چهارشنبه , آگوست 10 2022
azfa

سیامک میرزایی: آذربایجاندا اولان سون اولایلارلا باغلی

گادتب: ۱- کوردلرین تروریستی دموکرات پارتیاسی، باتی آذربایجانی کوردوستان خریطه سینده یئرلشدیردی…

۲-موغان شهرین(پارسابادین) اجرا باشچیسی(حاجی پور) موغاندا ۲۰۰۰ نفره یاخین کوردلرین یئرلشدیریلمه سیندن ناراضی اولدوغونو بیلدیردی…

۳- ایرانین امنیتی قوه لرینین بیر سیراسی ایلا کورد ترور تشکیلاتی پژاک باشچیلارینین گؤروش فیلیم لری یاییملاندی…

۴-تورکیه باخانی سولئیمان سویلو ماکی شهرینده ۱۰۰ کیشیدن آرتیق کورد ترور تشکیلاتی پ۰ک۰ک اویه لرینین اولدوغونو آچیقلایاراق، گرکیرسه اونلاری ائتگیسیز ائتمک اوچون اوردا عملیات آپارا بیله جکلرینی سؤیله دی.

۵-عبدلله مهتدی کورد ترور تشکیلاتی کومله باشچیسی دئدی: بیز هر زامان اراده ائتسک ۴۸ ساعات عرضینده بوتون کوردوستانی سیلاحلاندیرا بیله ریک، کوردوستان یالنیز کوردلرین دیر…

بوتون بو دانیشیق و اولایلاری یان-یانا قویدوقدا بیر مساله آچیق-آیدین اورتایا چیخیر، آذربایجان اوزه رینده سیستئماتیک و هیزلی شکیلده قورغو و چیرکین پلانلارین قورولماسی.

بیلدیگیمیز کیمی ایراندا ۱۰۰ ایله یاخین دیر فارسلاشدیرما پروژه سی یورودولور. بو پروژه ایله نئچه میللتلی بیر جغرافیادا یالنیز بیر دیل، بیر کولتور و بیر میللت سیاستی اویقولانیر، بونونلادا غئیر فارس میللت و ائتنیک لر، اؤزللیکله ده تورک لر آسیمیلاسیایا معروض قالاراق دیل و کولتورلری نین یوخ اولماسی ایله اوزلشمه ده دیرلر. دونیانین ان راسیستی دوشونجه سینه دایانان فارسچیلیق ایدولوگیاسی اؤز ماهییتینی باشقا میللت لره اولان دوشمنچیلیک، نفرت، سالدیری و اشغال ایله تانیملاییر و باشلاتدیغی بو غئیر انسانی کولتورل چاتیشمانین کؤکو داها اؤنجه لره، یوز ایللره دایانماقدادیر.

ائله او اوزدن دیر ۲۱-جی عصرده ایران دوولتی آنادیلیندن دانیشان و کولتورونو ساوونان فعال لاری باسقی آلتیندا ساخلاییب، اونلارا آغیر جزالار وئریر.

آذربایجاندا و باشقا ائتنوجوغرافیالاردا امنیتی و پلیسی بیر اورتام حاکیم دیر، حاق سؤزدن دانیشان کیمسه لری آغیر حبس جزالاری گؤزله ییر. سؤز، دوشونجه، قلم، توپلاشما اؤزگورلویو و آنادیلدن، میللی حاقلاردان دانیشماق یاساق حالیندادیر.

او بیری یاندان ایراندا اسکی حاکمیت لردن قالان آغیر سانترالیزم سیاستی اوجباتیندان بوتون گوج و اقتصادی قوروم لاری مرکزده توپلاشدیراراق، مرکزین انکشافینی چوخالتدیقجا قیراقدا یاشایان ایالت لر انکشافدان اوزاقلاشدیریلیر. هئچ بیر سیاسی اختیاراتی اولمایان ایالت لرین توپلوم لاری آغیر دوروملاردا یاشاماغا مجبور قالیرلار و بونونلادا مجبوری کؤچ مساله سی ده یارانیر.

اوسته گل انکشافدان اوزاق قالان آذربایجانین تورپاقلارینا، کوردلری و باشقا ائتنیک لری سیستئماتیک شکیلده و گوجلو پلانلارا دایاناراق یئرلشدیرمه لری، آذربایجاندا نفوس ترکیبینین

ده ییشیلمه سینی و اوردا چاخناشمالارین داهادا آرتماسینین هدف آلدیقلاری گؤرونمکده دیر.

بیراز آرخایا باخدیقدا شیخ عبیدالله، اسماعیل سیمیتقو و عبدالرحمن قاسملو لارین آذربایجان تورپاقلاریندا ائتدیک لری جنایت لر گؤز اؤنوموزه گلیر، بوگون ایسه چئشیدلی کورد تئرور تشکیلاتلارینین بیلدیریلری، قیرغین لاری و آذربایجان تورپاقلارینا گؤز تیکیب، تورپاق ادعالارینین سوردورمه لرینی ایسه، ائله او دوغرولتودا ده یرلندیره بیلیریک.

سونوج اولاراق دئمه لی یم

آذربایجانین معنویاتی، دیلی، کولتورو و بیر سؤزله میللی وارلیغی، تورپاق و جغرافیاسی هدفه آلیناراق تهلوکه ایله اوز-اوزه دیر.

چیخیش یول ایسه میللی شعورون یوکسلمه سی، میللی اویانیشین گئنیشلنمه سی، میللی چیخارلار، میللی ده یرلرین، میللی حاقلارین تانینماسی و میللی وارلیغین قورونماسی اوچون گوجلو و پلانلی شکیلده سفربر اولوب، مجادله یه حاضیر اولماقدادیر. اوماریم بوتون اولایلاری تیتیزلیکله ایزله ییب، دوغرو-دوزگون آنالیز ائدیب و بو یولدا سیویل مبارزه ایله میللی و فردی آزادلیق لاریمیزی و حاقلاریمیزی الده ائدک.

دوباره امتحان کنید

حکمت حاجی اف: پس از اشغال و غارت لاچین، ارامنه خاورمیانه به طور غیرقانونی در این مناطق اسکان داده شدند

گادتب: به گزارش مرکز خبر گادتب به نقل از اردم، حکمت حاجی اف مشاور رئیس …

دکتر توحید ملک زاده: قرارداد 1919/ ۱۷ مرداد ۱۲۹۸ شمسی ایران و انگلیس و تبعات آن

گادتب: ۱۷ مرداد ۱۲۹۸ قرارداد مشهور 1919 بین ایران و انگلیس بسته شده و انگلیس …

دیدگاهتان را بنویسید