سه‌شنبه , می 11 2021
azfa

گادتب-نين محمد امین بَی رسولزاده نين دوغوم گونو و آذربايجان خالق جمهوريتينين 100 ايلليگي موناسيبتي ايله بيلديريشي

31  يانوار آذربايجان خالق جمهوريتينين بانيسي، بؤيوک تورکچو، دؤولت و ايجتيماعي خاديم، سياستچي و پوبليسيست، آذربايجان تورک ميلتينين داحی اؤندري محمد امين بَی رسولزاده نين دوغوم گونودور. محمد امين بَی رسولزاده 1884-جو ايل يانوارين 31-ده باکينين نووخاني کندينده آنادان اولوب. بو گون اونون آنادان اولماسيندان 134 ايل اؤتور.   

بو ايل هم ده محمد امین بَی رسولزاده نين قوردوغو شرق عالمينده و تورک دونياسيندا ايلک دموکراتيک، پلورالیست و دونيوي آذربايجان دؤولتينين 100 ايلليگيدير. محمد امین بَی رسولزاده نين قوردوغو آذربايجان خالق جمهوريتي آذربايجان تورک ميلتينين چوخ عصرليک دؤولتچيليک تاريخينين پارلامئنتلي جمهوريت فورماسيندا معاصير دؤورده داواميدير.

تورک دونياسيندا ايلک دموکراتيک پارلامئنتلي رئسپوبليکا اولان آذربايجان خالق جمهوريتينين جمعي 23 آی عؤمور سورمه‌سينه و قيزيل اوردونون آذربايجانی ايشغال ائتمه‌سي نتيجه‌سينده سقوتا اوغراماسينا باخماياراق، محمد امین رسولزاده نين قوردوغو دموکراتيک آذربايجان دؤولتي اينسانلارا چوخ بؤيوک حوقوق و آزادليقلار وئرميشدي. اينسانلارين برابرليگي پرينسيپلرينه اساسلانان آذربايجان خالق جمهوريتي هله غربده بئله قادينلارين سئچمک و سئچيلمک حقوقو اولماديغي بير واختدا قادينلارا بو حقوقو وئرميشدي.

آذربايجان خالق جمهوريتي قيسا مدت عرضينده دؤيوش قابيللييتينه ماليک آذربايجان اوردوسونو تشکيل ائمیش، دؤولت قوروجولوغونون بوتون ساحه لرينده ثمره لي ايش آپارميش، يئني، ميللي طلبلره و دموکراتيک پرينسيپلره اويغون اولان دؤولت اورقانلاري قورولموشدو. موستقيل آذربايجانين بايراغي، هيمني و ديگر دؤولت آتريبوتلاري آذربايجان خالق جمهوريتينده قبول ائديلميش، آذربايجانين تاريخينده ايلک اونيوئرسيتئت – باکي دؤولت اونيوئرسيتئتي ياراديلميش، تحصيلين ميلليلشديريلمه‌سي، يئني تدريس مؤسيسه‌لرينين آچيلماسي ساحه سينده آذربايجان تورک ميلتينين سونراکي مدني ترقيسي اوچون اساسلي زمينه چئوريلن بير سيرا اؤنملي ايشلر گؤرولموشدور.  محمد امین بَی رسولزاده آذربایجان تورک میللتینین معاصر دؤور دولتچیلیگینین و دؤلتی نین بانیسیدیر.

گونئي آذربايجان دموکراتيک تورک بيرليگي (گادتب) آذربايجان خالق جمهوريتينين داوامي اولان موستقيل آذربايجان رئسپوبليکاسيني دونيا آذربايجانليلارينين موستقيل دؤولتي حساب ائده‌رک، محمد امین بَی رسولزاده نين تورکچولوک ايدئاللارينا صداقتله گونئي آذربايجانين موستقيللي و بؤتوو آذربايجانين يارانماسي اوغروندا فعاليت گؤسترمگي اؤزونه شرف بيلير.

 

گونئي آذربايجان دئموکراتيک تورک بيرليگينین (گادتب) باشقانی اژدر تقی زاده

دوباره امتحان کنید

تخریب گورستان تاریخی روستای پینه شالوار آزربایجان

گادتب: به گزارش مرکز خبر گادتب، در نتیجه تبعیض و سیاست استعماری رژیم نژادپرست فارس …

فریبکاری دولت روحانی در احیا دریاچه اورمیه

گادتب: به گزارش مرکز خبر گادتب، حق‌‌آبه تعیین‌شده امسال دریاچه اورمیه، ۶۴۰ میلیون متر مکعب …

دیدگاهتان را بنویسید