سه‌شنبه , ژانویه 19 2021
azfa

گونئی آذربایجان ایستیقلالچیلار بیرلیگینین 20 یانوار فاجعه سی ایله باغلی بیلدیریشی

گادتب: 20 یانوار فاجیعه سی، آزربایجان میللتینین عموم ملی ماتم گونودور.

۲۰۰ ایلدن به ری آزربایجانین آزادلیغی و اراضی بوتؤولویو اوغروندا آرازین هر ایکی تاییندا میللتیمیزین آپاردیغی چئشیدلی موباریزه لر، قهرمانلیق صحیفه لری اولاراق، تاریخیمیزده قئید ائدیلمیشدیر. ائله ۲۰ یانوار دا میللتیمیزین آزادلیغی اوغروندا آپاریلان بیر قهرمانلیق سیمگه سیدیر.

۱۹۹۰- نجی ایل یانوارین ۲۰ – سینه کئچه ن گئجه جینایتکار گورباچوون بویوروغو ایله سووئت اوردولاری اوچونجو دفعه آزربایجان اراضی سینه سوخولوب آزادلیق و مستقیللی یی اوچون آیاغا قالخان میللتیمیزین سسینی بوغماغا چالیشدیلار. آمما بو دفعه قاباقکی ایشغاللاردان فرقلی اولاراق میللتیمیزین ایراده سینی و مستقیللی یه اولان اینامینی داها تانکلارلا، سونگولرله یوخ ائتمک مومکون دئییلدی. سونوندا اوزو قارا، باشی آشاغی وطنیمیزی ترک ائتمک زوروندا قالدیلار. آنجاق اوزو قارالیق روسلارا و اونلارین رهبرلرینه قالدی .

میللی آزادلیق و باغیمسیزلیق اوچون مبارزه یه قالخمیش دینج اهالی نین اوستونه تانکلاری سوروب تانک تکرلری نین آلتیندا ازمه لری و آتدیقلاری گولله لریله یوزلرجه گوناهسیز اینسانی قتله یتیردیلر . باکی داکی شهیدلر مزارلیغی بو جینایتلره جانلی بیر سنددیر. بیر میللتین ایراده سی قارشی سیندا دونیانین بوتون گوجلو اوردولاری دیزه چؤکمه یه محکومدور .

گورولدوغو کیمی میللتیمیزین مستقیللیک اوغروندا باشلاتدیغی ساواشی قان ایچینده بوغماغا چالیشسالار دا باشاریلی اولمادیلار. بو بیز گونئیلی لر اوچون تاریخی بیر درسدیر.

بیز ۲۰ یانوارین ایلدؤنومونده بو شهیدلریمیزین قارشی سیندا باش اییب اونلارا دئمک ایسته ییریک، سیزین گئتدی یینیز مقدس یولو بیز گونئی لیلر دوام ائتدیره جی ییک، سیزین جانفشانلیقلارینیز نتیجه سینده، الده ائدیلن قوزئی آزربایجانین مستقیللی یی بوتؤو آزربایجان میللتی نین غرورودور .

گونئی آزربایجانلیلار دا بو یولو گئده جکلر، کیمسه بیزلری تئهران رئژیمیندن قورخودا بیلمه ز. یاخود بین الخالق زورلوق و چتین لیکلر بیزی اوز یولوموزدان آییرمییاجاقدیر. بیز گونئی لیلر ده اؤزموزو کوله لیکدن فارس ایرقیچیلاری نین مستملکه سیندن قورتارماغا قرارلی ییق . بیزلر قوزئیده کی باجی قارداشلاریمیزین تجروبه لریندن فایدالاناراق اوز حاقلی داوامیزی سوردوره جه ییک .

میللتیمیز هر جور فداکارلیغا حاضیردیر. چونکی بونو بیلیرلر کی مستقیللیگی الده ائتمک، آنجاق اینام و فداکارلیقلا مومکوندور .

دوباره امتحان کنید

آزادی محمدرضا قربانی همسر خانم حکیمه احمدی

گادتب: به گزارش مرکز خبر گادتب، محمدرضا قربانی همسر خانم حکیمه احمدی پس از تحمل …

تجمع اعتراضی حواله داران ام جی ۳۶۰ شرکت صنعت خودرو آذربایجان آذویکو مقابل وزارت صمت

گادتب: به گزارش مرکز خبر گادتب، رژیم ایران و قضات آن همچون ایزدی قاضی شعبه …

دیدگاهتان را بنویسید