ادتاج اتحادیه دمکراتیک ترک آذربایجان جنوبی
گادتب: تورک جمهوريتيميز قازاقيستاندا خزر دنيزي حوضه‌سي اؤلکه‌لرين باشچيلارينين توپلانتيسي و اورادا بعضي مقاويله‌لره ايمضاء آتمالاري بير طرفدن تورک دونياسي و تورک اؤلکه‌لرين خئيرينه‌دير. باشقا ياندان ايسه عيرقچي و ايشغالچي فارس رئژيمين ايرتيجاعچي رئژيمي و موخاليفتينين غضبينه سبب اولوب. اونلار دوشونوردولر کي، تاريخي تورک دنيزي اولان خزر دنيزي سووئت دؤورونده اولدوغو کيمي ايستيلاچي روس و فارس طرفيندن ايکييه بؤلونه‌جک و هره‌سي يئني وضعيتده 50 فايز پاي آلاجاقلار.
اصلينده نه سووئت دؤورونده، نه ده اوندان اول فارسلارين خزر دنيزينه گمي چيخارماغا و حتّي گئنيش شکيلده باليقچيليغا بئله حاقلاري يوخ ايدي. لاکين سووئت ايمپئرياسي چؤکندن سونرا بئش تورک جمهوريتي موستقلليگيني برپا ائتدي و حاق-عدالت معين درجه‌ده اؤز يئريني تاپدي. هله‌ليک تاريخي تورک دنيزي- خزرين معين حيصه سينه تورک جمهوريتلري- آذربايجان، قازاقيستان و تورکمنيستان نظارت ائدير. آرتيق آذربايجان جمهوريتي، قازاقيستان جمهوريتي و تورکمنيستان جمهوريتي خزرده حتّي فارسلا روسدان آرتيق اؤز حاقلاريني الده ائديبلر. بو دا ايکي قارداش تورک دؤولتي اولان آذربايجان و تورکمنيستان آراسيندا جزئي ايختیلافلارين حل ائديلمه‌سينه سبب اولاجاق و نتيجه‌ده تورکوستان تورک دؤولتلري اولان اؤزبکيستان، قازاقيستان، قيرقيزيستان و تورکمنيستاندان اولان ترانزيت يوللار، بورولار و تاريخي ايپک يولو خزر دنيزي واسيطه‌سيله آذربايجاندان کئچه‌رک تورکيه‌يه و اورادان آوروپايا گئده‌جک. بو دا تورک دونياسينين آزاد دونيايا اينتئقراسيياسينا و آچيق بازارلارا چيخماسينا گتيريب چيخاراجاق.
همچنين بونلار بوتون تورک دؤولتلرينين منفعت گؤتورمه‌سينه سبب اولاجاق. بعضيلرينين گونئي آذربايجانين مستقيل اولماسي ايله ايران آدلانان اؤلکه‌نين بازاريني ايتيرمک ايدعالاري دا اساسسيزدير و حتّي گونئي آذربايجان دا موستقيلليگيني الده ائتديکدن سونرا اوچ يوز ميليونلوق تورک دونياسينا قوشولاجاق و آوروپايا چيخيش الده ائده‌جک. عموميتله، ميلتيميزين بو حاديثه ده الده ائتديگي نائيليت بؤيوکدور و بو داوام ائده‌جک.
فارس شووينيست و ايرتيجاعچي رئژيمده بعضي قووه‌لر هاي-کوي سالاراق بو راضيلاشماني ايکينجي تورکمنچاي آدلانديريبلار. لاکين ايشغالچي ايران رئژيمينه وئريلن 11-13 فايز ده اصلينده فارسا عاييد دئييل و بو دنیز تاریخی تورک دنيزيدير. آستارادان باشلاياراق انز‌لي و حتّي ماحمودآباد قصبه سينه قدر اراضي و دنيز ساحيللري ده آذربايجانين گونئيينين تورپاقلاري و ساحيليدير و بو مسئله نی اينديدن بيلمه‌ليديرلر. عئيني زاماندا خزرين جنوب-شرقينده ده بؤيوک اراضي و خزر ساحيلي گونئي تورکمنيستانا عاييددير. قالان 3-4 فايزله ده مازاندرانليلار و فارس ايرتيجاعچي رئژيمي نه ائتمک ايسترسه اؤز ايشلريدير. اينديدن فارس شووينيستلرينين رؤيالاريندا 11 فايز و يا 13 فايز اؤزلرينه حاق بيلمه‌لري ده اساس سيزدير و دفعه لرله بو مسئله نی اؤنجه‌دن ده قئيد ائتميشيک کي، 11 فايز گونئي آذربايجانين دا پايينا شاميل ائديلير.
روسلارين بو مقاويله‌ده اوددوغونو ايدعا ائدنلر اولسا دا، اصلينده بو دا اساس سيزدر. چونکي، اوزون مدت روس موستملکه‌چيليگينده اولان و سون زامانلارا قدر بلوکادادا ساخلانيلان تورکوستانين تورک جمهوريتلريندن آذربايجان واسيطه‌سيله تورکيه و آوروپايا بورولار، نقليات خطي و عموميتله ايپک يولونون کئچمه‌سي گوندمده‌دير.
بئش تورک دؤولتينين باشچيلارينين قازاقيستاندا گؤروشو و بعضي مقاويله‌لرين باغلانماسي ايله تورک اؤز گوجونه و پوتئنسيالينا صاحيب چيخاجاق. بو گوجون قارشيسيندا روس دا، فارس دا، ديگرلري ده گئري اوتوراجاق. اونا گؤره ده ايرتيجاعچي و ايشغالچي فارس رئژيمي و فارس شووينيست قووه‌لري ال-آياغا دوشوبلر. لاکين تورک آرتيق اؤز حاقّيني الده ائتمکده و اوغور قازانماقدادير. گونئي آذربايجانين فارس ايشغاليندان قورتاراراق، موستقيلليک الده ائتمه‌سي و گونئي آذربايجان تورک جومهوريتينين يارانماسينا آز قالميشدير. گونئي آذربايجان دئموکراتيک تورک بيرليگي (گادتب) بو ايستيقامتده عزمله اؤز موقدس موباريزه‌سينه داوام ائدير.
اژدر تاغيزاده
گونئي آذربايجان دئموکراتيک تورک بيرليگي (گادتب) باشقاني
