دوشنبه , ژانویه 17 2022
azfa
تازه ها

گادتب-نین 18 اوکتیابر – آزربایجانین دؤولت موستقیل‌لیگی‌نین برپاسی گونو موناسیبتیله بیلدیریشی

گادتب: قدیم دؤولتچی‌لیک تاریخی و عنعنه‌سینه مالیک اولان آذربایجان تورک میللتی دونیانین ایمپئریالیست دؤولت‌لری‌نین فیتنه کارلیغی نتیجه‌سینده پارچا‌لانا‌راق بیر حیسه‌سی روس، بیر حیسه‌سی ایسه ایرقچی فارسلارین اسارتینه دوشموشدو. لاکین داهی محمد امین رسول‌زاده‌نین باشچی‌لیغی ایله 1918-جی ایل مای آیینین 28-ده آزربایجانین دؤولتچی‌لیک عنعنه‌لری معاصر و مودرن جمهوریت فورماسیندا برپا ائدیلمیش‌دیر. روس موستملکه‌چی‌لری 23 آی سونرا آزربایجانی یئنی‌دن ایشغال ائتمکله 70 ایل مدتینه آزربایجانین موستقیل‌لیگینه خلل گتیردی‌لر. بونا باخمایا‌راق آذربایجان تورک میللتی‌نین موستقیل‌لیک عزمینی قیرا بیلمه‌دی‌لر. سووئت اتفاقینین چورومه‌سی قوزئی آذربایجاندا آذربایجان تورک میللتی‌نین موستقیل‌لیک موباریزه‌سینی گوجلندیردی و آذربایجان تورک میللتی 20-جی  یوز ایللیکده ایکینجی دفعه موستقیل‌لیگینی برپا ائتدی.

آذربایجان تورک میللتی‌نین موستقیل‌لیگینی برپا ائتمه اوغروندا مباریزه‌سی‌نین داوامیندا آذربایجان رئسپوبلیکاسینین عالی سووئتی‌نین 1991-جی ایلین 18 اوکتیابر تاریخلی سئسیاسیندا “آذربایجان رئسپوبلیکاسینین دؤولت موستقیل‌لیگی حاقیندا” کونستیتوسیا آکتی یئکدیللیکله قبول ائدیلدی.

آذربایجان رئسپوبلیکاسیندا 1991-جی ایل دئکابرین 29-دا رئفئرئندوم کئچیریلدی. رئفئرئندوم بوللئتئنینه بیر سوال یازیلمیشدی: “سیز “آذربایجان رئسپوبلیکاسینین دؤولت موستقیل‌لیگی حاقیندا” آذربایجان رئسپوبلیکاسی عالی سووئتی‌نین قبول ائتدیگی کونستیتوسیا آکتینا طرفدارسینیزمی؟” آذربایجان تورک میللتی یئکدیللیکله آذربایجان رئسپوبلیکاسینین دؤولت موستقیل‌لیگینه طرفدار چیخدی.

هله موستقیللیگین برپاسیندان آیلار اول جمهوریتین اوچ رنگلی بایراغی دؤولت بایراغی اعلان ائدیلمیش، 1992-جی ایلین ماییندا آذربایجان میللی مجلیسی طرفین‌دن آذربایجان رئسپوبلیکاسینین دؤولت هیمنی (موسیقی‌سی اوزئییر حاجیبیلی‌نین، سؤزلری احمد جاوادین)، 1993-جو ایلده ایسه ایچینده آلوو اولان سککیز گوشه‌لی اولدوز تصویرلی دؤولت گئربی تصدیق ائدیلدی. 1991-جی ایل اوکتیابرین 18-دن آذربایجان موستقیل، سووئرئن بیر اؤلکه‌دیر و خالق بو تاریخی بایرام کیمی قئید ائدیر.

آرتیق دونیا آذربایجانلی‌لارینین یئگانه موستقیل دؤولتی اولان آذربایجان رئسپوبلیکاسی گوجله نه‌رک  ایشغالدا اولان اراضی‌لرینی ائرمنی ایشغالین‌دان آزاد ائتمیش‌دیر. گونئی آذربایجان دئموکراتیک تورک بیرلیگی (گادتب) 18 اوکتیابر – آذربایجان رئسپوبلیکاسینین موستقیل‌لیگی‌نین برپاسی گونو موناسیبتیله آذربایجان تورک میللتینی و دونیا تورک‌لرینی تبریک ائدیر، گونئی آزربایجانین دا اؤز موستقیل‌لیگینی برپا ائتمه‌سینه و آذربایجان رئسپوبلیکاسی ایله بیرلیکده بوتؤو آزربایجانین قورولاجاغینا اینانیر.

اژدر تاغیزاده

گونئی آذربایجان دئموکراتیک تورک بیرلیگی (گادتب) باشقانی

دوباره امتحان کنید

تایید حکم محکومیت حجت مختارزاده در دادگاه تجدید نظر

گادتب: به گزارش مرکز خبر گادتب، حجت مختارزاده فعال ملی مدنی آذربایجانی ساکن تبریز در …

راه اندازی کمپین درخواست الحاق دوباره روستاهای مسیر گردنه حیران به استان اردبیل

گادتب: به گزارش مرکز خبر گادتب، اهالی گردنه حیران و اردبیل، با راه اندازی یک …