ادتاج اتحادیه دمکراتیک ترک آذربایجان جنوبی
گادتب: ۲۹ اوکتیابر تورکیهده جمهوریتین قورولدوغو گوندور. بو ایل تورکیهده آتاتورک طرفیندن جمهوریتین اعلان اولونماسیندان ۱۰۰ ایل اؤتور.
اساساً دونیانین موستملکهچی دؤولتلرینین عثمانلی دؤولتینه هر طرفدن هوجوما کئچمهسی ۱-جی دونیا محاربهسی دؤورونده بؤیوک تورک دؤولتینین بؤیوک حیسهسینین ایشغالی ایله نتیجه لنمیشدی. بئله آغیر دورومدا مصطفی کمال آتاتورکون اؤندرلیگینده ۱۹۱۹-جو ایله مایین ۱۹-دا میللی-قورتولوش ساواشی باشلاندی. تورکیه دؤولتینین بانیسی مصطفی کمال آتاتورکون اؤندرلیگی ایله تورکیهده تورک میللتینین میللی موجادیلهسینین نتیجهسی اولاراق ۱۹۲۳-جو ایل اوکتیابرین ۲۹-دا ایندیکی تورکیه جمهوریتی اعلان اولوندو. میلیونلارلا تورکون قانی باهاسینا یارانان تورکیه جمهوریتی تاریخین ان آغیر سیناقلاریندان کئچمیش بیر میللی ظفردیر. بوتون دونیانین دوشمن چابالارینا قارشی یئنی تورکیهنین یارانماسی تورک اینسانینین ایرادهسینی اورتایا قویموش اولدو. بؤیوک آتاتورکون اؤندرلیگینده جمهورییتین اعلان اولونماسی بؤیوک دایانیشمانین، گرگین دیرنیشین ان گؤزل نومونهسیدیر.
۱۰۰ ایل اؤنجه قورولان تورکیه جمهوریتی بو گون دونیا تورکلرینین هر بیرینین اومود یئری حساب ائدیلیر و دونیادا بؤیوک چکییه و رولا مالیک گوجلو دؤولتدیر.
دونیا تورکلرینین اومود یئری، تورک دونیاسینین آپاریجی دؤولتی اولان تورکیهنین جمهوریت بایرامی تکجه تورکیهنین دئییل، بوتون دونیا تورکلرینین بایرامیدیر. گونئی آذربایجان دئموکراتیک تورک بیرلیگی (گادتب) بو بایرام موناسیبتیله تورکیه دؤولتینی، تورک میللتینی و تورک دونیاسینی تبریک ائدیب و تورکیهنین داها دا گوجلهنمهسینی آرزو ائدیر.
جمهیریت بایرامین موبارک تورکیه!
اژدر تاغیزاده گونئی آذربایجان دئموکراتیک تورک بیرلیینین (گادتب) باشقانی
