ادتاج اتحادیه دمکراتیک ترک آذربایجان جنوبی
گادتب: کؤکو تورکون یاشام طرزین‌دن قایناق‌لانان و سونرادان تورک شاهلاری طرفین‌دن حرفی ترجومه شکلین‌ده تاجیک دیلینه ترجومه ائدیله‌ن نووروز بایرامی حاضردا فارس کیمی تانینان تاجیکلرین تاریخین‌دن یوز ایللر اؤنجه تورکون تاریخین‌ده یئنگی گون (یئنی‌گون) بایرامی شکلین‌ده مؤوجود اولوب و تاریخه دوشموش‌دور. هله هون تورکلرینین بو بایرامی کئچیرمه‌سی باره‌ده دانیلماز تاریخی فاکتلار وار. بو بایرام بیر نئچه قیطه‌یه یاییلان بوتون تورکلرین قدیم زامانلاردان طبیعتین اویانماسی و یازین گلیشی ایله باغلی کئچیردیگی بایرام‌دیر.
ائرمنی و فارسین قدیم تاریخی و مدنیتی اولمادیغی اوچون تحریفلره مجبور قالیرلار. لاکین تورکلرده هر هانسی مسئله ایله باغلی تحریفه احتیاج یوخ‌دور. یئنی‌گون بایرامینین قدیم‌دن تورکلرین بایرامی اولماسی ایله باغلی دا «دیوانی لغات الترک» کیمی معتبر اثرده دانیلماز فاکتلار مؤوجوددور. بئله کی، همین اثرده اوغوزلو-قیبچاق‌لی بوتون دونیا تورکلرینین قئید ائتدیگی بو میللی بایرام «یئنگی گون» (یئنی‌گون) کیمی قئید ائدیلمیش‌دیر. یئنگی گون بایرامی داها سونرالار فارسجایا حرفی ترجومه ائدیله‌رک نووروز شکلین‌ده تورک ایمپئراتورلوقلارینین اراضی‌سین‌ده ایشله دیلمیش‌دیر. «یئنی‌گون» سؤزو تورک سلطانلارینین (سلجوق‌لو ملیکشاه) گؤستریشی ایله فارسجایا ترجومه ائدیلدیگی اوچون بیر چوخ بؤلگه‌لرده نووروزی سلطان و سلطان نووروزو شکلین‌ده ایشله دیلمیش و حتی بیر سیرا تورک اؤلکه‌لرین‌ده بو گون ده بو شکیل‌ده ایشله دیلمک‌ده‌دیر. یئنی‌گونون ترجومه فورماسی اولان نووروز بؤیوک سلجوق‌لو سلطانی ملیکشاهین تقویم اصلاحاتلارین‌دان سونرا یاییلمیش‌دیر.
تورک میللتینین هله اون مین ایل اؤنجه‌دن فورمالاشدیردیغی یئنی‌گون- یاز بایرامی اینسانلارین ایلکین حیات طرزی، اکین‌چی‌لیک و طبیعتین قیش‌دان سونرا یئنی‌دن اویانماسی ایله باغلی اولموش‌دور. بو بایرام اساس ایکی قیطه‌یه یاییلمیش تورکلرین هامی‌سین‌دا دینین‌دن آسیلی اولمایاراق کئچیریلیر. حتی پروتوتورک خالقلار حساب ائدیله‌ن ایکی چای آراسین‌دا ساویر و شومئرلرده بئله یئنی‌گون بایرامی کئچیریلمیش‌دیر.
اوچ قیطه‌نین مین ایللر بویو حاکمی اولموش تورک میللتی قانادلاری آلتینا سیغینمیش بیر سیرا خالقلاردان دا بو گؤزل عنعنه‌سینی اسیرگه مه میش و اونلار دا یئنی‌گون-یاز بایرامینی منیمسه‌ییب قئید ائتمکده دیرلر.
گونئی آذربایجان دئموکراتیک تورک بیرلیگی یئنی‌گون-یاز بایرامی موناسیبتی ایله گونئی آذربایجان و قوزئی آذربایجان‌دا آذربایجان تورک میللتینی، ائله‌جه ده تورک دونیاسینی تبریک ائدیر، میللتیمیزه موتلولوق و آیدین گله‌جک، گونئی آذربایجان داخیل اولماقلا اسارت‌ده اولان دیگر تورکلره آزادلیق و موستقیل‌لیک آرزولاییر.
یئنی‌گون-یاز بایرامینیز موبارک!
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
