ادتاج اتحادیه دمکراتیک ترک آذربایجان جنوبی
گادتب: ایرقچی فارس-موللا رئژیمی ریاکارلیلا اؤزونو موسلمان‌لارین حمایه‌داری کیمی قلمه وئریر، لاکین آذربایجانا قارشی خوجا‌لی سویقیریمی تؤرتمیش ائرمنی ایشغال‌چی‌لارینی دایم دستکله‌ییب. ایکینجی قاراباغ محاربه‌سینده آذربایجان اوردوسونون غالیب گلیب اؤز اراضی‌لرینی آزاد ائتمه‌سی ایسه ایرانی او درجه‌ده غضبلندیردی کی، آرتیق اؤز ماهیتینی گیزله‌ده بیلمه‌ییب ایچ اوزونو آچدی. ایران رئژیمی بو ایستیقامتده ائرمنیستانین آذربایجانا حربی تجاووزونو پیسله‌ین آذربایجان‌لی فعا‌لارا دا دیوان توتوب، اونا‌لارا قارشی آغیر حبس جزا‌لاری وئرمیش‌دیر. بو ایسه بیر داها ایرانین فارس-موللا رئژیمی‌نین ماهیتینی و ایچ اوزونو اورتایا قویدو.
هئچ بیر گوناهی اولمایان و یالنیز ایکینجی قاراباغ محاربه‌سی باشلایاندا اردبیلده جیرال پارکینا توپلاشا‌راق ائرمنیستانین آذربایجان اراضی‌لرینه حربی تجاووزونو پیسله‌ین آذربایجان‌لی فعال‌لاردان تکجه 12 نفرینده ائرمنی‌پرست فارس-موللا رئژیمی 180 آی حبس و 888 شاللاق ضربه‌سی جزاسی باره‌ده قرار چیخارمیش‌دیر. تکجه بو قرار فارس-موللا رئژیمی‌نین ماهیتینی ایفشا ائتمک اوچون کیفایت‌دیر.
گونئی آذربایجان دئموکراتیک تورک بیرلیگی (گادتب) ایرانین بو آنتی‌تورک حرکتینی کسکین شکیلده پیسلمکله یاناشی، ایران رئژیمینه و اونون عدالت قاتیلی اوزدن ایراق حاکم‌لرینه خبردارلیق ائده‌رک بیلدیریر کی، آذربایجان‌لی فعاللارا وئریلن بو جزا‌لار جاواب‌سیز قالمایا‌جاق و صاباح بونلارین مطلق حسابی سورولا‌جاق و اونلار جواب وئمه لی اولاجاقلار.
اژدر تاغی‌زاده
گونئی آذربایجان دئموکراتیک تورک بیرلیگی (گادتب) باشقانی
