ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آزربایجان دئموکراتیک تورک بیرلیگی (گادتب) باشقانی سایین اژدر بی تاغیزاده فرانسا سئناتینین آزربایجانین ائرمنی‌لر طرفیندن ایشغال ائدیلمیش داغلیق قاراباغ بؤلگه‌سینی مستقیل دؤولت کیمی تانیماغا سس وئرمه‌سی باره‌ده بیلدیریش یایمیش‌دیر.
بیلدیریشده دئییلیر کی، مظفر آذربایجان اوردوسونون غلبه‌سین‌دن سونرا ائرمنی ایشغالچی‌لارینین ایشغال ائتدیگی آذربایجان اراضی‌لرینی بوشالتماغا راضیلاشدیغی بیر واختدا فرانسا سئناتینین باغلانان صلح سازیشینی پوزماغا یؤنه‌لن و بئین الخالق قانونلارا ضد اولا‌راق آزربایجانین اراضی بوتؤو‌لوگونه قصد حساب ائدیلن آزربایجانین داغلیق قاراباغ بؤلگه‌سینی مستقیل دؤولت کیمی تانیماغا سس وئرمه‌سینی داغیدیجی و صلحه تهدید حساب ائدیلن آددیم کیمی پیسله ییریک.
ائرمنی پرست ماکرونون الینده اویونجاغا چئوریلن فرانسانین و فرانسا سئناتینین بیرلشمیش میللتلر تشکیلاتینین نیظامنامه‌سینه و بیرلشمیش میللتلر تشکیلاتینین تهلوکه‌سیزلیک شوراسینین آزربایجانین ایشغال ائدیلمیش اراضیلری‌نین قئیدسیز-شرط‌سیز بوشالدیلماسی و آزربایجانین اراضی بوتؤو‌لوگونون برپا ائدیلمه ضرورتینه دایر قبول ائتدیگی 4 قطعنامه‌یه ضد قرار قبول ائتمه‌سی فرانسانین تاریخ بویو بشریته قارشی تؤرتدیگی موستملکه‌چیلیک، سویقیریم و جینایتکار سیاستیندن ال چکمه دیگی و 21-جی عصرده فرانسیزلارین تاریخینه داها بیر قارا صحیفه یازماغا چالیشدیغینی ثبوت ائتدی. لاکین فرانسا دؤولتی فرانسا سئناتینین بو جینایتکار آددیمینی رد ائتمه‌سه و بو جینایتین کومپئنساسیاسی یئرینه آزربایجانین اراضی بوتؤو‌لوگونه قارشی قصده جهد گؤستررسه، او زمان آذربایجان، تورکیه، دیگر تورک دؤولت‌لری و تورکون حاق مؤوقعیینی دستکله‌ین دؤولت‌لر طرفیندن فرانسادا یاشایان مین‌لرجه باشقا میللت‌لرین، خصوصیله فرانسا‌دان آیریلیب موستقیللیک آرزوسوندا اولان آلزاس، لورین، موزلی، بریتنی و کورس بؤلگه‌لرینین موستقیللیگینی تانیماق ایستیقامتینده آدئکوات آددیمین آتیلماسی گوندمه گله‌جک.
گونئی آزرباجان دئموکراتیک تورک بیرلیگی (گادتب) فرانسانین بو جینایتکار و بئین الخالق قانونلارا ضد آددیمینین فرانسانین اؤز باشیندا چاتلایاجاغینا خبردارلیق ائده‌رک، درحال بو قانونسوز قرارین رد ائدیلمه‌سینه چاغیریر.
اژدر تاغیزاده
گونئی آزربایجان دئموکراتیک تورک بیرلیگی (گادتب) باشقانی
