پنج‌شنبه , فوریه 29 2024
azfa
تازه ها

گونئي آذربايجان دموکراتيک تورک بيرليگي (گادتب) باشقاني سايين اژدر تاغيزاده نين 15 سئنتيابر باکينين ائرمني ايشغاليندان آزاد ائديلمه‌سي مناسبتی ایله بيلديريشي

گادتب: بيریجی دونيا محاريبه سي عرفه سينده ايمپئرياليست و آنتي تورک دؤولتلر- چار روسياسي، اينگيلتره، آمریکا، فرانسا و سایر دؤولتلر بؤيوک عثمانلي دؤولتيني پارچالاماق و محو ائتمک اوچون بيرليکده حرکته کئچميشديلر. عئيني زاماندا چار روسياسي طرفيندن آذربايجانين ايکييه پارچالانماسيندان سونرا آذربايجان اراضيلرينده ائرمنيلر و آيسورلار طرفيندن خالقیمیزا قارشی سویقیرم تؤرتمکله، آذربايجان تورکونون کؤکونو کسيب، آذربايجان و عوثمانلي اراضيلرينده هئچ زامان اولمايان “بؤيوک ائرمنيستان” ياراتماق ايسته‌ييرديلر.

بو مقصدله قوزئي آذربايجانين مختليف اراضيلري و شرقي آنادولو ايله ياناشي گونئي آذربايجانين غرب بؤلگه‌سي ده روسيا و آدلاري چکيلن غرب دؤولتلرينين حيمايه‌سي ايله تشکيلاتلانديريلان ائرمني، آيسور و کوردلرين اليله دهشتلي سويقيريما معروض قالدي. تکجه اورميا، سالماس و خوي بؤلگه‌سينده رسمي استاتيستيکايا گؤره 200 مين آذربايجان تورکو سويقيريما معروض قالدي.

هر طرفدن روسيا و غرب دؤولتلرينين هجومونا معروض قالان عوثمانلي تورکيه‌سي بو آغير شراييطده ائرمنيلر طرفيندن سويقيريم معروض قالان شرقي آنادولو، قوزئي آذربايجان و گونئي آذربايجاندا تورکلرين تاماميله محو ائديلمه‌سينين قارشيسيني آلماق اوچون حرکته کئچدي. 1918-جي ايلده شرقي آنادولونون ايشغالدان آزاد ائديلمه‌سيندن سونرا قافقاز ايسلام اوردوسو نورو پاشانين باشچيليغي ايله قوزئي آذربايجانا داخيل اولوب، آذربايجان خالق جمهوريتينه يارديما گلدي، سئنتييابر آيينين 15-ده وار اولان پايتختيميز باکي ائرمني-بولشئويک ايشغاليندان آزاد ائديلدي و آذربايجان خالق جمهوريتينين پايتاختي باکييا کؤچورولدو.

قافقاز ايسلام اوردوسو ايله ياناشي عوثمانلي اوردوسونون ديگر بير حيصه سي ده گونئي آذربايجانا داخيل اولوب، خوي شهرينين ايشغال ائديلمه‌سينين قارشيسيني آلماقلا ياناشي سئنتيابرين اوتالاریندا سالماسي و سئنتيابرين سونلاريندا ايسه اورميياني ائرمني-آيسور ايشغاليندان قورتاردي.

گونئي آذربايجان دموکراتيک تورک بيرليگي (گادتب) بو ظفر موناسيبتيله قافقاز ايسلام اوردوسو و نورو پاشانين خاطيره‌سيني بؤيوک سايغي ايله آنير و بؤيوک آذربایجان-تورک ميلتيني تبريک ائدير.

اژدر تاغيزاده

گونئي آذربايجان دموکراتيک تورک بيرليگي (گادتب) باشقاني

دوباره امتحان کنید

مرتضی پروین آزاد اولسون؛ توزیع و نصب پوستر‌ در‌ خیاو(مشگین شهر)

گادتب: به گزارش مرکز گادتب، فعالین حرکت ملی آذربایجان‌ امروز‌ چهارشنبه‌ ۹ اسفند ماه ۱۴۰۲ …

برد تراختور در هوای سرد تبریز

گادتب: به گزارش مرکز گادتب، تیم فوتبال تراختور آزربایجان در هفته هجدهم لیگ برتر فوتبال …

دیدگاهتان را بنویسید