چهارشنبه , فوریه 28 2024
azfa
تازه ها

گادتب و آوسترالیا-آذربایجان آسوساسیاسی رسمی‌لری شهید تورک کونسولون آنیم مراسیمینده-شکیل

گادتب-نین مطبوعات مرکزی‌نین یایدیغی معلوماتا گؤره، بو گون 2020-جی ایل دئکابرین 17-ی آوسترالیانین سیدنئی شهرینده ائرمنی تئررورچولارینین 1980-جی ایلده 40 ایل اؤنجه تئررور ائتدیگی تورکیه باش کونسولو شاریک آریاک و محافظه‌چی‌سی آتاشئ ائنگین سئوئرین شرفینه آنیم مراسیمی کئچیریلیب.

آنیم مراسیمینه گونئی آذربایجان دئموکراتیک تورک بیرلیگی (گادتب) بئین الخالق علاقه‌لر دئپارتامئنتی‌نین صدری سایین میکاییل بی اویتا و گادتب اینسان حاقلاری دئپارتامئنتی‌نین صدری سایین سارا خانیم آذرسون، ائله‌جه ده آوسترالیا-آذربایجان آسوساسیاسی طرفین‌دن سایین جئسیکا اویتا قاتیلیبلار. گادتب و آوسترالیا-آذربایجان آسوساسیاسی طرفیندن تورک شهیدلرینین شرفینه، اونلارین آبیده سی اؤنونه گول چلنگلری قویولوب.

سیدنئیده شهید سفیرین آبیده‌سی اؤنونده کئچیریلن مؤهتشم تدبیره تورکیه تمثیلچی‌لیگی،  تورک تشکیلاتلاری تمثیلچی‌لری، آوسترالیا یئنی جنوبی اوئلس (NSW) ایالت پارلامئنتین میللت وکیل‌لری، آذربایجان بؤیوک ائلچی‌لیگی طرفیندن سایین رامیل قوربانوو، آمئریکا، پاکیستان و سریلانکانین سیدنئی‌ده کی باش کونسولو، ائله‌جه ده دیگر رسمی‌لر و پولیسلرله تهلوکه‌سیزلیک رسمی‌لری قاتیلیب‌لار.

قئید ائدک کی، 40 ایل اؤنجه 17 دئکابر 1980-جی ایل تاریخینده ائرمنی تئرروریست‌لری طرفین‌دن آوسترالیانین سیدنئی شهرینده تورکیه‌نین باش کونسولو شاریک آریاک و و محافظه‌چی‌سی آتاشئ ائنگین سئوئر وظیفه باشیندا شهید ائدیلمیش‌لر. بو گون سیدنئیده سایین میکاییل بی اویتا، سایین سارا خانیم آزرسون و سایین جئسیکا خانیم اویتانین ایشتیراکی ایله همین تورک شهیدلرین خاطره‌سی آنیلیب.

دوباره امتحان کنید

پیام اتحادیه دمکراتیک تورک آذربایجان جنوبی و اتحادیه آذربایجان- استرالیا در مورد انتخابات به ملت تورک آذربایجان- تصویر

‎ گادتب: به گزارش مرکز گادتب، اتحادیه دمکراتیک تورک آذربایجان جنوبی و اتحادیه آذربایجان- استرالیا …

پنجمین روز اعتصاب غذای مرتضی پروین در بازداشتگاه اوین؛ نگرانی از وضعیت جسمانی این فعال آذربایجانی

گادتب: مرتضی پروین‌ جدا‌ هنرمند‌ و‌ فعال‌ حرکت ملی آذربایجان امروز‌ چهارشنبه ۹ اسفند ماه‌ …

دیدگاهتان را بنویسید