ادتاج اتحادیه دمکراتیک ترک آذربایجان جنوبی
گادتب: گونئي آذربايجان دئموکراتيک تورک بيرليگي (گادتب) و گونئي آذربايجان ايستيقلالچيلار بيرليگينين (گايب) اساس آمالي ايران آدلانان اؤلکهنين ايشغال و موستملکه ائتديگي گونئي آذربايجان و عموميتله تورکلرين موستقيلليگيني برپا ائتمکدير. گونئي آذربايجاندا و بوتون رئگيوندا تورکه دوشمنچيليک ائدن هر هانسي اؤلکه و يا ائتنوس بيزيم دوشمنيميزدير. بو ايستيقامتده کورد تئررور تشکيلاتلاري، او جوملهدن پ ک ک، پژاک، ايران کوردوستاني دئموکرات پارتياسي و تورکه دوشمنچيليک ائدن، آذربايجان و عموميتله تورکون تورپاغينا گؤز تيکن هر هانسي کورد تشکيلاتينين بيزه عيرقچي و ايشغالچي فارس رئژيميندن فرقي يوخدور.
گادتب و گايب يوخاريدا قئيد ائتديگيميز پرينسيپ اساسيندا حرکت ائدير و تصادوفي دئييلدير کي، بير-بيري ايله توققوشان ايشغالچي، ايرتيجاعي فارس-موللا رئژيمي و کورد تئررور تشکيلاتلاری آذربايجان و تورکه قارشي بير-بيري ايله بيرلشيب، تورکون قانيني ايچيرلر. اونا گؤره ده بيزيم اوچون ايشغالچي فارس موللا رئژيمي ايله تئررورچو کورد تشکيلاتلاري بير بئزين قيراغيدير. نه زامانا قدر کي، کورد تئررور تشکيلاتلاري گونئي آذربايجان و تورکه دوشمنچیلیک ائدهجکلر بيز بو مؤوقعيميزده قالاجاغيق.
گونئي آذربايجان دئموکراتيک تورک بيرليگي (گادتب) عيرقچي و ايشغالچي فارس رئژيمينين ايران کوردوستاني دئموکرات پارتيياسينين عيراقدا يئرلشن قرارگاهلاريني آتشه توتماسينين بيزه هئچ بير عائيديتي يوخدور و هئچ بير طرفي دستکله ميريک. بونونلا باغلي گادتب طرفيندن بیلدیریش ده وئريلمهميشدير. جزئي آد اوخشارليغي گونئي آذربايجان دئموکراتيک تورک بيرليگينين (گادتب) آدينين کوردلري دستکلهمه ده حاللانماسينا سبب اولوب. کوردلری دستکله ین همين تشکيلاتين ايسه گونئي آذربايجان دئموکراتيک تورک بيرليگينه (گادتب) هئچ بير عاييديتي يوخدور.
اژدر تاغيزاده
گادتب و گايب باشقاني
