ادتاج اتحادیه دمکراتیک ترک آذربایجان جنوبی
ايشغالچي فارس رئژيمي، ميللي حرکاتي پارچالاييب، اساس آماليندان اوزاقلاشديراراق، ايدئولوگيياسيز و اؤز نظارتي آلتيندا اولان بير حرکاتا چئويرمه یي قارشييا مقصد قويوب. بو مقصدله مين بير اويوندان چيخان ايران-فارس رئژيمي حتّي حزب الله و سایر بئله تئررور تشکيلاتلاری قوروب، ماليه لشديرمکدن ده چکينمير. سؤزسوز کي، گونئي آذربايجان ميللي حرکاتينين ايستيقلالچي تشکيلاتلاري ايرانين بو فيتنه کارليقلاريني تاثيرسيزلشديرمه یي و موستقيلليک اوغروندا موجاديله‌ني داها ائفئکتيو داوام ائتديرمه یي قارشييا مقصد قويوب.
گونئي آذربايجانين ايستقيلال موجاديله‌سينين داها کسکين، گوجلو و موتشکيل اولماسي آرتيق بير ضرورتدير. بو گونه‌دک گؤستريلن سعي لر نتيجه‌سينده معين بيرليک و ايتيفاقلار يارانسا دا، آنجاق دوشونجه‌ده بيرليک و هدفده شفافليق اولماديغي اوچون بو بيرليکلر اوغورسوزلوغا دوچار اولموش، آرزو اولونان نتيجه الده اولونماميشدير.
گونئي آذربايجانين ايستيقلال موجاديله‌سينين داها ائفئکتيو آپاريلماسي مقصديله بيز عيني دوشونجه‌لي، ائله جه ده هدفده شفاف استراتژي و تاکتيکه ماليک اولان ايستيقلالچي تشکيلاتلار، اوزون مذاکيره‌لردن سونرا گونئي آذربايجان ايستيقلالچيلار بيرليگيني اعلان ائديريک. گونئي آذربايجان ايستيقلالچيلار بيرليگي نین باشقانی اولاراق اژدر تقی زاده سئچیلمیشدیر. بو گوندن اعتيباراً گونئي آذربايجان ايستيقلالچيلار بيرليگي ترکيبينده ايستيقلالچي تشکيلاتلار کيمي بيرگه موجاديله‌ميزه داوام ائده‌جه یيک. گونئي آذربايجان ايستيقلالچيلار بيرليگينين قاپيسي بوتون ايستيقلالچي تشکيلاتلارا آچيقدير. آچيق شکيلده ايستيقلال يولوندا موباريزه آپاران سياسي تشکيلاتلار گونئي آذربايجان ايستيقلالچيلار بيرليگينين پلاتفورماسيني قبول ائدتيکلري حالدا بو بيرلييه عضو اولاراق، مسئوليت قبول ائتمه‌لرينی و گوجوموزو بيرلشديرمه یي آرزو ائديريک. گونئي آذربايجان ايستيقلالچيلار بيرليگي فردي عضو قبول ائتمير و صيرف سياسي ايستيقلالچي تشکيلاتلار بو قوروما عضو اولا بيلر.
قورورجو تشکيلاتلار:
- گونئي آزربايجان دئموکراتيک تورک بيرليگي
- گونئي آزربايجان ميللي يول تشکيلاتي
- گونئي آزربايجان ايستيقلال پارتيسي
