ادتاج اتحادیه دمکراتیک ترک آذربایجان جنوبی
گادتب: 9 نویابر آزربایجانین دؤولت بایراغینین یاراندیغی گون‌دور. قوزئی‌لی-گونئی‌لی بوتؤو آزربایجانین سیموولونا چئوریلن اوچ رنگ‌لی بایراغیمیز ایلک دفعه 9 نویابر 1918-جی ایلده آذربایجان خالق جمهوریتی ناظیرلر شوراسی طرفین‌دن تصدیق ائدیلمیش‌دیر. عینی زاماندا آذربایجان موستقیل‌لیگینی برپا ائتمکله 5 فئورال 1991-جی ایلده یئنی‌دن همین 3 رنگ‌لی بایراق آذربایجان رئسپوبلیکاسینین عالی سووئتی طرفین‌دن تصدیق ائدیلمیش‌دیر.
محمد امین رسول‌زاده، فتحعلی خان خوی‌لو و دیگر جمهوریت قوروجولارینین یاراتدیغی آذربایجان بایراغی، مین ایللر بویو بؤیوک ایمپئراتورلوق‌لار قوران آذربایجان تورک میللتی‌نین معاصر دؤورده کیملیگی‌نین سیموولونا چئوریلمیش‌دیر. 3 رنگ‌لی آذربایجان بایراغی هم ده آزربایجانین تورکلوگو و بوتؤو‌لوگونون ایلهام قایناغینا چئوریلمیش‌دیر.
گونئی آذربایجان دئموکراتیک تورک بیرلیگی (گادتب) آذربایجان خالق جمهوریتی‌نین ایدئال‌لارینا، او جمله‌دن همین جمهوریتین یاراتدیغی 3 رنگ‌لی آذربایجان بایراغینا اؤز سایغی‌سینی ایفاده ائده‌رک، 9 نویابر آزربایجانین دؤولت بایراغی گونو موناسیبتیله قوزئی‌لی-گونئی‌لی آذربایجان تورک میللتینی، آذربایجان دؤولتینی و تورک دونیاسینی تبریک ائدیر.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
