جمعه , ژوئن 18 2021
azfa

گونئي آذربايجان ايستيقلالچيلار بيرليگي باشقاني سايين اژدر تاغيزاده نين آذربایجان خالق جمهوریتینين 100 ايلليگي موناسيبتيله تبريک مئساژي

گادتب: بو گون تورک دونياسيندا ايلک جمهوريت ايداره اوصولو اولان آذربايجان خالق جمهوريتينين يارانماسيندان 100 ايل اؤتور. 100 ايل اؤنجه ميلتيميزين داهي اوغوللاري آذربايجانين قوزئي حيصه سينده 1918-جي ايل ماي آيينين 28-ده تورک دونياسي و عموميتله شرق عالمينده ايلک دئموکراتيک، پلوراليست و دونيوي آذربايجان دؤولتيني ياراتدي. اصلينده محمد امين بي رسولزاده نين، فتحعلي خان خويلونون و ديگر قوروجولارين بيرليکده قوردوغو آذربايجان خالق جمهوريتي آذربايجان تورک ميلتينين چوخ عصرليک دؤولتچيليک تاريخينين پارلامئنتلي جمهوريت فورماسيندا معاصير دؤورده داوامي اولموشدور. آذربايجان خالق جمهوريتينين 100 ايلليگي موناسيبتيله آذربايجان دؤولتينين رهبرليگيني، بؤيوک تورک ميلتيني اورکدن تبريک ائديرم.

تورک دونياسيندا ايلک دئموکراتيک پارلامئنتلي جمهوريت اولان آذربايجان خالق جمهوريتي همين دؤورون شرطلري چرچيوه‌سينده جمعي 23 آي عؤمور سورمه‌سينه و روس اوردوسونون آذربايجاني ايشغال ائتمه‌سي نتيجه‌سينده سقوتا اوغراماسينا باخماياراق، بو دئموکراتيک آذربايجان دؤولتي آذربايجان تورک ميلتينين گله‌جک دؤولتچيليگي اوچون عوضسيز ايشلر گؤرموشدور.

آذربايان خالق جمهوريتينين واريثي کيمي موستقيل آذربايجان رئسپوبليکاسي تکجه قوزئيلي سويداشلاريميزين دئييل، بوتون دونيا آذربايجانليلارينين دؤولتيدير. بو دؤولت گونئي آذربايجاندا دؤولتين و بوتؤو آذربايجانين يارانماسي اوچون داياق نؤقطه‌سي، ايدئيا قايناغيدير. گونئي آذربايجاندا آذربايجان تورکلري گونئييميزين ميللي قورتولوشونو يالنيز و يالنيز ايستيقلال و جمهوريت ايداره اوصولوندا گؤردوکلري اوچون خالق جمهورييتيني اؤزلرينه نمونه حساب ائديرلر.

جمهوريتيميزين 100 ايلي قوتلو اولسون!

دوباره امتحان کنید

عفو بین الملل: ابراهیم رئیسی در ارتباط با «جنایت علیه بشریت» باید تحت تحقیقات کیفری قرار گیرد

 گادتب: به گزارش مرکز خبر گادتب، سازمان عفو بین‌الملل به آژانس خبری فرانسه گفت؛ ابراهیم …

انتقال چند ساعته سه تن از زندانیان سیاسی آذربایجانی به بازداشتگاه اداره اطلاعات زندان اوین

گادتب: به گزارش مرکز خبر گادتب، مطابق گزارش دریافتی دیروز چهارشنبه ۲۶ خرداد ۱۴۰۰ ، …

دیدگاهتان را بنویسید