ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگینین (گادتب) قادین و اینسان حاقلاری دئپارتامئنتینین صدری سارا خانیم آذرسون گونئی آذربایجانین تبریز شهریندن اولان و تورکیه‌ده سیغیناجاق آلماغا چالیشان آذربایجانلی صنعتچی خوسرو امیرینین دئپارتاسییا تهلوکه‌سی ایله باغلی یاردیم چاغیریشی ائدیب.
تورکیه‌ده عایدیتی اورقانلارا گؤندریلن یاردیم چاغیریشی مکتوبون‌دا سایین سارا خانیم آذرسون یازیب:
من سیزه اینسان حاقلارینین پوزولماسینا قارشی مباریزه آپاران گونئی آذربایجان دئموکراتیک تورک بیرلیگی (گادتب) آدیندان یازیرام. حاضردا تورکیه‌دن سیاسی سیغیناجاق ایسته‌ین تبریزده دوغولموش جناب خوسرو امیرینین وضعیتی ایله باغلی درین ناراحاتلیغیمیزی بؤلوشمک ایسته ییریک.
تورکیه کؤچ ایداره‌سی جناب امیرینی ایسلام رئسپوبلیکاسینا ائکسترادیسییا ریسکی ایله باغلی خبردار ائدیب.
سایین سارا خانیم مکتوبون دیگر حیسه‌سین‌ده ایسه یازیر: جناب امیری گونئی آذربایجانین یوکسک پروفیللی فعالی‌دیر و خصوصیله آذربایجان موسیقی‌سینه درین باغلی‌لیغی وار. او، معااریف پرور ضیالی‌لیغی، آذربایجان موسیقی تاریخینه درین‌دن بلدلیگی ایله اؤز ساحه‌سین‌ده گؤرکملی شخصیته چئوریلیب. جناب امیری موسیقی ساحه‌سین‌ده گؤستردیگی سعی لردن علاوه، ایران حکومتینین ایران‌دا آذربایجان‌لیلارا قارشی حیاتا کئچیردیگی آددیملاردان دا خبرداردیر.
او، عدالت‌سیزلیگیه قارشی مدافعه‌چی‌دیر. فعالیتلری و سیاسی فعال‌لیغی کیمی یارادیجی‌لیق سعی لری اونون ایران رئژیمینین هدفینه چئوریلمه‌سینه سبب اولوب.
۱۲ ایلد‌ن آرتیق‌دیر کی، بیرلشمیش میللتلر تشکیلاتین‌دا قاچقین اولان جناب امیری غیری-معین حل پروسئسی ایله اوزلشیب و اهمیت‌لی فیزیکی و روحی سیخینتیلار یاشاییب. سون حده-قورخو، ۱۵ گون عرضین‌ده دئپورتاسییا، اونون یاشادیغی چتین‌لیکلری عکس ائتدیریر.
سایین سارا خانیم آذرسونون مکتوبونون اینگیلیس و تورکجه تام متنینی تقدیم ائدیریک:
