دوشنبه , می 10 2021
azfa

گونئي آذربايجان دئموکراتيک تورک بيرليگينين يئني گون- ياز بايرامي موناسيبتي ايله تورک ميللتينه تبريک مئساژي

تورک ميللتي دونيانين ان قديم خالقلاريندان اولدوغو اوچون اونون ميللي بايرامي اولان يئني گون- ياز بايرامي دا اينسانلارين ايلکين حيات طرزي، اکينچيليگي و طبيعتين قيشدان سونرا يئنيدن اويانماسي ايله باغلي اولموشدور. بو بايرام اساس ايکي قطعه‌يه ياييلميش تورکلرين هاميسيندا دينيندن آسيلي اولماياراق کئچيريلير. حتّي پروتوتورک خالقلار حساب ائديلن ايکي چاي آراسيندا ساوير و شومئرلرده بئله، يئني گون بايرامي کئچيريلميشدير.

قديم و اورتا عصر تورک قايناقلاريندا دا بو ميللي بايراميميز “يئنگي گون” (يئني گون) کيمي قئيد ائديلميش، داها سونرالار فارسجايا حرفي ترجومه ائديله‌رک نووروز شکلينده تورک ايمپئراتورلوقلارينين اراضيسينده بو شکيلده ايشله‌ديلميشدير. “يئني گون” سؤزو تورک سولطانلارينين (ملیک شاه سلجوقلو) گؤستريشي ايله فارسجايا ترجومه ائديلديگي اوچون بير چوخ بؤلگه‌لرده نووروزي سولطان و سولطان نووروزو شکلينده ايشله‌ديلميش و حتّي بير سيرا تورک اؤلکه‌لرينده بو گون بو شکيلده ايشله‌ديلمکده‌دير. بؤیوک سلجوقلو سلطانی ملیک شاهین تقويم ايصلاحاتلاريندان سونرا ترجومه فورماسي خوصوصيله ياييلميشدير.

اوچ قطعه‌نين مين ايللر بويو حاکيمي اولموش تورک ميللتي، قانادلاري آلتينا سيغينميش بير سيرا خالقلاردان دا بو گؤزل عنعنه سيني اسيرگمه‌ميش و اونلار دا يئني گون- ياز بايراميني منيمسه‌ييب قئيد ائديرلر.

بؤيوک تورک ميللتينين قديم بايرامي اولان يئني گون- ياز بايرامي بو گون ده تورک ميللتينين اورتاق ميراثي کيمي تورک دونياسيني بيرلشديرير.

گونئي آذربايجان دئموکراتيک تورک بيرليگي يئني گون- ياز بايرامي موناسيبتي ايله گونئي آذربايجان و قوزئي آذربايجان تورک ميللتيني، ائله جه ده تورک دونياسيني تبريک ائدير، ميللتيميزه موتلولوق و آيدين گله‌جک، گونئي آذربايجان داخيل اولماقلا اسارتده اولان ديگر تورکلره آزادليق و موستقيلليک آرزولايير.

يئني گون- ياز بايرامينيز موبارک!

 

اژدر تقی زاده

گونئي آذربايجان دئموکراتيک تورک بيرليگي باشقاني

دوباره امتحان کنید

آسوشیتدپرس: کشتی حامل سلاح مصادره شده توسط آمریکا، از ایران آمده و عازم یمن بوده است

گادتب: به گزارش مرکز خبر گادتب به نقل از خبرگزاری آسوشیتدپرس روز یکشنبه ۱۹ اردیبهشت …

مردم کربلا در عراق کنسولگری جمهوری اسلامی را در این شھر محاصرە و بە آتش کشیدند-ویدئو

گادتب: به گزارش مرکز خبر گادتب، بعد از ترور ایهاب الوزنی فعال برجسته عراقی در …

دیدگاهتان را بنویسید