جمعه , مارس 29 2024
azfa

گونئي آذربايجانين ايستيقلالچي تشکيلاتلارينین گونئی آذربایجانین مستقیللیگینین ضرورتی باره ده بیلدیریشی

رئژیمین ۴۰ ایل عرضینده بوتون جنایت لرینه شریک اولان الی قانلی جانیلری میللتیمیز اونوتمایاجاق!

ایشغال آلتیندا یاشایان بیر میللتین ایلک و آنا هدفی اؤلکه سینی خاریجی قوه لرین الیندن قورتارماقدیر! شبهه سیز، بیر عصره یاخین اویقولانان سیستماتیک آسیمیلاسیونون (اریتمه سیستمی) یاراتدیغی کولتورل، سیاسی، اقتصادی و… تخریباتی حل ائتمک و میللی شعورو یئنی دن یاراتماق راحات دئییلدیر.

بیر طرفدن بو حیاتا آلیشان، آسیمیله اولموشلار، او بیری طرفدن ده ایشغالچیلارلا  ال ـ اله وئریب اوز میللتینه دوشمن کسیله نلر، یادلارین چیرکین پلانلارینی میللتیمیزه قارشی حیاتا کئچیریرلر. بو منلیک لرینی ایتیرمیش اؤزوموزدن اولان مانقورتلارلا مجادیله، ساده جه اینانج، وطن سئوگیسی و فداکارلیقلا اولان بیر ایش دئییل و دونیا سیاستینی دوزگون آنالیز ائدیب، رژیمین اویونلارینی اؤنجه دن گوروب و دوغرو تاکتیک لر اورتایا قویماقلا باشاری مومکون دور.

حرکتیمیزین ان مهم مانعه لریندن بیری مسئولییت سیز و هئچ بیر علمی و عملی دایاغی اولمایان و بیر عصره یاخین، بیزی بو گونه سالان ایرانچیلیق تئوریسینین معین شخص و قوروملار طرفیندن اورتایا آتیلماسیدیر. ایرانچیلیق مفکوره سی، میللی موباریزه ده، داغیدیجی و استراتژیک باخیمدان ضرر وئریجی بیر عامیل اولماقلا، قورتولوشوموز اوچون ان بویوک مانعه دیر. دیلیمیزین یاساقلانماسی، وارلیغیمیزین یوخ ائدیلمه سی، تاریخیمیزین ساختالاشدیریلماسی، یئرآلتی ثروتلریمیزین تالانماسی، تورپاقلاریمیزین ایشغال اولونماسینی بیلیرکسه و بونلارین سببکارینین عیرقچی- ایرانچی دوشونجه و اونو تمثیل ائدن تئهران رئژیمی اولدوغونو بیلیریکسه، او زامان بو حقیقتلری گوره ـ گوره بو سیستم و اونون اویون و ماشالارینا اینانماق و هر دفعه بیر توزاغینا دوشمک ساده لوحلوک، یاخود کؤله لیک دگیلدیرمی؟

بیزجه میللیت چی، هم دشمنینین و هم اوز میللتینین تاریخی، کولتورو، سیاسی و سوسیولوژوسونو بیلمه لی، اونلارا دایاناراق اویغون استراتژی و تاکتیکلر سئچمه لیدیر. چونکی دوشمنی تانیمادان و اوز میللتینین خصوصییتلرینی اینجه له ییب، تدقیق ائتمه دن، باشاریلی اولماق مومکون دئییلدیر. رئژیمین هر بیر اویونو ایله هیجانا گلیب، خاریجی دولتلرین سؤزو ایله جوشانلار، میللت لرینین گوجونه و هدفلرینه اینانمایان، مستقیل اولمایان شخص و قوروملاردیلار.

تاسوفله ایرانچی ایدئیاسینی داشیانلار، موجود ایشغالچی ـ راسیست رئژيمی، بير نئچه گروپا بؤلوب، بيرينی موحافيظه كار، او بيرينی ليبرال ـ رئفورمچو آدلانديریرلار. بللی بیر بؤلموده رئژیمین سؤزده اپوزیسیونوندان معجوزه گؤزله ییرلر. حال بوكی بئله گؤروشلر كؤكونده ن غيرعلمی اولوب و یانلیشدير. زیرا رئفورم دئموكراتيك حقوق دولتينده عملی اولا بيلر. ديكتاتور رئژيملرده رئفورم اونلارين يوخ اولماسی معناسينا گلير. رئژيمين بو اويونلاری يالنيز خالقی آلداتماق، جینایتکار ـ ییرتیجی حاكمييتلرینين عؤمرونو اوزاتماق اوچوندور.

فرض ائده لیم کی، عیرقچی رئژیم مجبور قالاراق، سؤزده اؤز قانونلاری چرچیوه سینده، دیلیمیزه قویولان یاساغی قالدیردی. ديليميز آزاد اولسا بئله، اؤزوموز و وطنيميز، فارس ایشغالی نين آلتيندا قالاجاقدير. ايران دئييله ن يئرين سؤزده آناياساسی چرچيوه سينده چاليشماق بو اسارتين مدتينی اوزاتماق دئمكدير.

قهرمان آذربایجان تورک میللتی تاریخدن درس آلاراق آیاغا قالخیب، اؤزو و اؤز طالعینه صاحیب چیخمالیدیر. میللتیمیز شخصلری و سیاسی قوروملاری، سؤزلرله ـ ایدعالارلا یوخ، بلکه عمل لری ایله دگرلندیرمه لیدیر. رئژیمین بوتون جنایت لرینه، شریک اولوب، الی قانلی بو جانیلر مصلحت و صاباحکی چیخارلارینی قوروماق اوچون سؤزده موخالیف کیمی حرکت ائده نلری میللتیمیز تانیییر، اونلارین گوناهلاری باغیشلانان دئییلدیر. ۴۰ ایل میللتیمیزه قان قوسدورانلار اوز عمللری نین جزاسینی گوره جکلر.

رد اولسون ایشغالچی رئژیم!

رد اولسون رئژیمه خدمت ائده ن جنایتکارلار!

یاشاسین میللی قورتولوش داوامیز!

 

دوباره امتحان کنید

ترکیه ششمین کشور برتر اروپا در فروش خودروهای برقی است

گادتب: ترکیه در عرصه فروش خودروهای برقی پس از برخی از کشورهای اتحادیه اروپا در …

مرگ مشکوک سارا تبریزی پس از احضار به اطلاعات

گادتب: به گزارش مرکز گادتب، سارا تبریزی ۲۰ ساله ۴ فروردین به وزارت اطلاعات احضار …

دیدگاهتان را بنویسید