

سایین میکاییل اویتا و سارا خانین آزرسون تورکیه‌نین بین الخاق معاریف مکتبی‌نین تمل قویما مراسیمینده ایشتیراک ائتدیلر-ویدئو

گادتب-نین مطبوعات مرکزینه داخیل اولان معلوماتا گؤره، 2021-جی ایل دئکابرین 3-ده آوسترالیانین سیدنئی شهرینده دؤولت رسمی‌لری و آذربایجان دیاسپوراسینین رهبرلیگی‌نین ایشتیراکی ایله تورکیه‌نین بئین الخاق معاریف مکتبی‌نین مؤهتشم تمل قویما مراسیمی کئچیریلیب.

مراسیمه آوسترالیا-آذربایجان آسوسیاسیاسی پرئزیدئنتی، گادتب بئین الخالق علاقه‌لر دئپارتامئنتی‌نین صدری سایین میکاییل بی اویتا و گونئی آذربایجان دئموکراتیک تورک بیرلیگی (گادتب) قادین مسئله‌لری و اینسان حاقلاری دئپارتامئنتی‌نین صدری سایین سارا خانیم آزرسون دا دعوت اولونوب و ایشتیراک ائدیب‌لر.

تمل قویما مراسیمی آوسترالیانین سیدنئی شهرینده بئین الخاق معاریف مکتبی‌نین  باشقانی سایین نجمی اوزون، تورکیه‌نین بؤیوک ائلچی‌سی سایین کورهان کاراکوچ، تورکیه‌نین سیدنئی‌دکی باش کونسولو سایین علی سئویمین تشکیلات‌چی‌لیغی و ایشتیراکی ایله کئچیریلیب.

مراسیمه همچینین چوخ سایلی دؤولت رسمی‌سی و میللت وکیل‌لری، او جمله‌دن آوسترالیانین یئنی جنوبی اوئلس ایالت پارلامئنتی‌نین میللت وکیل‌لری جولیا فینن و لیندا وولتز، آوسترالیانین کئمیش موهاجیرت ناظیری، یئنی جنوبی اوئلس  ایالتی لیبئرال پارتیاسینین صدری جناب فیلیپ رودوک، یئنی جنوبی اوئلس  ایالت پارلامئنتی‌نین میللت وکیل‌لری ایستیو کامپئر و کریستینا کئناللی، ائله‌جه ده آوسترالیا فئدئرال دؤولتین‌دن دیگر رسمی‌لر ایشتیراک ائدیب‌لر.

دوباره امتحان کنید

توقیف یک کشتی حامل «مواد اولیه منفجره» رژیم ایران توسط نیروی دریایی آمریکا

گادتب: به گزارش مرکز خبر گادتب، امروز یکشنبه ۳بهمن ماه ۱۴۰۰، نیروی دریایی آمریکا اعلام …

ابراهیم ساوالان: علی ایمانی قراملکی نین اوچ گوزل اوشاق ناغیلی

گادتب: علی ایمانی قراملکی، اؤنجه‌لر «قاری‌ننه و قوشلار» و «جوتچو و حُقّه‌باز» آدلی ایکی اوشاق …