سه‌شنبه , می 11 2021
azfa

عیرقچی-شوونیست پهلوي رئژيمينين سقوطونون ایلدؤنومو موناسيبتيله گادتب-نين بیلدیریشی

ايران آدلانان اؤلکه‌ده عيرقچي-اشغالچی فارس رئژيميني تمثيل ائدن پهلوي شاهليق اوصول-ايداره‌سي ايمپئرياليست اينگيلتره‌نين فيتنکارليغي ايله آذربايجانين تورک منشالي سولاله‌لريني دئويرمک و تورکو محو ائتمک مقصديله حاکيميته گتيريلميشدير. تورک سولاله‌سينين حاکيميتينه سون قويان شووينيست پهلوي حاکيميتي آذربايجان تورک ميلتينين ديلي و مدنيتيني قاداغان ائتميش، تاريخيني تحريف ائده‌رک، وارليغيني دانميش، ان غئيري-اينساني اوصوللارلا آسسيميلياسيايا معروض قويموش و آذربايجان اراضيسيني پارچالاماقلا آذربايجاني و آذربايجان تورک ميلتيني تاماميله محو ائتمه‌يه چاليشميشدير.

آذربايجانين تورک سولاله‌لرينين حاکيميتي دؤورونده آذربايجان دونيادا يوکسک اينکيشافا و گوجه ماليک اولوب، هر ساحه ده ايره‌لي اولدوغو حالدا، شووينيست پهلوي اوصول-ايداره‌سي دؤورونده بوتون ساحه لرده مقصدلي شکيلده گئري ساخلانيلدي. بونون نتيجه‌سينده آذربايجان تورک ميلتي 1945-جي ايلده عيرقچي-اشغالچی فارس شووينستلرينين ظلموندن قورتارماق مقصديله موستقيل آذربايجان دؤولتيني ياراتماغا چاليشديلار. لاکين پهلوي سولاله‌سي خاريجي ايمپئرياليست گوجلرين يارديمي ايله گونئي آذربايجاني يئنيدن ايشغال ائديب، آذربايجان تورک ميلتيني سويقيريما معروض قويدو. عيرقچي پهلوي فارس رئژيمي فيزيکي سويقيريمدان علاوه، آذربايجان تورکجه‌سينده اولان تورکجه کيتابلاري يانديرماقلا آذربايجان تورک ميلتينه قارشي معنوي سويقيريم دا تؤرتدي.

ديکتاتور و شووينيست پهلوي حاکيميتينين دئوريلمه‌سينده آذربايجان تورک ميلتينين آزادليق و ايستيقلال موباريزه‌سينين بؤيوک رولو اولموشدور. لاکين ایرتجاچی- شوونیست خميني حيله گرليکله هرج-مرجليکدن ايستيفاده ائده‌رک، غئيري-اينساني تئررور و قتل عاملا اينقيلابي منيمسه‌ميش و گونئي آذربايجانی يئنيدن فارس شووينيست و ديکتاتور حاکيميتينين اسارتينه سالميشدير.

قورولان عيرقچي- فارس موللا حاکيميتي شاه اوصول-ايداره‌سينين آنتي تورک و شووينيست سيياستيني داوام ائتديرمکله آذربايجان تورک ميلتيني و اونون ديليني محو ائتمه‌يه داوام ائتمکده‌دير. هر ايکي ديکتاتور و عيرقچي پهلوي و موللا حاکيميتي بير سيکّه‌نين ايکي اوزودور. بو ايکي عيرقچي و گئريچي سيستم نه بوگونکو دؤورون طلبلرينه جاواب وئرير، نه ده آذربايجان تورک ميلتينين معنافعينه اويغوندور. اونا گؤره ده، گونئي آذربايجاندا تورک ميلتي بو ايکي ديکتاتور و شووينیست سيستمين هر ايکيسيني ردّ ائديب، يولونو فارس راسيستلريندن آييرماقلا گونئي آذربايجانين موستقيلليگيني قارشييا مقصد قويوب.

گونئي آذربايجان دئموکراتيک تورک بيرليگي (گادتب) گونئي آذربايجان تورک ميلتينين حاقّ سسي اولماقلا، هم ديکتاتور و عيرقچي موللا رئژيميني، هم ده ديکتاتور و عيرقچي پهلوي شاهليق اوصول-ايداره‌سينين ماهيتينين و تورک دوشمني اولدوغونو بيله‌رک هر ايکيسيني ردّ ائدير و گونئي آذربايجانين موستقيلليگي اوغروندا موباريزه آپارماغي اؤزونه شرف بيلير.

 

گونئي آذربايجان دئموکراتيک تورک بيرليگي (گادتب) باشقاني اژدر تقی زاده

19 بهمن 1396

دوباره امتحان کنید

تخریب گورستان تاریخی روستای پینه شالوار آزربایجان

گادتب: به گزارش مرکز خبر گادتب، در نتیجه تبعیض و سیاست استعماری رژیم نژادپرست فارس …

فریبکاری دولت روحانی در احیا دریاچه اورمیه

گادتب: به گزارش مرکز خبر گادتب، حق‌‌آبه تعیین‌شده امسال دریاچه اورمیه، ۶۴۰ میلیون متر مکعب …

دیدگاهتان را بنویسید