ادتاج اتحادیه دمکراتیک ترک آذربایجان جنوبی
گادتب: ایرقچی فارس-موللا رئژیمی دونیا موستملکه‌چیلرینین تشکیلات‌چی‌لیغی ایله قاجار تورک حاکمیتینی غصب ائد‌ن‌دن بو یانا موختلیف فورمالاردا آذربایجان تورک میللتینه قارشی سویقیریم، رئپرئسییا، حبس و سایر ظلملردن چکینمه‌ییب. موللا رئژیمی آذربایجانین گونئیین‌ده- تبریز، اردبیل، اورمییا، کرج، تهران و باشقا شهرلریمیزده آذربایجان تورک میللتینین دیلی و میللی حقوقلاری اوغرون‌دا فعالیت گؤستره‌ن چوخ سایدا فعالیمیزی شرله‌یه‌رک، اونلاری خاریجی شخصلرله علاقه ساخلاماق‌دا گوناه لاندیریب و حبس ائدیب.
ایرقچی فارس-موللا رئژیمینی تانییانلار یاخشی بیلیر کی، آنجاق ایرقچی و ایرتیجاچی موللا رئژیمی اطراف اؤلکه‌لرده تئررورچو قروپلار فورمالاشدیریب و اونلاری هرطرفلی دستکله ییر. موللا رئژیمی حتی آزربایجان رئسپوبلیکاسین‌دا بئله اؤزونه بؤیوک جاسوس شبکه‌سی یادیب و اونلار داوام‌لی اولاراق آذربایجان دؤولتی طرفین‌دن ایفشا ائدیلیر. گونئی آذربایجان‌دا آذربایجان میللی حرکاتی ایسه تام موستقیل و هئچ یئره باغلی اولمایان بیر حرکات کیمی اؤزونو ثبوت ائتمیش‌دیر. لاکین اؤزو عیبه جر، رذیل اولان موللا رئژیمی اؤز عیبه جرلیگی اساسین‌دا آذربایجان میللی حرکاتینی شرله مه یی قارشییا مقصد قویوب. آنجاق ایرتیجاچی موللا رئژیمین بو فیتنه کارلیغی دا نتیجه وئرمه‌یه‌جک. چونکی، گونئی آذربایجان‌داکی میللی حرکات تامامیله موستقیل‌دیر و هئچ زامان حتی دوست اؤلکه‌لردن بئله یاردیم گؤرمه‌ییب.
بوتون چتین‌لیکلره رغماً هر بیر آذربایجان‌لی فعال آذربایجانین ایشغال‌دا اولان گونئی آذربایجان حیسه‌سین‌ده بو گون تکجه میللتیمیزین میللی-مد‌نی حقوقلاری اوغرون‌دا دئییل، حتی عادی اینسان حاقلاری، قادین حاقلاری و ظلمه معروض قالمیش اینسانلارین حقوقلارینی قوروماق ایسته‌یه‌ن آذربایجانین تورک فعاللاری دا ایرتیجاچی فارس موللا رئژیمینین تعقیب، تضییق و حبسلرینه معروض قالیرلار. آذربایجان تورک میللتینین گونئی آذربایجان‌دا مباریزه‌سی تام بئین الخالق حقوقون قایدالارینا اویغون اولاراق داوام ائدیر و اطراف‌داکی کورد و سایر خالقلارین تئررورچو قروپلاری کیمی خاریجی قوه‌لر طرفین‌دن حمایه ائدیلمیر. گونئی آذربایجان‌دا آذربایجان میللی حرکاتی آلنی آچیق و اوزو آغدیر و هامی دا بو حرکاتین نئجه موللا رئژیمین ظلمونه معروض قالدیغینی یاخشی بیلیر.
گونئی آذربایجان دئموکراتیک تورک بیرلیگی (گادتب) ایران رئژیمی طرفین‌دن شرله‌مه و رئپرئسییالارا معروض قالمیش میللتیمیزین بوتون مباریز اینسانلارینین یانین‌دادیر و اونلاری دستکله ییر. بو موباریز و عدالت اوغرون‌دا فعالیت گؤستره‌ن میللی فعاللارین فداکارلیقلارینی گؤرمزدن گلمک حاق‌سیزلیق اولاردی. ایرقچی-فارس موللا رئژیمینین ظلمونه معروض قالمیش مباریزلرمیزین و هر کیمسه‌نین حقوقلارینی مدافعه ائتمه یی آذربایجان میللی حرکاتینین اساس فونک‌سییالارین‌دان بیری حساب ائدیریک.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
