ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقه‌لر دئپارتامئنتینین صدری سایین میکاییل بی اویتانین ۱۰ فئورال ۲۰۲۴-جو ایل تاریخین‌ده ائرمنیلرین آوسترالییادا اویدورما ائرمنی سویقیریمی تخریباتینا قارشی آوسترالییانین مولتیکولتورال ناظیرلیگینه مکتوبلا مراجعت ائتمیشدی. حاضردا ایسه مولتیکولتورال ناظیرلیگین‌دن میکاییل بیین مکتوبونا جواب گلیب.
مولتیکولتورال ناظیرلیگین‌دن سایین میکاییل بیین مکتوبونا جواب مکتوبون‌دا یازیلیب:
«حؤرمتلی جناب اویتا!
۱۰ فئورال ۲۰۲۴-جو ایل تاریخین‌ده یئنی گونئی اوئلزین (NSW) حؤرمتلی باش ناظری کریس مینسه آذربایجان‌لیلار آسوسیاسییاسینین ائرمنی قروپلارینین سویقیریملا باغلی تبلیغات فعالیتی ایله علاقه دار ناراحاتلیغینیزی یازیدیغینیز اوچون تشکور ائدیریک. باش ناظر سیزین یازیشمالارینیزی جاواب اوچون یئنی گونئی اوئلزین مولتیکولتورال باش دیرئکتورو کیمی منه گؤندردی.
سویقیریم چوخ مورکب و ائموسیونال مسئله‌دیر. ۱۹۹۷-جی ایلد‌ن بری یئنی گونئی اوئلزین (NSW) پارلامئنتی ۱۹۱۵-جی ایل ائرمنی، آسسورییا و یونان سویقیریملارینی تانیییب. ۲۰۲۴-جو ایلین فئورالین‌دا قانونوئریجی‌لیک شوراسی سویقیریمی ایله باغلی معاریفلندیرمه ایله باغلی تکلیفی قبول ائتدی. خزینه دار تکلیفی دستکله‌یه‌رک قئید ائتدی کی، یئنی گونئی اوئلزین (NSW) حکومتی کوریکولومون قورولماسینا گلدیک‌ده همیشه کوریکولوم مصلحت‌چیلرینین تجروبه‌سینی نظره آلاجاق، تکلیف‌ده قئید اولونان مؤضوعنون تدریسی ایله باغلی مصلحت آلمیش‌دیر و یئنی گونئی اوئلزین (NSW) تحصیل ایستاندارتلاری تشکیلاتی یئنی تاریخ پروقراملاری ایله باغلی مصلحتلشمه‌لر آپاریر.
سویقیریملا باغلی اجتماعی مذاکیره‌لرین پارچالانما پوتئنسیالینا مالیک اولماسی ایله باغلی ناراحاتلیغینیزی قئید ائدیره‌م. اینانیرام کی، سیز و ایجما عضولرینیز هر هانسی بیر زوراکی‌لیق، حده-قورخو و یا فیزیکی هوجوملا باغلی مووافیق اورقانلارا، او جمله‌دن یئنی گونئی اوئلزین (NSW) پولیس قوه‌لرینه مراجعت ائدیرسینیز. من بونونلا باغلی ناراحات‌لیقلارینیزی یئنی گونئی اوئلزین (NSW) مولتیکولتورال صدرلیک ائتدیگی یئنی گونئی اوئلزین (NSW) ایجما دایانیق‌لیغی و جاواب پلانی (کومپلان) کومیته‌سینه ده یؤنلندیردیم. کومپلان ایجما هارمونییاسی اوچون ریسکلری ایداره ائتمک اوچون کووردیناسییا ائدیلمیش، تام حکومت یاناشماسینی تامین ائدیر.
راضییام کی، مولتیکولتورال جمعیتیمیزین داوام‌لی اوغورلاری اوچون قارشیلیق‌لی حؤرمت و آنلاشما موحیطینین یارادیلماسی واجیب‌دیر. من هم ده آذربایجان ایجماسینین هارمونیک مولتیکولتورال جمعیتیمیزین اوغورلارینا مهم تؤحفه‌سینی تانیییرام.
بو مسئله نی حکومتین دقتینه چاتدیرماق اوچون واخت آییردیغینیز اوچون تشکور ائدیریک.
حؤرمتله
جوزئف لا پوستا
باش ایجراچی دیرئکتورو»
قئید ائدک کی، سایین میکاییل بی داوام‌لی اولاراق آوسترالییادا ائرمنی دیاسورونون آذربایجان و تورکیه‌یه قارشی تخریبات‌چی فعالیتلرینه قارشی چیخیب و لازیمی دؤولت رسمیلرینه رسمی مراجعتله ائرمنیلرین اویدورما ادعالارینی ایفشا ائتمه‌یه و اونلارین فعالیتینین قارشی‌سینی آلماغا چالیشیر.
مکتوبا جاوابین تام متینی اینگیلیسجه تقدیم ائدیریک:
