چهارشنبه , آوریل 17 2024
azfa
تازه ها

گونئی آذربایجان دئموکراتیک تورک بیرلیگینین (گادتب) بئین الخالق آنا دیلی گونو ایله باغلی بیلدیریشی

گادتب: ۲۱ فئورال بئین الخالق آنا دیلی گونو کیمی بوتون دونیادا قئید ائدیلیر. ۱۹۹۹-جو ایلین نویابرین‌دا بیرلشمیش میللتلر تشکیلاتی بنگلادئش سفیرینین تشببوثو ایله فئورالین ۲۱-نی بئین الخالق آنا دیلی گونو اعلان ائدیب. بو گونون آنا دیلی گونو کیمی اعلانی ۱۹۵۲-جی ایل فئورالین ۲۱-ده بنگلادئشین بنگال شهرین‌ده اؤز آنا دیلینین رسمی دیل اولماسی اوغرون‌دا موباریزه آپاران ۴ اؤیرنجینین اؤلدورولمه‌سی حادثه‌سی ایله باغلی‌دیر.

گونئی آذربایجان‌دا ایسه بو گون آذربایجان تورک میللتی ده فاشیست و ایرقچی فارس-موللا رئژیمینین ایرق‌چی سیاستی نتیجه‌سین‌ده آنا دیلین‌ده تحصیل حقوقون‌دان محروم ائدیلیب. بیر عصره یاخین فارس موستملکه‌چی‌لیگی نتیجه‌سین‌ده آذربایجان تورک میللتی اؤز آنا دیلین‌ده تحصیل و ساواددان محروم اولوب. بو ایرق‌چی سیاست میللتیمیزین معنوی سویقیریمی و بیر میللت کیمی محوینه حئسابلاندیغی اوچون بؤیوک فلاکتلرله نتیجه لنمیش‌دیر. آذربایجان تورک میللتینین ادبی دیلینین محوین‌دن علاوه، بو میللتین دیلین‌ده علم، تئکنیکا، طب، صنایع و اونلارلا دیگر ساحه‌لری احاطه ائد‌ن میللی-معنوی و علمی-تئکنیکی پوتئنسیالینین فورمالاشماسینا مانع اولماقلا، همین پوتئنسیال محو ائدیلمیش‌دیر. بو ایسه یوز میلیاردلارلا کومپئنساسییا ائدیلمه‌یه‌ن بؤیوک بیر خسارت و اصلین‌ده تصوووره گلمز فلاکت دئمک‌دیر. بو جینایتی ایرق‌چی فارس رئژیمی تؤرتمیش و بو گون ده بو جینایته وار گوجو ایله داوام ائتمک‌ده‌دیر.

ایرق‌چی فارس-موللا رئژیمی گونئی آذربایجان‌دا اؤز دیلی و وارلیغینی قوریوب ساخلاماغا چالیشان اونلارلا آذربایجان تورکونو شهید ائدیب، مینلرله آزربایجانلینی حبس و ایشگه‌نجه‌لره معروض قویموش و قویماق‌دادیر. لاکین تایی-برابری گؤرونمه میش بو ظلم آذربایجان تورک میللتینین ایراده‌سینی سیندیرا بیلمه‌ییب. سون ایللرده یوز مین‌دن چوخ آذربایجان‌لی گنجین تبریزده گونئی آذربایجانین موستقیل‌لیگی و اؤز موقدراتینی تعیینین آذربایجان تورک میللتینین حقوقو اولدوغونا دایر پلاکات قالدیریب، «آذربایجان بیر اولسون، مرکزی تبریز اولسون» و «تورک دیلین‌ده مدره‌سه، اولمالی‌دیر هر کسه» شعاری سسله‌ن‌دیرمه‌لری بونا ثبوت‌دور. البته آذربایجان تورک میللتینین اؤولادلارینین «تورک دیلین‌ده مدر‌سه، اولمالی‌دیر هرکسه» شعاری سسله‌ن‌دیرمه‌لرین‌دن مقصدی رئژیمین اونسوز دا عمل ائتمه دیگی اؤز کونستیتوسییاسینین ۱۵-جی ماده‌سی دئییل، موستقیل آذربایجان دؤولتین‌ده اؤز دیللرین‌ده تحصیل آلماق حاقی‌دیر. چونکی، گرچک آنلام‌دا آنا دیلینین قورونماسی ساده‌جه اونون سیاسی جوغرافییا و موستقیل دؤولتی اولدوغو تقدیرده مومکون‌دور.

دیل اینسان حیاتین‌دا ان اؤنملی یئره مالیک اولدوغو اوچون بئین الخالق حقوق، کونوئنسییالار و اؤزل‌لیکله ۱۹۴۸-جی ایلده قبول ائدیله‌ن اینسان حاقلاری کونوئنسییاسین‌دا واز کئچیلمز بیر حاق کیمی تثبیت ائدیلمیش‌دیر. لاکین گونئی آذربایجانین ایرق‌چی فارس رئژیمی طرفین‌دن ایشغالی نتیجه‌سین‌ده میللتیمیزین تکجه دیل حقوق پوزولمور، بلکه بوتون حقوقلاری پوزولور، یئرآلتی ثروتلری تالانیر، ائکولوگییاسی و تاریخی عابده‌لری محو ائدیلیر. آذربایجان تورک میللتینین آرتیق تک یولو وار، او دا موستقیل‌لیک‌دیر. گونئی آذربایجان دئموکراتیک تورک بیرلیگی (گادتب) آذربایجان تورک میللتینین دیل حقوقو اوغرون‌دا موباریزه‌سی ایله یاناشی اساس مقصدین صرف موستقیل‌لیک اولدوغونا بیر داها تاکید ائدیر.

اژدر تاغی‌زاده

گونئی آذربایجان دئموکراتیک تورک بیرلیگینین (گادتب) باشقانی

دوباره امتحان کنید

«آیدین محمدی» به دادسرای انقلاب تهران احضار شد

گادتب: «آیدین محمدی»، فعال تورک آزربایجانی با دریافت ابلاغیه‌ای به دادسرا احضار شد. در احضاریه‌ای …

بخش شمالی دریاچه اورمیه خالی از آب است

گادتب: به گزارش مرکز گادتب، تصویری که اخیراً منتشر شده بصورت واضح نشان می‌دهد پل …