دوشنبه , اکتبر 25 2021
azfa
تازه ها

گونئي آذربايجان دموکراتيک تورک بيرليگينين 24-25 سئنتیابر تاريخلرينده کئچيريله‌جک نيويورک توپلانتيسي ايله باغلي رسمي آچيقلاماسي

گادتب: سئويملي آذربايجان تورک ميللتي!

سون زامانلاردا نيويورکدا کئچيریله‌جک توپلانتي ايله باغلي بؤيوک لوببي چاليشمالاري اولموشدور. بو لوببي چاليشمالاريني ايداره ائدن بليرسيز گوجلرين پرده آرخاسي آچيلديقجا عربيستان دؤولتينين و نه يازيق کي ايران خالق مجاهيدلرينين اورتاق پروژه سينين ايزلري اوزه چيخميشدير. عؤمرو بؤيو ميللي و ائتنيک ده يرلري هئچه سايان قورخونج مجاهيد تشکيلاتينين باشچيليغي بللي اولونجا، اؤنجه‌دن دعوت قبول ائدن بير چوخ ميللي يؤنلو تشکيلاتلار و حتّي فارسچي-ايرانچي قوروملار توپلانتييا قاتيلما دعوتينی گئري قايتارميشلار. گادتب ايسه گونئي آذربايجانين بير اعتيبارلي و تانينميش ميللي قورومو اولاراق دعوتي گئري قايتاران قوروملاردان بيري اولموشدور. چونکي، گيزلي گئرچکلرين اوزه چيخماسييلا نيويورک توپلانتيسيني آمريکا دؤولتينه و رئکلام اولونموش بین الخالق میللتلر تشکیلاتینا عاييد اولماديغي بللي اولموشدور. عئين زاماندا ياييلان 15 ماده‌ليک شرطي سون سندده توپلانتينين آذربايجان تورک ميللتينه ان اوفاق بئله ياراري اولماديغي گؤستريلميشدير. بو اوزدن گونئي آذربايجان دموکراتيک تورک بيرليگي بو توپلانتييا قاتيلماما قراري آلاراق، آشاغيداکي نئچه اؤزتي ميلتيميزين بيلگيسينه سونور:

– توپلانتي ايرانين بوتؤولوگونو و تک يؤنلو فارس محورلي مرکزچي دؤولت سيستئمينين سورمه‌سيني اؤن گؤرموشدور(1-جي بند).

– توپلانتينين اساس هدفينين گله‌جک ايران اوچون داها فاشيست فارسچي رئژيمه يول آچاجاغي جهدي بللي اولموشدور (2-جي بند).

– توپلانتينين ايلک ياييلان بيلگيلرينه گؤره، ايشغال آلتيندا اولان غئيري-فارس ميلتلرين گله‌جه یيندن ان کيچيک سؤز ائديلمه‌ميشدير (8-جي بند).

– توپلانتينين مالييه‌سي سعودييه عربيستاني طرفيندن تأمين اولوندوغو اوچون، شاهچي، سلطنتچي کسيم توپلانتييا قاتيلماميشدير. بو ايسه، بوتونلوکله اينسيياتيوين ايران خالق مجاهيدلرينده قالديغيني ساغلاميشدير. (سون بيلديرينين سياسي ادبياتينين مجاهيد تشکيلاتينا عاييد اولدوغو آشکاردير.)

– توپلانتينين اساس چيخيشچيلاري ليسته‌سينده آذربايجان تورکلري باشدا اولماقلا ائتنيک يؤنلو عرب، کورد، بلوچ و تورکمن تشکيلاتلاري و يا شخصيتلريندن کيمسه‌يه يئر ويريلمه‌ميشدير.

– توپلانتييا دعوت مئخانيزمي لوببي يؤنتميله گيزليجه اولموشدور. بئله کي، ميللي-سياسي قوروملارين وارليغينا سايغيسيزليق ائده‌رک، او قوروملارا باغلي اولان ميللي-سياسي فردلرله ايليشکي قورولموش، نئچه باشلي اخلاقسيزليق ائديلميشدير. اوماريق کي، بوندان سونرا آذربايجان ميللي حرکاتينا باغلي اولان حقيقي و حقوقي کيمسه‌دن بئله داورانيشلار اورتايا قويولماسين.

– سؤزسوز کي گادتب، بير تورکچو، ايستيقلالچي قوروم اولاراق آذربايجان ميللي حرکاتينين آوروپا و آمئريکا گوندمينه گلمه‌سينين باشليجا طرفداريدير. آنجاق، يوخاريدا اؤرنک گؤستريلن کيفايت قدر آچيق ندنلره داياناراق آذربایجان میللی حرکاتینين ايستيقلاچي ايلکه‌لري ايله دابان-دابانا ضيد اولان نيويورک توپلانتيسي کيمي ييغينجاقلارا رسميت وئرمک بؤيوک پرينسيپ چؤکوشودور.

گونئي آذربايجان دموکراتيک تورک بيرليگي (گادتب)

2019-09-15

دوباره امتحان کنید

حسن ارک: اتفاقاتی که توجه ویژه ای را می طلبند

گادتب: در چند روز گذشته که جامعه سیاسی آزربایجان جنوبی سرگرم حوادث معارفه استاندار آزربایجان …

رسانه‌های روسی از ته کشیدن پول خامنه‌ای برای خرید سلاح خبر می دهند!

گادتب: به گزارش مرکز خبر گادتب، روزنامه روسی «ازویستا» نوشت که رژیم ایران طی سال‌های …

دیدگاهتان را بنویسید