چهارشنبه , جولای 24 2024
azfa

گادتب رهبرليگينين تورکيه و آذربايجان رئسپوبليکاسينا سفري – ويدئو

گادتب-نين مطبوعات مرکزينه داخيل اولان معلوماتا گؤره، تورکيه و آذربايجان رئسپوبليکاسيندا سفرده اولان گونئي آذربايجان دئموکراتيک تورک بيرليگينين (گادتب) رهبرليک هئيتي سفرين داواميندا چوخ موهوم گؤروشلر کئچيرميشلر.

سفر زامانی قوزئيلي و گونئيلي آذربايجانين تورکيه‌ده‌کي درنکلري، ائله جه ده تورک ميللي آراشديرما درنه یي و قاضي اونيوئرسيتئتينين تاريخ فاکولته‌سينده سايين پروفسور دکتر سئلما خانيم افندي ايله گؤروش باش توتوب.

گادتب رهبرليک هئيتي گؤروشلرين داواميندا تورکيه مدافيعه ناظيرليگي و تورکيه خاريجي ايشلر ناظيرليگينين رسميلري ايله گؤروشوبلر. گؤروشلرده گونئي آذربايجان مسئله سي اطرافلي مذاکيره ائديليب.

گؤروشلرده گادتب باشقانينين بيرينجي معاويني سايين ائلدار قاراداغلي، گادتب بين الخالق دئپارتامئنتينين صدري سايين ميکاييل اويتا، گادتب ماليه، ائله جه ده قادين مسئله‌لري دئپارتامئنتينين صدري سايين سيما خانيم و گادتب تورک دونياسي دئپارتامئنتينين صدري سايين آتیللا بوزقورد ايشتيراک ائديبلر.

آذربايجان رئسپوبليکاسينا سفرده ايسه آذربايجان رئسپوبليکاسينين دياسپورا کميته‌سينين سدري حؤرمتلي فوآد مورادوولا گؤروشن تشکيلات رسميلري اساساً خاريجده ياشايان آذربايجانليلارين دياسپور فعاليتي، خوصوصيله آوستراليا-آذربايجان آسوساسياسي و ايسوئچ آذربايجان فئدئراسيونونون فعاليتي نی مذاکيره ائتدیلر.

گادتب رهبرلیک هیئتی همچنين آذربايجانلي ميلت وکيلي سايين قودرت حسنقولو يئوله اؤز پارتياسينين قرارگاهيندا گؤروشوبلر. بوندان علاوه ديگر پارتيا فونکسيونئرلري و ايجتيماعي-سياسي خاديملرله ده گؤروش کئچيریلمیشدیر.

سایین میکائیل اویتا بیر سیرا مطبوعات ارگانلارینا، او جمله دن باستایا دیاسپور فعالیتی ایله باغلی مصاحبه وئرمیشدیر. مصاحبه یه آشاغیداکی لینکدن باخا بیلرسینیز:

https://www.facebook.com/watch/?v=348859055667194
https://www.facebook.com/watch/?v=348859055667194

سایین ائلدار بیین چیخیشی:

دوباره امتحان کنید

تجمع اعتراضی در تبریز، زنجان و مغان

گادتب: به گزارش مرکز گادتب، روز سه شنبه دوم مرداد ماه، شماری از کارگران کشت …

«آراز امان» فعال بازداشتی در زندان ائوین به دادگاه‌ انقلاب تهران احضار شد

گادتب: به گزارش مرکز گادتب، سومین جلسه دادگاه رسیدگی به اتهامات «آراز امان»، از فعالین …

دیدگاهتان را بنویسید