ادتاج اتحادیه دمکراتیک ترک آذربایجان جنوبی
گادتب: 1828-جی ایلدن ایشغالچی اؤلکه‌لر طرفین‌دن پارچالانمیش آزربایجانین و آذربایجان تورک میللتی‌نین 1989-جو ایلین سونلاریندا قوزئی آزربایجانین ایستیقلالینی برپا ائتمه عرفه‌سینده آذربایجان تورک میللتی‌نین آراز چایی بویونجا تیکانلی مفتیللری و عمومیتله سرحد مانعه‌لرینی داغیدا‌راق، حسرت یاشایان باجی-قارداش‌لارین گؤروشوب قوجاقلاشماسی، پارچالانمیش آذربایجان میللتی‌نین بیرلشمک ایسته یی‌نین نئجه درین کؤک‌لره مالیک اولدوغونو بیر داها ثبوت ائتدی. بو واسطه ایله آزربایجانین قوزئیی و گونئیینده یاشایان آذربایجان تورک میللتی اؤز بیرلیک و همرأیلیگینی عملده گؤستردی و بئله‌لیکله 31 دئکابر دونیادا آذربایجان تورکونون بیرلیک و همرأیلیک سیموولونا چئوریلدی.
آذربایجانلی‌لارین همرأیلیگی دئییلنده قوزئی و گونئی آزربایجانین بیرلشمه‌سی و بوتؤولشمه‌سی نظرده توتولور. بو ایسه گولوستان و تورکمنچای مقاویله‌سین‌دن یوز ایللر کئچسه ده آذربایجان تورک میللتی‌نین بو پارچالانما ایله باریشمادیغینی گؤستریر.
31 دئکابر میللی بیرلیک و همرأیلیک بایرامی کیمی آذربایجان تاریخینه دوشسه ده، هم ده بو میللتیمیزین بوتؤولوک اوغروندا آپاردیغی میللی ساواشینین سیموولیک گونو حساب ائدیلیر. آذربایجان 200 ایلدیر پارچالانمیش بیر تورک میللتی‌نین وطنی‌دیر. بو میللتین بیرلشمه ایسته یی نه قدر بؤیوک اولسا دا، قارشیسینی کسن مانعه‌لر ده قات-قات بؤیوک‌دور. 40 میلیونلوق گونئی آذربایجان تورکو، الی سلاحلی ایرقچی فارس رئژیمین ایشغا‌لی آلتیندا‌دیر. گونئیین موستقیل‌لیک قازانیب، بوتؤو آزربایجانین یارانماسی بو بیرلیک بایرامینین گئرچکلشدیگی گون اولا‌جاق. بو یولدا بؤیوک میللی-سیاسی بیرلیک و همرأیلیک طلب اولونور.
آزربایجانین آیریلماز پارچاسی اولان داغلیق قاراباغ و ایشغالدا اولان باشقا آذربایجان اراضی‌لری‌نین آزاد ائدیلمه‌سی پروسئسینده ایستر آراز کناری اراضی‌لرده او تایلی-بو تایلی آذربایجان تورک میللتی‌نین همرأیلیک نوماییشی، ایسترسه ائرمنیپرست ایران رئژیمی‌نین ایشغالچی ائرمنیستانا هرطرفلی حربی یاردیم داشیماسینا مانع اولماق اوچون بوتون تهلوکه‌لره رغماً یوز مین‌لیک میتینق‌لرین کئچیریلمه‌سی، یوزلرله آذربایجانلی فعالین آذربایجانا دستک آکسیا‌لارینا گؤره حبس و ایشگنجه‌لره دؤزمه‌سی گونئی آذربایجاندا همرأیلیگین نئجه درین کؤک‌لره مالیک اولماسین‌دان خبر وئریر. عموم آزربایجان اراضی‌لرینده حقیقی همرأیلیک ایسه یالنیز گونئی آذربایجانلا یاناشی قارشیلیقلی اولا‌راق موستقیل اؤلکه‌میز آذربایجان رئسپوبلیکاسیندا دا اولماقلا رئاللاشا بیلر.
آرتیق آذربایجان رئسپوبلیکاسینین ان بؤیوک پروبلئمی‌نین یعنی ایشغال اولونموش داغلیق قاراباغ و اطراف اراضی‌لری‌نین آزاد ائدیلمه‌سی ایله حل ائدیلمه‌سین‌دن سونرا اساس مسئله‌نین آزربایجانین گونئیی‌نین ائرمنیپرست ایرانین ایشغالین‌دان قورتارماسی‌دیر. ایشغالدا اولان آزربایجانین بؤیوک بیر حیسه‌سی‌نین موستقیل‌لیک و بوتؤولوک اوغروندا آپاردیغی موباریزه‌یه دستک و یوکسک سویه‌ده همرأیلیک هارادا یاشاماسین‌دان و هانسی مؤوقعده اولماسین‌دان آسیلی اولمایا‌راق هر بیر آزربایجانلینین شرف مسئله‌سی‌دیر. سؤزسوز کی، دونیا آذربایجانلی‌لارینین همرأیلیگی دئدیکده، بوتون آذربایجانلی‌لارین پروبلئمی‌نین حلی اوچون همرأیلیک نظرده توتولور و بو هئچ بیر حالدا بیر طرفلی اولماما‌لیدی. هر بیر آذربایجانلی یاشادیغی یئردن، ائله‌جه ده توتدوغو مؤوقع و وظیفه‌دن آسیلی اولمایا‌راق 50 میلیونلوق آزربایجانلینین هر بیر پروبلئمینی اؤز پروبلئمی بیلرسه همرأی اولدوغونو ادعا ائده بیلر. بئله اولمادیغی تقدیرده همرأیلیگین اولماسین‌دان صحبت گئده بیلمز.
گونئی آذربایجان دئموکراتیک تورک بیرلیگی (گادتب) 31 دئکابر – دونیا آذربایجانلی‌لارینین همرأیلیک گونونو پارچالانمیش آذربایجان تورکونون همرأیلیک و بوتؤولشمه پروسئسینده چوخ موهوم بیر حادثه کیمی ده یرلندیره‌رک، بو موناسیبتله بوتون آذربایجان تورکلرینی تبریک ائدیر. فیکریمیزجه میللتیمیزین و وطنیمیزین عملده تام بوتؤولشمه‌سی اوغروندا بیرلیکده موباریزه آپارماق هر بیر آذربایجان تورکونون وظیفه‌سی‌دیر و گادتب بو ایستیقامتده اؤز فعالیتینه داوام ائده‌رک، بؤیوک میللتیمیزی آزربایجانین حقیقی بوتؤولشمه‌سی اوغروندا سعی‌لرینی بیرلشدیرمه‌یه و همرأی اولماغا چاغیریر.
اژدر تاغی‌زاده
گونئی آذربایجان دئموکراتیک تورک بیرلیگی (گادتب) باشقانی
