پنج‌شنبه , مارس 28 2024
azfa

گونئی آذربایجان ایستقلالچیلار بیرلیگینین (گایب) گونئی آذربایجاندا ۱۸ آبان قیامینین ایل دؤنومو ایله باغلی بیلدیریشی

گادتب: یاشاسین ۱۸ آبان قیامینین شانلی خاطیره سی

حورمتلی وطنداشلار

بوگون آبان آیی نین ۱۸-یدیر. دؤرد ایل اؤنجه عیرقچی رئژیمین تئلویزییونلاریندا حیاسیزجاسینا میللتیمیزه قارشی ائدیلن تحقیرلر، گونئی آذربایجانین بوتون شهرلرینده، حتا تئهراندا خالقیمیزی کوچه لره تؤکوله رک، جینایتکار ـ فوندامنتالیست رئژیمین تحقیر و آلچادیجی وئریلیش لرینه قارشی اوز حاقلی اعتیراضلارینی بیلدیرمه یه چالیشدیلار. لاکین دونیا تئروریزمی نین سرکرده سی اولان بو رئژیمین الی سیلاحلی قولدورلاری بو حاقلی سسی بوغماغا چالیشدیلار.

میلیونلاری آشان بو اعتیراض دالغاسی میللتیمیزین ایچینده مستملکه چی ـ عیرقچی تئهران رئژیمینه قارشی اولان نیفرتی گؤسترمکله یاناشی بیر قدرت نوماییشی ایدی. عین زاماندا یاخین گله جکده آذربایجان میللتی نین منطقه ده اوینایاجاغی سیاسی، ایجتماعی اولوشوملارین جارچیسی ایدی.

ایشغالچی رئژیم میللتیمیزین بو عظمتلی اعتیراضیندان ال ـ آیاغا دوشه ره ک، سؤزده موزدورلارینی ایشدن اوزاقلاشدیریب، میللتیمیزین یانیندا اولدوقلارینی ایدعا ائتسه لر ده، اللری میللتیمیزین قانیتا بله شن قولدورلاری وظیفه لرینده ساخلادیلار.

ایشله دیکلری جینایتلر اوچون حقوقی تعقیبه معروض قالمادیلار. چونکی پرده آرخاسیندا بو توهین و اهانتلر اونلارین گؤستریشی ایله حیاتا کئچیریلمیشدیر. اونلارین میللتیمیزه قارشی دوشمنچیلیک سیاستی کئچن یوز ایللیگین اوللریندن باشلامیش (پهلوی رئژیمی حاکمییته گتیریله ندن) و بو گونه قده ر دوام ائتمکده دیر. تأسوف ایله فارس عیرقیچیلاری نین بو دوشمنچیلیک سیاستینه آد، مقام ، پارا دوشگونو اولان کؤکو اؤزوموزدن اولان بالتالاردا موجوددور.

فارس عیرقیچیلاری نین بو عمللری اونلارین قدرتلی اولدوغونو یوخ، عکسینه اؤزلرینده کیچیک گؤرمه عقده لریندن دوغان حرکتلردیر. اونلار اؤزگه لرینه توهین ائتمکله و کیچیک گؤسترمکله اؤز عقده لرینی راضی سالماق ایسته ییرلر. بئله لیکله بو چیرکین عمللریندن ذوق آلیرلار. بونا گؤره ده میللتیمیز دواملی اولاراق، تئهراندا اوتوران روحی خسته لرین سازی ایله اویناماقدان جانا گلمیش، صبیر کاساسی دولموشدور. میللتیمیز آرتیق اؤز یولونو سئچمیشدیر. میللتیمیز اینسانا لاییق، مستقیل و آزاد یاشاماق ایسته ییر. اؤز حقوق دؤولتینی قوروب مدنی میللتلرله بیر آرادا اولماغی ترجیح ائدیر. جهالته، فلاکته، دالی قالمیش لیغا سون قویماق نیتینده دیر. بو هدفینه اولاشماق اوچون یولونو تئهرادان آییراراق، اؤزوـ اؤزونو اداره ائتمک ایسته ییر. ۱۸ آبان دا عملده گؤستردیگی کیمی ایشچیسی، معلیمی، بازاریسی، کارمندی، اویرنجیسی و… قول ـ قولا گیره ره ک بو هدفه اولاشماق اوچون آدیملایاجاقلار. بو مقدس یولدا هر جور فداکارلیغا حاضیردیرلار. آمما اوزو قارالیق میللتیمیزین دوشمنی اولان عیرقچی تئروریستلره، دینی اؤزلرینه آلت ائده ن فوندامنتالیستلره قالاجاقدیر.

یاشاسین ۱۸ آبانین اولو خاطیره سی!

عشق اولسون آزادلیق، مستقیل لیک و ایجتماعی عدالت اوغروندا ساواشانلارا !

یاشاسین آزربایجان . . . .

دوباره امتحان کنید

پاشینیان: ارمنستان «دولت در تبعید قاراباغ» را به رسمیت نمی‌شناسد

گادتب: نیکول پاشینیان، نخست‌وزیر ارمنستان، در جلسه کابینه دولت این کشور در واکنش به اظهارات …

تداوم بازداشت و بی‌خبری از وضعیت وحید اصغری، نوجوان هفده‌ساله تبریزی

گادتب: به گزارش مرکز گادتب، وحید اصغری، دانش‌آموز هفده‌ساله ساکن شهر سهند تبریز، علیرغم گذشت …

دیدگاهتان را بنویسید