ادتاج اتحادیه دمکراتیک ترک آذربایجان جنوبی
گادتب: ناشر ایله کیتاب اوخویان آراسیندا ذهنی بیر باغ قورولور بئله کی ناشرین کیتابینی اوخوماقدا اولان اوخویوجو ،اؤزونو ناشر یئرینه قویوب ،یازیلاری اؤخورکن ،یازارین دوشونمه طرزینی آنلاییر و اونونلا ائمپاتی قورور .
اصلینده کیتاب اوخویان بیر شخص اؤز باخیش پنجره سینی گئنیشلدیب و باشقا اینسانلارین پنجره لریندن ده دوشونه بیلیر .
آدربایجانلی ناشرلرین کیتابلاری یئنی قایدا چرچئوه سینده (خانه کتاب) آدلی ارشاد اداره سینه باغلی بیر قوروما وئریلجک و الکدن کچن کیتابلار ،سرگیده ایشتیراک ائتمه ایمکانی اولاجاق ،یعنی اگر ارشاد اداره سینین باخیشینا (کی بو ایدوئلوژی آغیرلیقلی اولور)اویمایان کیتاب اولورسا سرگی ده ایشتیراک ائدمیجک .
بو اولای دیکتاتور رژیملرینده یایقین بیر ایش اولوبدور بئله فیکیر و یازی اوزگورلوکلری قیسیتلاما معناسی داشییر ،چونکو یازی،مئدیا،تبلیغات آراجلاری و خالقین فیکرینی ائتکیلجک پروپاگاندا یؤنتملری نی کنترل ائدن رژیم بیر چرچیوه تعریفلییر و بونون دیشیندا اولان جریانلاری اؤزونه قارشی گورور کی اونلار ایله موجادله ائدیر و اولکه ده اولان قایناقلاردان منع ائتمیه چالیشیر .
کیتاب ناشر اوچون هم بیر گلیر قایناغی دیر هم فیکیرلرینی پایلاشاجاق و توپلومسال فیکیرلره ایشتیراک ائده جک آراج و هم اؤز وجدان بورجونو یاشادیغی توپلوما ادا ائدجک بیر دویقوسال کوپرو کیمی دیر .
آذربایجانلی ناشر لر بو قیسیتلامایا معروض قالدیقلاریندا ،اثرلرینی اوخویان گنجلر ایله یوز یوزه گوروشمک دن منع اولوب و اوخویوجو کیتله سینی تثبیت ائتمک شانسینی الدن وئره بیلر ،هابئله اوخویوجو یازار ایله گوز تماسینی ایتردیغی اوچون کور نوقطه یارانیر کی بودا یازارین اوخویوجو چئوره اولوشدورماسینا مانع اولور ،بو قایناق قیسیتلاماسی ناشر اوچون داها دا وضعیتی چتینلشدیریر و مورال و موتیواسیون(انگیزه)آزالماسینا سبب اولاجاقدیر ،طبیعی دیر کی ناشر تنهالاشارسا و اوخویوجو یازار ایله علاقه قورابیلمز ایسه سونوجدا آیریلیق یاراناجاق و بونون سونوجو جهالتین چوخالماسی اولابیلر .
دیگر طرفدن اؤزگو دوشنجه بیان ائدیلمه قایقیسی یاشانیر ایکن ،بئله یئنی قایدالار (بوروکراسی) داها دا چتین وضعیت یارادیر و اساس مسئله نی اینجلمک و چیخیش یولونو بیان ائتمک قایغیسی آغیرلیغینی ایتیریر ،یعنی میدان اولوشور او کیمسه لره کی حاکمیتین ایستدیغی چرچوه ایچینه سیغابیلیرلر و قایناقلاری چکیب ،فایدالانابیلیرلر ،یعنی فیکیرلر یؤنتیلیر و اؤزگور دوشونجه بیان ائتمه یوللاری
تک اللشیر و بیر خاص گوروپون الینده اولور.
بورا دا گنجلره و سیویل اؤرگوت قوروپلارینا داها چوخ ایش دوشور کی یازارلاری تانیتما،فیکیرلرینی آراشدیرما و یایقینلاشماسینا یاردیمجی اولسونلار .
حاکمیتلر کئچیجی دیللر اما میللتلر قالارلی .
