ادتاج اتحادیه دمکراتیک ترک آذربایجان جنوبی
گادتب: آذربايجان تورکلري زامان-زامان باشقا قونشولاري ايله ياناشي کوردلره ده اؤز اراضيسينده سيغيناجاق وئرميش و اونلاري جيدي فلاکت و تهلوکهلردن قوروموشدور. لاکين تجروبه گؤسترميشدير کي، کوردلر نان کورلوق ائديب و تدريجي کؤچ و غارتله گونئي آذربايجانين بؤيوک بير حيصه سيني کوردلشديريب و آرتيق آذربايجاندان آييرميشلار. بو گون مينلرله تورک توپونيمينين اينديکي کوردوستان و کرمانشاه ويلايتينده دگيشديريلمهسينه باخماياراق، هله ده بو بؤيوک بؤلگهنين اکثر توپونيملرينين تورک منشالي اولماسي بو بؤلگهلرين سون يوزيلليکلرده آذربايجان تورکلريندن تميزلنهرک کوردلشديريلديگي کيمسهده شوبهه بوراخمير.
کوردلر آذربايجاني بو شکيلده محو ائتمکله ياناشي گونئي آذربايجانين غرب و جنوب-غرب بؤلگهلرينده اونلارلا سويقيريمي تؤرهديبلر. همين دهشتلي سويقيريملاردان بيري ده هله ائرمنيلرين خالقيميزا قارشي سويقيريم تؤرتمزدن اول يعني 1880-جي ايلين اوکتيابر آيينين 2-دن باشلاياراق 10 گون مدتينده داوام ائدن قوشاچاي شهري و منطقه سي، ائله جه ده ماراغا و مليک کندي منطقه لرينين کنلرينه کوردلرين هوجومو و آذربايجان تورکلرينين بو بؤلگهده سويقيريما معروض قالماسي اولموشدور.
عراقدان هجوما کئچن سيلاحلي و تالانچي کورد دستهلري قوشاچاي شهري و بوتون کندلريند، ائله جه ده ماراغا و مليک کندي بؤلگهسينين کندلرينده گوناهسيز اهاليني قيلينجدان کئچيرميشلر. بو سويقيريم نتيجهسينده مينلرله گوناهسيز آذربايجان تورکو سويقيريمين قورباني اولدو. تکجه قوشاچاي شهرينده 1800-دن چوخ قادين، قيز، اوشاق و قوجا وحشيجهسينه قتل عام ائدهرک سويقيريما معروض قالدي. شهر تالان ائديلندن سونرا يانديريلاراق، يئرله يکسان ائديلدي.
گادتب کوردلرين تکجه قوشاچايدا دئييل، سولدوزدا، اورميادا، سالماسدا، خويدا، ماکيدا، خانادا، سويوق بولاقدا و سایر آذربايجان شهرلري و مينلرله آذربايجان کندينده سويقيريم تؤرتمهسيني نظره آلاراق، آذربايجان تورک ميلتيني آييق اولماغا و کوردلرين ميلتيميزه قارشي يئني سويقيريم تؤرتمهلرينه ايمکان وئرمهمهيه چاغيرير. سؤزسوز کي، کوردلر عيرقچي و ايشغالچي فارس رئژيمين يارديمي ايله آذربايجانين غرب بؤلگهسينده يئني ايشغال، سويقيريم و تجاووز پلاني قوروب، اونا شرايط ياراديرلار. آذربايجان تورک ميلتي يالنيز اؤز ميللي تشکيلاتلاري اطرافيندا بيرلشيب، آييق اولماق و دوشمنلرين پلانيني پوزماقلا بو دهشتلي فلاکتين قارشيسيني آلا و يا آز ضررله اوندان قورتارا بيلرلر.
گونئي آذربايجان دئموکراتيک تورک بيرليگينين (گادتب)
