پنج‌شنبه , آگوست 5 2021
azfa
تازه ها

شاهین برزگر: حسن روحانیه جاواب

گادتب: اولوسلار آراسی یاسالارا باخدیغیندا آنادیلینین یازیب و اوخوماق حاققینی دونیاسوییه سینده نه قدر اؤنملی اولدوغو داها آرتیق گؤزه گلیر.

یونئسکو طرفیندن فئورال آیینین ۲۱-جی گونو دونیالیق آنا دیلی گونو آدلانیب دیر و بوتون گلیشمیش دؤلت لر بوگونو بؤیوک بیر بایرام کیمی قئید ائتمیشلر.

یئری وار بو یازیدا اولوسلار آراسی اؤنملی ساییلان ایکی دنه یاسایادا ایشاره ائدک.

۱.یونیسئف ین اوشاق حاقلارینا داییر سؤزلشمه سینده بئله یازیلیب:

اوشاغین آنا و آتاسینا کولتورل کیملیگیی نه دیل ایله دیرلرینه؛ اوشاغین یاشادیغی و گلدیگی اؤلکه نین اولوسال دیرلرینه حؤرمتینین گلییشدیرمه سی.

۲.یونئسکو کولتورسل چشیتلیلیک دونیا بیلدیرگه سین ده بئله ایشاره اولوب کی:

کولتورل حاقلار؛ دونیالیق؛ بؤلونمز و بیربیرینه باغلی اولان اینسان حاقلارینین قوپماز بیر بؤلومودور.

نه وارکی ایران آدلانان اؤلکه ده قیرخ میلیون تورکون یاشادیغینین ترسینه بیزیم دوغما آنادیلیمیزه گؤره خور باخیشلار اولوب و بونا گؤره کئچن یوز ایل ده دیرلی آتدیملار گؤتورولمه میشدیر. بئله بیر آجی دوروم بوگونکو دونیادا دؤلتلرین هئچ بیرینده یوخدور.

اؤلکه نین آنایاساسینا باخدیغیندا ۱۵-جی اصل باشقا اصل لرین او جومله دن ۱۹-جی اصلین قاباغیندا دایانیب و تام شکیلده بو اصل ایله قارشی- قارشی یادیر.

۱۵-جی اصل بوتون رسمی یازیلارین؛ سندلرین و کیتابلارین تکجه فارس دیلینده یازیلماسی نین ایزنین وئریب دیر.

و ماراقلی سی بوردادیر کی قیرخ ایکی ایل ایسلام اینقیلابینین باشلانیشیندان اؤتندن سونرا هله ده بو اصلین ایجاد اولماسی چوخلارینین سئچکیلر عرفه سینده وعده لریندن سایلیر.

ایرقیچی سیستمین جومهور باشقانی حسن روحانی سککیز ایل اؤنجه وئردیگی بوش وعده لرین ترسینه آنادیلین اؤیرنمه سینی دوشمنین قوردوغو توطئه بیلدیردی.

آنادیلیمیز؛ ایلک سنگریمیز

قاراباغ ائله بیل آنام دیر منیم

آنامین روحونو اوردا گؤرموشم

آنامین دیلینه باغلیدیر جانیم

آنا دیلیم اؤلسه من ده اؤلموشم

آنادیلیمیز دوشونجه لریمیزین؛ دویغولاریمیزین و اؤزگورلوگوموزون آیناسی دیر.

آنادیل هر میللتین معنوی دیریلیگی و یاشاییشینین مایاسی دئمک دیر.

هر کس اؤز آناسینی سئودیگی کیمی؛ آنا دیلینی ده سئویر.

آنا دیلی آنالاریمیزدان بیزه قالمیش و یئتیشمیش بؤیوک و دیرلی بیر امانت اولدوغوندا؛ اونو گؤز ببگی کیمی قورومالی و آردیمیزجا گلن نسله یئتیریب؛ تاپیشیرمالی ییق.

بو ایشی گؤرمه سک بو دیرلی امانته خیانت اولار.

دونیانین گلیشمیش اؤلکه لرینده آنادیل اؤیرتیمینه و تعلیمینه چوخ اهمیت وئریرلر. چونکو آنادیل و هویت و شخصیت آراسیندا چوخ بؤیوک بیر یاخینلیق واردیر.

دیل دوشونجه دن آیری اولمادیغی اوچون؛ دیل اؤیرتیمی دئمک دوشونجه اؤیرتیمی دیر.

بیر چوخ اؤلکه لرین آنایاساسینا باخدیغیندا گؤروروک‌ کی آنادیلی شرط سیز رسمی دیلین قیراغیندا یازیلیر و اونون آرادان گئتمه مه سی اوچون بوتون ایمکانلار یارانیر.

اؤرنک اولاراق کانادا اؤلکه سین ده اینگیلیجه و فرانسیجدا دیل لر رسمی اولاراق بیر سوییه ده ایشله نیلیر و هئچ بیر دیل سیختلی ایله اوزلشمیر.

ویا بیر چوخ اؤلکه ده نئچه دنه رسمی دیل عین زاماندا تانینیر.

اؤرنک اولاراق اتریش و سوییس اؤلکه لرنده ۴دنه رسمی دیل و هابئله گونئی آفریقادا ۱۱دنه رسمی دیل تانینیر.

سونوج:

آنا دیل اولو تانرینین گؤزل نعمت لریندن بیریسی دیر. بو اوزدن اونو عزیز و مؤحترم توتماق هر کسه بورجدور.

اؤز دیلیمیزی؛ کولتوروموزو و میللی وارلیقلاریمیزی قوروماق و اونلاری دیرچلتمک اوچون ال-اله وئریب و آرتیق چالیشمالی ییق.

یقین کی گله جک آزاد گونئی آزربایجان دا دیلیمیز گونو-گوندن آرتیق چیچکله نه جکدیر.

یاشاسین آزادلیق

یاشاسین آزربایجان

یاشاسین آنادیلیمیز

دوباره امتحان کنید

آنتوان باسبوس : بدون رهایی از استعمار جهنمی جمهوری اسلامی لبنان نجات نمی‌یابد

گادتب: به گزارش مرکز خبر گادتب، “آنتوان باسبوس”، سیاست شناس لبنانی-فرانسوی، در مقاله‌ای در نشریه …

غارتگران کویرنشین؛ معدنکاران اصفهانی تنها تفریحگاه زمستانی مردم تکاب را تخریب کردند- ویدئو

گادتب: به گزارش مرکز خبر گادتب، معدنکاران اصفهانی پیست تیوپ‌سواری «یولغون آغاج» تنها تفریحگاه زمستانی …