جمعه , اکتبر 22 2021
azfa
تازه ها

گادتب باشقانی اژدر تاغیزاده کاتالونیا پرئزیدئنتینه مکتوبلا کئچمیش پرئزیدئنت کارلئس پویگدئمونتون حبس ائدیلمه‌سینی پیسله‌دی

گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) باشقانی سایین اژدر تاغیزاده کاتالونیا پرئزیدئنتی جناب پئرئ آراگونئسه مکتوبلا مراجعت ائده‌رک کاتالونیانین کئچمیش پرئزیدئنتی کارلئس پویگدئمونتا قارشی ائدیلن عدالت‌سیزلیک، قانون‌سوزلوق و ائتیکا‌دان کنار حرکت‌لری قینادی.

سایین اژدر بیین مکتوبونون بیر حیسه‌سینده یازیلیب: “حؤرمت‌لی پرئزیدئنت آراگونئس، تأسف کی، کاتالونیانین کئچمیش پرئزیدئنتی کارلئس پویگدئمونتا قارشی ائدیلن عدالت‌سیزلیک، قانون‌سوزسوزلوق و ائتیکا‌دان کنار حرکت‌لرین شاهیدی اولدوق.

شرفلی کارلئس پویگدئمونتون قانون‌سوز اولا‌راق حبس ائدیلمه‌سینی و تعقیب ائدیلمه‌سینی شدتله قیناییب، اینسان‌لارین اؤز طالعینی اؤزلری  تعیین ائتمه حقوق‌لارینی دستکله ییریک. جناب پویگدئمونت، 2017 -جی ایلده موستقیل‌لییه سس وئرن کاتالونیا خالقینی حاقلی اولا‌راق تمثیل ائدیردی.

ایران‌داکی آتا -بابا تورپاق‌لاریمیزدا مسکونلاشمیش 40 میلیون گونئی آذربایجاندا آذربایجان تورکو، کاتالونیا خالقینین اؤز موقددراتینی تعیین ائتمک ایسته یینه رغبت بسله ییر. بوتون اینسان‌لار آتا-بابا یوردلاریندا اؤزلری قرار وئرمک حقوقونا مالیک‌دیرلر. بو سبب‌دن کاتالونیا خالقینین و کئچمیش پرئزیدئنت کارلئس پویگدئمونتون یانینداییق.

حؤرمتله،

اژدر تاغی‌زاده

گونئی آذربایجان دئموکراتیک تورک بیرلیگی (گادتب) باشقانی

مکتوبون اینگیلیسجه متنی:

دوباره امتحان کنید

پایان مرخصی؛ علی و رضا واثقی به زندان اردبیل بازگشتند

گادتب: به گزارش مرکز خبر گادتب، علی و رضا واثقی فعالین ملی مدنی آذربایجانی بعد …

پس از دیدار روزجمعه نخست وزیر اسرائیل با پوتین، در صورت عدم بازگشت ایران به برجام، سه گزینه بیشتر وجود ندارد

گادتب: یوسی ملمن، هاآرتص : دیدار نفتالی بنت، نخست وزیر اسرائیل با ولادیمیر پوتین رئیس …