یکشنبه , فوریه 25 2024
azfa
تازه ها

گونئی آذربایجان دئموکراتیک تورک بیرلیگی‌نین (گادتب) گونئی آذربایجاندا 1 خورداد قیامی ایله باغلی بیلدیریشی

گادتب: رئگیوندا ان قدیم تاریخه مالیک اولان آذربایجان شرقله غرب تورکلرینی بیر-بیرینه باغلایان مهم کؤرپو کیمی دایم تورک گوجوندن قورخویا دوشن ایمپئریالیست دؤولت‌لرین، او جمله‌دن بریتانیا، روسیا و باشقا غرب دؤولت‌لرینین هدف آلدیغی اؤلکه اولموش‌دور. صیرف بو ایمپپئریالیست گوجلرین اوزون ایللر آذربایجان تورک میللتینه قارشی پلانلارینین ایجراسی ایله آذربایجاندا تورک حاکمیتی چئوریلیش یولو ایله ییخیلیب و ایرقچی فارس‌لار تورک اراضی‌لرینده و گونئی آذربایجاندا حاکمیته گتیریلدیلر. آنتی تورک ایمپئریالیست‌لرین واسطه‌سیله حاکمیتی غصب ائدن ایرقچی و ایرتیجا‌چی فارس حاکمیتی گونئی آذربایجاندا تورک میللتینی بوتون طبیعی حاقلارین‌دان محروم ائدیب، اونلارین تاریخینی، مدنیتینی و دیلینی دانیب و بو گون ده بیزی بیر میللت اولا‌راق یوخ ائتمه سیاستینی کسکین شکیلده داوام ائتدیرمکده‌دیر. لاکین گونئی آذربایجاندا تورک میللتی بو ایشغال و اسارتله باریشماییب، اؤزونون آزادلیغی و موستقیل‌لیگی اوغروندا موباریزه‌سینه داوام ائتدیردی.

آذربایجان تورک میللتی‌نین میللی موباریزه‌سی نتیجه‌سینده 1945-جی ایلده آزربایجانین بیر حیسه‌سینده آذربایجان دؤولتی برپا ائدیلدی. بو دفعه ایسه شرق و غرب بلوکونون بیرباشا و یا دولایی یاردیمی ایله یئنه گونئی آذربایجان ایشغال‌چی فارس رئژیمی طرفین‌دن یئنی‌دن ایشغال ائدیلدی.

آذربایجان و تورک تورپاقلارینی غصب ائدن ایرقچی فارس رئژیم بوتون مئدیا ایمکان‌لاریندان فایدا‌لانا‌راق چالیشمیش‌دیر کی، میللتیمیزی جاهیل، گئری‌چی و… گؤستریب، دیل و کولتوروموزه قارشی آغیر تحقیر ائدیجی وئریلیش و فیلم‌لر حاضرلاسین. بو ایستیقامتده 2006-جی ایلده ایرقچی و ایشغالچی فارس دؤولتی‌نین رسمی اورقانی اولان «ایران» قزئتینده تحقیر ائدیجی بیر کاریکاتورا ایله ان چیرکین و غئیری-اینسانی شکلیده میللتیمیزی تحقیر ائدیب و حقیقی ایرقچی و فاشیست صیفت‌لرینی گؤستره‌رک میللی وارلیغیمیزین نئجه یوخ ائتمک ایستراتئگیاسینی یایینلادیلار. بو ایرنج و تحقیر اوصولو ایله آذربایجانلی اوشاقلارین بئیین‌لرینی یوماق سیاستی آرتیق میللتیمیزین صبیر کاساسینی داشیردی.

میلیونلارجا آذربایجان تورکو کوچه‌لره آخیشا‌راق، “هارای-هارای من تورکم!” دئییب، اؤز وارلیغینا صاحب چیخدیب، ایشغالچی فارس رئژیمین آپاردیغی اینکار و آسسیمیلیاسیون سیاستینی بوشا چیخاردیلار.

بیر خورداد قیامیندا میللتیمیز ایشغالچیلیق، ایرقچی‌لیک و موستملکه‌چی‌لییه قارشی عصیان قالدیریب، گؤستردی کی، کیمسه اونون منلیگینی تاپدالاییب، تحقیر ائده بیلمز.  مینلرله آذربایجان تورکو یاخالانسا دا، اونلارجا شهید وئرن، یوزلرله اینسانی یارا‌لانان خالقیمیز بیر داها دونیایا گؤستردی کی، آذربایجان تورک میللتی اؤز موستقللیگی اوغروندا موباریزه‌سینی داوام ائتدیرمکده‌دیر.

گونئی آذربایجاندا 1 خورداد قیامی آذربایجان تاریخینده قیزیل بیر صحیفه آچماقلا یاناشی موستقیل‌لیک اوغروندا موباریزه‌میزین مهم بیر مرحله‌سی کیمی تاریخه دوشموش‌دور. گونئی آذربایجان دئموکراتیک تورک بیرلیگی (گادتب) ده گونئی آزربایجانین موستقیللیگینی اساس مقصد سئچه‌رک، 1 خورداد قیامینین شهیدلری‌نین یولونو صداقتله داوام ائتدیریر. آذربایجان تورک میللتی‌نین تکجه قورتولوش یولونون موستقیل‌لیک اولدوغونا اینانان گادتب، آذربایجان تورک میللتی‌نین گونئی آزربایجانین موستقیل‌لیگی و آزادلیغی اوغروندا شرفلی موباریزه‌سینی دستکله ییر.

اژدر تاغی‌زاده گونئی آذربایجان دئموکراتیک تورک بیرلیگی (گادتب) باشقانی

دوباره امتحان کنید

گونئی آذربایجان دئموکراتیک تورک بیرلیگینین (گادتب) خوجالی سویقیریمینین ایلدؤنومو موناسیبتیله بیلدیریشی

گادتب: آذربایجان دؤولتی ۲-جی قاراباغ محاربه‌سی و ۱ گونلوک آنتی-تئررور تدبیرلری ایله اؤز اراضی بوتؤولویو …

گرامیداشت «روز جهانی زبان مادری» در دانشگاه اورمیه

گادتب: دوم اسفند ماه ۱۴۰۲ مصادف با روز جهانی زبان مادری در جلسه عمومی کانون …