ادتاج اتحادیه دمکراتیک ترک آذربایجان جنوبی
گادتب: زامان-زامان ارگنه کون (ارگنه گون) بایرامی کیمی ده آدلاندیریلان یئنی گون-یاز بایرامی بؤیوک تورک میللتینین هله اون مین ایل اؤنجهدن طبیعتدن ایلهام آلاراق فورمالاشدیردیغی میللی بایرامیدیر. تورک میللتی دونیانین ان قدیم میللتلریندن اولدوغو اوچون اونون میللی بایرامی اولان یئنی گون- یاز بایرامی دا اینسانلارین ایلکین حیات طرزی، اکینچیلیگی و طبیعتین قیشدان سونرا یئنیدن اویانماسی ایله باغلی اولموشدور. بو بایرام اساس ایکی قیطعهیه یاییلمیش تورکلرین هامیسیندا دینیندن آسیلی اولمایاراق کئچیریلیر. حتی پروتوتورک خالقلار حساب ائدیلن ایکی چای آراسیندا ساویر و شومئرلرده بئله یئنیگون بایرامی کئچیریلمیشدیر.
“دیوانی لغات الترک”ده ده بو میللی بایرامیمیز “یئنگی گون” (یئنی گون) کیمی قئید ائدیلمیش و داها سونرالار فارسجایا حرفی ترجمه ائدیلهرک نووروز شکلینده تورک ایمپئراطورلوقلارینین اراضیسینده ایشله دیلمیشدیر. “یئنی گون” سؤزو تورک سلطانلارینین (سلجوقلو ملیکشاه) گؤستریشی ایله فارسجایا ترجمه ائدیلدیگی اوچون بیر چوخ بؤلگهلرده نووروزی سلطان و سلطان نووروزو شکلینده ایشله دیلمیش و حتی بیر سیرا تورک اؤلکهلرینده بو گون بو شکیلده ایشله دیلمکدهدیر. بؤیوک سلجوقلو سلطانی ملیک شاهین تقویم اصلاحاتلاریندان سونرا ترجمه فورماسی خصوصیله یاییلمیشدیر.
اوچ قیطعهنین مین ایللر بویو حاکمی اولموش تورک میللتی قانادلاری آلتینا سیغینمیش بیر سیرا خالقلاردان دا بو گؤزل عنعنهسینی اسیرگه مه میش و اونلار دا یئنی گون-یاز بایرامینی منیمسهییب قئید ائدیرلر.
بو گون دونیانین اوزقاراسینا چئوریلمیش چین و ایران شووینیست و ایرتیجاچیلاری تکجه تورک میللتی دئییل، بوتون دونیانی کوروناویروس بلاسینا دوچار ائتسهلر ده، میللتیمیز اؤز میللی بایرامینی کئچیرمکدهدیر. چونکی تورک میللتی یاخشی بیلیر کی، ایرقچی و ایرتیجاچی فارس-موللا رئژیمی کوروناویروس و باشقا بئله یولوخوجو خستهلیکلردن ضررلی و تهلوکهلیدیر. اونسوز دا ایرتیجاچی موللا رئژیمی میللتیمیزین بیر قیسمینی زیندانلاردا چورودوب، قالانینی اقتصادی باسقیلاردا ساخلاماقلا، ایندی ده کوروناویروسو یایماقلا بؤیوک اوچوروم قارشیسیندا قویموشدور. لاکین میللتیمیز بونلارین هامیسینا قالیب گلهجک.
ایرتیجاچی فارس-موللا رئژیمی ایندی داغیدیجی سیاستیله او سویهیه دوشوب کی، بوتون دونیادان دیله نیر. آذربایجان رئسپوبلیکاسیندان، یاپونیادان، عرب امیرلیگیندن، فرانسادان و دیگر اؤلکهلردن پول دیله نیر و آلدیغی یاردیملاری دا بلایا دوچار ائتدیکلری اهالییه چاتدیرماق یئرینه بیر-باشا سوریا، لیوان و عراقدا تئررورچولارینا گؤندریرلر.
بو گون ایرتیجاچی فارس-موللا رئژیمی قومو فساد یوواسینا چئویریب و بولشئویک کومونیستلر کیمی دونیانین هر بیر یئریندن آلداتدیقلاری اینسانلاری توپلاییب بئینینی یویور و دونیایا تئررورو و ایرتیجانی ایخراج ائدیرلر. اونلار دونیانی شیعه لشدیریب، فارس ایمپئریاسی قورماق ایسته ییر. بونون دا نتیجهسینده خستهلیکلری گتیریب اورایا و اورادان دا بوتون بؤلگهیه و دونیایا یاییرلار. آرتیق قومدان چینین اؤزونه خستهلیک ایخراج ائتدیکلری اوچون چینه سفرلره مانع اولورلار. رئژیم آرتیق بوتون خسته لیکلرین منبعیینه چئوریلیب. اونا گؤرهده میللتیمیز اؤز یولونو دوزگون سئچمهلی و موستقیللیگی اوغروندا مباریزهیه داوام ائتمهلیدیر.
گونئی آذربایجان دئموکراتیک تورک بیرلیگی (گادتب) و گونئی آذربایجان ایستیقلالچیلار بیرلیگی (گایب) یئنی گون-یاز بایرامی مناسیبتی ایله گونئی و قوزئی آذربایجاندا تورک میللتینی، ائلهجه ده تورک دونیاسینی تبریک ائدیر، میللتیمیزه موتلولوق، ساغلاملیق و آیدین گلهجک، گونئی آذربایجان دا داخیل اولماقلا اسارتده اولان دیگر تورکلره آزادلیق و موستقیللیک آرزولاییر.
یئنی گون-یاز بایرامینیز موبارک!
اژدر تاغیزاده
گونئی آذربایجان دئموکراتیک تورک بیرلیگی (گادتب) و گونئی آذربایجان ایستیقلالچیلار بیرلیگی (گایب) باشقانی
