پنج‌شنبه , فوریه 22 2024
azfa
تازه ها

گونئی آذربایجان دئموکراتیک تورک بیرلیگی‌نین (گادتب) گونئی تورکمنیستان اعتراضلاری ایله باغلی بیلدیریشی

گادتب: تورکمن صحرا و عمومیتله گونئی تورکمنیستاندا تورکمن سویداش‌لاریمیزا قارشی ایرقچی فارس رئژیمین سون حادثه‌لرله باغ‌ی یاناشماسی بیر داها ثبوت ائتدی کی، بو رئژیم حاقلی تورکه قارشی حتی آزیاشلی‌لارین ناموسونو هدف آلمیش جینایتکارلارین یانیندا‌دیر. ایرقچی فارس رئژیمین تئررورچو سپاهینین تورکمن‌لری هده‌لمه‌سی، ایران رئژیمین پرئزیدئنتی روحانی‌نین تورکمن‌لرین اوزرینه قوه یئریتمه هده‌لری بیر داها بو ایشغالچی و جینایتکار رئژیمین ایچ اوزونو آچیب گؤستردی. آرتیق کیمسه‌یه سیرر دئییل کی، بو رئژیمین حاکمیتی آلتیندا هئچ کیمین اؤولادی، جانی، مالی و ناموسو قورونمور.

تورکمن‌لر آذربایجان تورک‌لری کیمی بو گون ایرقچی فارس رئژیمین ظلمو آلتیندا یاشاماق مجبوریتینده‌دیر. آذربایجان تورکو کیمی تورکمنیستان تورکو ده روسلارین و ایران رئژیمین ایشغال‌چیلیق سیاستی نتیجه‌سینده پارچالانمیش تورک میللتی‌دیر. بو تورک میللتی چار روسیاسی و سؤوئت دؤورونده، جنوبی تورکمنیستاندا ایسه پهلوی و موللا رئژیم‌لری واسطه‌سیله دفعه‌لرله سویقیریما معروض قالمیش‌دیر. رضا شاه 1925-جی ایلده تورکمن‌لره دیوان توتا‌راق، اونلارین آزادلیق حرکاتینی یاتیرمیش، موللا رئرژیمی ایسه ایلک ایللرینده تورکمن‌لرین اوزرینه توپ-توفنگله یوروموش‌دور. لاکین بوتون بونلار تورکمن تورکلری‌نی آزادلیق و موستقیل‌لیک آمالیندان اوزاق سالا بیلمه میش‌دیر.

تورکمن تورکلری آذربایجان تورکلری کیمی هر زامان ایرقچی فارس رئژیمین آیری سئچکی‌لیک و ظلمونه معروض قالمیش‌دیر. عادی سئل حادثه‌سی بئله گؤستردی کی، تورکمن‌لر بو رئژیمدن هئچ نه گؤزلمه مه‌لیدیر. ساده بیر قیغیلجیملا دفعه‌لرله ثبوت اولوب کی، بو رئژیم تورک میللتی‌نین دؤولتی دئییل و تورکمن‌لر ده آذربایجان تورکلری کیمی بو فلاکت‌لردن قورتولماق اوچون اؤز موستقیللیک‌لرینی الده ائتمه‌لی‌دیرلر.

گونئی آذربایجان دئموکراتیک تورک بیرلیگی (گادتب) گونئی تورکمنیستاندا تورکمن‌لرین حاقلی اعتراضلارینی دستکله مکله هر زامان اونلارین یانیندا اولدوغونو بیلدیریر و ایستیقلال موجادیله‌میزده بوتون تورکلرین بیرلیکده حرکت ائتمه‌سینی مقصده اویغون حساب ائدیر.

اژدر تاغیزاده

گونئی آذربایجان دئموکراتیک تورک بیرلیگی (گادتب) باشقانی

دوباره امتحان کنید

پخش کتاب‌های تورکی در زنجان به مناسبت روز زبان مادری توسط فعالین حرکت ملی آذربایجان

گادتب: فعالین حرکت ملی آذربایجان در زنجان در راستای پاسداشت زبان مادری هم‌زمان با ۲ …

شهر تبریز؛ توزیع گسترده اعلامیه به مناسبت روز جهانی زبان مادری

گادتب: فعالین حرکت ملی آذربایجان امروز ۲ اسفندماه ۱۴۰۲ با چاپ، نصب و توزیع گسترده …