ادتاج اتحادیه دمکراتیک ترک آذربایجان جنوبی
گادتب-نين مطبوعات مرکزينه داخيل اولان معلوماتا گؤره، گونئي آذربايجان دئموکراتيک تورک بيرليگي (گادتب) و گونئي آذربايجان ايستيقلالچيلار بيرليگي باشقاني سايين اژدر تاغيزاده آمئريکانين سسينه مصاحيبه وئريب. مصاحيبه‌ني تقديم ائديريک:
سس:
اژدر تاغيزاده نين سؤزلرينه گؤره، پهلويلر دؤنمينده اولدوغو کيمي بو گون ده ايران حاکيميتينه موخاليف اولان “مرکزيتچي تشکيلاتلارين” آپاريجي قووه‌لري آراسيندا غئيري-فارس ايجماعلارا منسوب چوخ سايدا سياسي فعال وار.
“گونئي آذربايجان دئموکراتيک تورک بيرليگي” (گادتب) تشکيلاتينين باشقاني آمئريکانين سسي ايله صؤحبتده “مرکزيتچي سياسي تشکيلاتلار” داخيل اولماقلا، ايسلام رئسپوبليکاسينا قارشي موباريزه ائدن قروپلار ايچينده غئيري-فارس ايجماعلارا منسوب قوووه‌لرين نفوذونو دگرلنديريب.
بونا گؤره کي، پهلوي سولاله‌سينين اساس داياغي غرب دونياسي، اؤزلليکله آمئريکا ايدي، عوموميتله بو غئيري-فارس ميلتلر ايچينده مجاديله وئرن شخصلر و قروپلار سول تمايوللو ايدي
“پهلوي سولاله‌سينين حاکيميتي باشلارکن غئيري-فارس توپلوملارا قارشي باسقيلار اولدو. بو، رضا شاهين اؤزو ايله باشلادي و محمد رضا شاه و داها سونرا اينديکي رئژيم طرفيندن ده داوام ائتديريلدي،” دئيه اژدر تاغيزاده داها آغير باسقيلارا معروض قالان غئيري-فارس ايجماعلارين داها چوخ موخاليفت سرگيله‌ديکلرينه ديقت چکير.
سياسي فعالين سؤزلرينه گؤر، پهلويلره قارشي “باشدا آذربايجان اولماقلا، غئيري-فارس خالقلارين ياشاديغي بؤلگه‌لرده عوصيانلار باش وئردي. حتّي ريضا شاهين ائتنيک ايجماعلارين بؤلگه‌لرينه قوشون چکمه‌سينه داير خاطيره‌لري وار. او زامانلار زيندانلار بوتون غئيري-فارس ميلتلرين رهبرلري ايله دولو ايدي.”
1979 ايسلام اينقيلابيندان اول و سونرا ايرانين سولچو تشکيلاتلاريندا آکتيو سياسي فعاليت گؤسترن اژدر تاغيزاد، همين تشکيلاتلارين اساس آپاريجي قوووه‌لرينين غئيري-فارس ايجماعلار، خوصوصيله تورکلردن عيبارت اولدوغونو اؤنه چکير.
اونون دئديکلرينه گؤره، “بوتون غئيري-فارس ميلتلر پهلوي دؤنمينده يازيلماميش بير ايتتيفاقا يئتيشميشديلر… بونا گؤره کي، پهلوي سولاله‌سينين اساس داياغي قرب دونياسي، اؤزلليکله آمئريکا ايدي، عوموميتله بو ميلتلر ايچينده موجاديله وئرن شخصلر و قروپلار سول تمايوللو ايدي.”
بوگون ده بو مرکزيتچي تشکيلاتلارين اساس آپاريجي آداملارينين چوخو غئيري-فارس ميلتلره منسوبدور. خوسوسيله خالقين موجاهيدلري ايچينده و يا سول تفککورلو دوشرگه‌ده…
سياسي فعال علاوه ائدير، “حتّي دئيه بيلرم کي، بو گون ده بو مرکزيتچي تشکيلاتلارين اساس آپاريجي آداملارينين چوخو غئيري-فارس ميلتلره منسوبدورلار. خصوصيله خالقين موجاهيدلري ايچينده و يا سول تفککورلو دوشرگه‌ده، حتّي دئيه بيلرم کي، بونلارين اساس قوروجولارينين يوکسک فايزي خوصوصيله آذربايجانداندير.”
تاغيزاده غئيري-شيعه ايجماعلارا منسوب قووه‌لرين ده ايسلام رئسپوبليکاسينا قارشي جيدي موخاليفت سرگيله‌ديکلريني وورغولايير: “علاوه اولاراق، بو گون شيعه اولمايانلار دا وار. بيلديگيم قدر ايراندا ان آزي 10-15 ميليون سونني وار. بونلار دا بير شکيلده موباريزه آپارير. باهائيلر وار، زردوشتلر وار.”
