شنبه , فوریه 24 2024
azfa
تازه ها

گادتب-نین ایرانین ایشغالچی فارس رئژیمی‌نین اورمیا گؤلونون قورودولماسینا قارشی کئچیریلن دینج اعتراضلاری یاتیرماسی ایله باغلی بیلدیریشی

گادتب: گونئی آذربایجانی موستملکه ائدیب، یئر اوستو و یئر آلتی ثروت‌لرینی تالاییب فارس بؤلگه‌لرینه داشییان ایرقچی فارس-موللا رئژیمی بونونلا یئتینمه‌ییب آذربایجانی تامامیله محو ائتمک اوچون اورمیا گؤلونو قصداً قورودور. بو دا حاقلی اولا‌راق تکجه آذربایجان تورک میللتی‌نین دئییل، بوتون اطراف محیط فعال‌لاری و حاق-عدالت طرفداری اولان اینسان‌لارین اعتراضی ایله قارشیلاشمیش‌دیر.

گونئی آذربایجان شهرلرینده ده آذربایجان تورک میللتی‌نین فعال‌لاری صیرف گؤلون قورتاریلماسی و ائکولوژی فلاکتین باش وئرمه‌سی‌نین قارشی‌سینین آلینماسی کیمی مقدس طلبله دینج آکسیا تعیین ائدیب و کوچه‌لره آخیشدی‌لار. لاکین ایشغال‌چی و موستملکه‌چی ایران رئژیمی ایولون 16-دا گونئی آذربایجان شهرلرینده صیرف ائکولوژی طلب اولان اورمیا گؤلونون قورتاریلماسی طلبی ایله عادی دینج آکسیایا قاتیلماق ایسته‌ین آذربایجان تورک‌لرینه وحشیجه‌سینه دیوان توتدو. نتیجه ده اورمیا، تبریز، قوشاچای، سولدوز و سایر شهرلرده اونلارلا آذربایجان تورکو حبس ائدیلدی.

ایرقچی فارس-موللا رئژیمی‌نین بو یاناشماسی گؤستردی کی، آذربایجانی موستملکه ائتمیش فارس رئژیمی آذربایجانلا باغلی حتی ائکولوژی پروبلئمین گوندمه گتیریلمه‌سینه ده دؤزوم سرگیله‌یه بیلمیر. بو ایسه منطیقی اولا‌راق بو رئژیمین تکجه آزربایجانین اؤزو و میللتینه دئییل، آذربایجانا عاید طبیعته ده قانلی دوشمن اولدوغونو ثبوت ائدیر.

سؤزسوز کی، بئله یاناشما و دوشونجه طرزینه مالیک اولان بیر ایشغال‌چی و موستملکه‌چی رئژیمله هئچ نه ده کومپیرومیسین الده ائدیلمه‌سی تصوره بئله سیغمیر. گونئی آذربایجان دئموکراتیک تورک بیرلیگی (گادتب) بو رئال‌لیق‌لاری نظره آلا‌راق گونئی آزربایجانین بوتون پروبلئم‌لر و محو اولماق‌دان یگانه قورتولما یولونون موستقیل‌لیک اولدوغونو دوشونور و بو ایستیقامتده آذربایجان تورک میللتینی بیرلییه چاغیریر.

اژدر تاغی‌زاده

گونئی آذربایجان دئموکراتیک تورک بیرلیگی (گادتب) باشقانی

دوباره امتحان کنید

خیابان‌های شهر تبریز با تراکت‌های بیرله‌شک مزین شد؛ «تبریز سنی آلقیشلاییر قاراباغ»

گادتب: به گزارش مرکز گادتب، در شهرهای آزربایجان جنوبی به مناسبت صعود تیم قاراباغ به …

تداوم بازداشت و بلاتکلیفی سالار طاهرافشار در بند ۲۰۹ زندان اوین

گادتب: به گزارش مرکز گادتب، سالار طاهرافشار، فعال آزربایجانی علیرغم گذشت بیش از دو هفته …