شنبه , ژوئن 22 2024
azfa
تازه ها

گونئی آذربایجان دئموکراتیک تورک بیرلیگینین (گادتب) ۲۸ مای آذربایجانین موستقیل‌لیک گونو ایله باغلی بیلدیریشی

گادتب: ۲۸ مای آذربایجانین رئسپوبلیکا اولاراق موستقیللیگینی الده ائتدیگی گونودور. ۱۹۱۸-جی ایل مایین ۲۸-ده آذربایجان تورک میللتی قدیم دؤولت‌چی‌لیک عنعنه‌لرینین معاصر دؤورده داوامی اولاراق آذربایجان خالق جمهوریتینی قورموش‌دور. حاضیرکی موستقیل آذربایجان رئسپوبلیکاسی ایسه آذربایجان خالق جومهوریتینین واریثیدیر. لاکین آذربایجانین دؤولت‌چی‌لیک تاریخی مین ایللرله اؤلچولور. آذربایجان تورک میللتی تاریخ بویو اونلارلا بؤیوک ایمپئراتورلوقلار و چوخسایلی دؤولتلر قورماقلا زنگین دؤولت‌چی‌لیک مدنیتی و تاریخینه مالیک اولموش‌دور.

آذربایجانین زنگین دؤولت‌چی‌لیک عنعنه‌سینه باخمایاراق سون یوزیل‌لیکلرده روسلارلا قاجار دؤولتینین محاربه‌سی نتیجه‌سین‌ده ایکییه پارچالانمیش‌دیر. آذربایجانین یالنیز قوزئی حیسه‌سین‌ده موستقیل آذربایجان جومهوریتی قورول‌سا دا، آذربایجانین گونئی حیسه‌سی باش‌دا اولماقلا بؤیوک حیسه‌لری اسارت آلتینا سالینمیش‌دیر. ۱۹۱۸-جی ایل مای آیینین ۲۸-ده تورک دونیاسی و شرق عالمین‌ده ایلک دئموکراتیک، پلورالیست و دونیوی آذربایجان دؤولتینین یارانماسی پارچالانمیش آذربایجانین بوتون حیسه‌لرینین دؤولتی‌دیر و اصلین‌ده محمد امین رسولزادنین قوردوغو آذربایجان خالق جمهوریتی آذربایجان تورک میللتینین چوخ عصرلیک دؤولت‌چی‌لیک تاریخینین پارلامئنت‌لی جومهوریت فورماسین‌دا چاغداش  دؤورده داوامی‌دیر. تصادفی دئییل‌دیر کی، محمد امین رسولزاده نین قوردوغو آذربایجان خالق جومهوریتی هم ده گونئی آذربایجانین موستقیللیگینی برپا ائدیب آذربایجان تورک جومهوریتی قورماسینا ان ایده‌آل مودئل کیمی گون‌د‌مده‌دیر.

آذربایجان خالق جومهوریتی آوروپانین دئموکراتیک ده یرلری ایله شرق مدنیتینین خصوصیتلرینی بیرلش‌دیره‌ن یئنی بیر دؤولت و جمعیت نومونه‌سی میدانا گتیرمیش‌دیر. روسلارین ایشغال‌چی‌لیق سیاستی و آذربایجانا هوجومو نتیجه‌سین‌ده ایشغالا معروض قالان آذربایجان خالق جومهوریتی قیسا مدت عرضین‌ده تاریخه دوشه‌ن بؤیوک ایشلر گؤرموش‌دور. آذربایجان خالق جومهوریتی قیسا مدت‌ده دؤیوش قابیلیتینه مالیک آذربایجان اوردوسونو تشکیل ائتمیش، دؤولت قوروجولوغونون بوتون ساحه‌لرین‌ده ثمره‌لی ایش آپاریلمیش، پارلامئنت یارادیلمیش و یئنی، میللی طلبلره، دئموکراتیک پرینسیپلره اویغون اولان دؤولت اورقانلاری قورولموش‌دو. آذربایجانین تاریخین‌ده ایلک اونیوئرسیتئت – باکی دؤولت اونیوئرسیتئتی یارادیلمیش، تحصیلین میللیلشدیریلمه‌سی، یئنی تدریس موسسه‌لرینین آچیلماسی ساحه‌سین‌ده آذربایجان تورک میللتینین سونراکی مد‌نی ترققی‌سی اوچون اساس‌لی زمینه چئوریله‌ن بیر سیرا اؤنملی ایشلر گؤرولموش‌دور.

آذربایجان خالق جومهوریتی آذربایجانین چاغداش دؤور دؤولتچیلیگینه اساس و بونؤوره اولماقلا یاناشی، سیویل دونیایا دا موترققی ده یرلر تؤحفه وئرمیش‌دیر. آذربایجان خالق جومهوریتین‌ده اینسانلارا چوخ بؤیوک حقوق و آزادلیقلار وئریلمیش‌دیر. اینسانلارین برابرلیگی پرینسیپلرینه اساس‌لانان آذربایجان خالق جومهوریتی هله غرب‌ده بئله قادینلارین سئچمک و سئچیلمک حقوقو اولمادیغی بیر واخت‌دا قادینلارا بو حقوقو وئرمیش‌دی.

موستقیل آذربایجان جومهوریتی او تایلی بو تایلی آذربایجانین گؤرکملی سیمالارین‌دان محمد امین رسول‌زاده و فتحعلی خان خویلونون قوردوغو آذربایجان خالق جومهوریتی موستقیل آذربایجان جومهوریتینین واریثی کیمی تکجه قوزئی آذربایجان‌دا یاشایان آذربایجان تورکونون دئییل، بوتون دونیا آذربایجان‌لیلارینین دؤولتی‌دیر. بو دؤولت هم ده گونئی آذربایجان‌دا دؤولتین و بوتؤو آذربایجانین یارانماسی اوچون دایاق نقطه‌سی و ایدئیا قایناغی‌دیر. گونئی آذربایجان دئموکراتیک تورک بیرلیگی (گادتب) آذربایجان خالق جومهوریتینین داوامی اولان موستقیل آذربایجان جومهوریتینی دونیا آذربایجان‌لیلارینین موستقیل دؤولتی حساب ائدیر و جومهوریتین تورکچولوک ایده‌آللارینا صداقتله گونئی آذربایجانین موستقیل‌لیگی و بوتؤو آذربایجانین یارانماسی اوغرون‌دا فعالیت گؤسترمه یی اؤزونه شرف بیلیر. آذربایجان تورکلری گونئی آذربایجانین میللی قورتولوشونو یالنیز و یالنیز ایستیقلال و جومهوریت ایداره اصولون‌دا گؤردوکلری اوچون آذربایجان خالق جومهوریتینی اؤزلرینه نومونه  گؤرورلر.

اژدر تاغی‌زاده

گونئی آذربایجان دئموکراتیک تورک بیرلیگی (گادتب) باشقانی

دوباره امتحان کنید

سایین میکائیل اویتا ویکتورییا آسامبلئیاسینین صدری ماری ائدواردسا آذربایجانلا پارلامئنت دوستلوق قروپونون لغوی ایله باغلی مکتوب عنوانلاییب-شکیل

گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) بئینلخالق علاقه‌لر …

بیانیه سازمان حقوق بشری فرانتلاین در مورد طاهر نقوی وکیل مدافع حقوق بشر در زندان اوین

گادتب: سازمان فرانت لاین با انتشار بیانیه‌ای خواستار آزادی بی‌قید و شرط طاهر نقوی و …