یکشنبه , ژانویه 17 2021
azfa
تازه ها

ک.حبیبی: «شرقی گؤک‌تۆرک» خاقانی‌، “ایشبارا”-نین اؤنَملی سؤزلری

گادتب: تۆرک آدی ایله ایلک دفعه دؤولت قوران، «گؤک تۆرک»-لر اوْلموشلار. بو دؤولت، میلادی ۵۵۲-جی ایلده چین اؤلکه‌سی‌نین قوْنشولوغوندا قورولموشدور. گئچمیش‌ده تۆرکلر ایچره، بیر اصول اوْلاراق دؤولتی ایکی یئره بؤلرمیش‌لر، شرق‌ بؤلومو – غرب‌ بؤلومو. بئله بیر سیاسی بؤلومه باخمایاراق، اوْنلارین بیر خاقانی اوْلارمیش.

بو یئنی دؤولت، سوْنرالار ایکی‌یه بؤلونور و ایللر اؤتدوکدن سوْنرا، آنجاق ،،شرقی گؤک تۆرک،، دؤولتی‌نین خاقانی، «ایشبارا» آدلی بیریسی اوْلور. ایشبارانین بدبین‌لیگینه گؤره، یان-یؤره‌سینده‌کیلر داغیلیر و بئله‌لیکله اوْ داها آرتیق ضعیفله‌ییر. مجبورلوقدا چین‌لی‌لردن یاردیم و حمایت ایسته‌ییرسه، چین دؤولتی بو دورومدان فایدالانسین دئیه، تۆرکلردن «چین پالتاری گئیمک، چین دیلینی دانیشماق و چین دبلرینی قبول ائتمکلرینی» ایسته‌ییر.

ایشبارا، چین ایمپراتورونون بو ایستکلرینه قارشی، بئله بیر مکتوب یازیر: «سیزه باغلی قالاجاغیق، خراج وئره‌جه‌ییک و قیمتلی آتلار هدیه ائده‌جه‌ییک، آما دیلیمیزی دَییشدیره بیلمه‌ریک. دالغالانان ساچلاریمیزی، سیزینکی کیمی کسه بیلمه‌ریک، منیم ائلیم چین‌لی پالتاری گئیمز و چین عادتلرینی قبول ائتمز.»

(دکتر ج. هیئت، تۆرکلرین تاریخ و فرهنگینه بیر باخیش، ص ۱۹)

ایندی بو زامانا گلدیکده، پان‌فارسیزم-ین ده آماجی و پروژه‌سی، بو یۆز ایلین ایچینده آنجاق چین‌لیلرین ایستگی کیمی اوْلموشدور. اوْنلارا قارشی، بیز ایران تۆرکلری ده، ۱۴۳۳ ایل بوندان اؤنجه ایشبارانین دیلیندن چیخان بو سؤزلری، بؤیوک بیر ایناملا الده توتمالی و پان‌فارسیزمین اؤنونده ایسه، ایشبارانین ائلی کیمی، داها دوْغروسو گئچمیش‌لریمیز کیمی اوْلمالی‌ییق.

 بیز تۆرکلر، بیر ملت اوْلاراق تاریخده قالماق ایسته‌ییریک سه، یاخجی دبلریمیزی، اؤزللیکله آنا دیلیمیزی، بیر دیَرلی آبیده کیمی قوْرویوب ساخلامالی‌ییق.

اوْخوماغی ایران مدرسه‌لرینده یاساق اوْلموش آنا دیلیمیزین قوْرونماسینا، تکجه بیر یوْل وارسا، اوْ دا اؤز یانیمیزدا تحصیل آلماغیمیزدیر. تحصیل آلماق دا، تۆرکجه کتابلاری آلیب اوْخوماق دئمکدیر.

دوباره امتحان کنید

فرانسه، بریتانیا و آلمان خواستار توقف تلاش ایران برای تولید اورانیوم فلزی شدند

گادتب: به گزارش مرکز خبر گادتب، فرانسه، بریتانیا و آلمان به ایران درباره فعالیت‌ برای …

ملاقات با بهنام شیخی؛ بیوگرافی مختصر از فعال ملی مدنی آذربایجانی- ویدئو

گادتب: به گزارش مرکز خبر گادتب، برنامه «ملاقات» رادیو فردا این هفته طی گزارشی اقدام …

دیدگاهتان را بنویسید